2007 Mozambican flood

2007 Mozambican flood

flood

Country	Mozambique
Point for tym insyd	22 February 2007

De 2007 Mozambican flood start for late December 2006 wen Cahora Bassa Dam overflow secof heavy rain wey fall for Southern Africa. E later turn worse on February 22, 2007, wen Category 4 Cyclone Favio make landfall for central province of Inhambane; experts wey dey track de cyclone talk say e go make de flooding for Zambezi River valley worse. De Zambezi River overflow ein bank, flood all surrounding areas for Mozambique. Chire River den Rivubue River sanso flood.

80,600 people dem evacuate komot from dema houses for Tete Province, Manica Province, Sofala Province den Zambezia Province by February 14. By February 22, United Nations Office for de Coordination of Humanitarian Affairs report say about 121,000 people already displaced secof de flood. Some people still refuse to komot for dema houses den livestock. Der be 29 confirmed death cases den anoda 10 wey still no confirm.

For early February, Mozambican authorities no expect say de flooding go serious reach like de 2000 den 2001 floods. Paulo Zucula, wey be head of Mozambique national relief agency, talk say: "We expect more water than we had in 2001. The situation is deteriorating and it will get worse but this time we are better prepared than in 2001". World Food Programme (WFP) estimate say fit be up to 285,000 people go need food aid. WFP start to deliver food aid on February 15. One single United Nations helicopter dem give am to help carry aid go evacuation centres. However, plenty people still never receive chow anaa drinking water, wey disease outbreak risk sanso increase; Paulo Zucula later change ein earlier talk about readiness, talk say "We were not prepared... it's another disaster".