Jump to content

Abdoulaye Hamani Diori

From Wikipedia
Abdoulaye Hamani Diori
human
Ein sex anaa gendermale Edit
Ein country of citizenshipNiger Edit
Name wey dem give amAbdoulaye Edit
Ein date of birth29 December 1945 Edit
Date wey edie25 April 2011 Edit
Place wey edieNiamey Edit
Languages edey speak, rep anaa signFrench Edit
Ein occupationpolitician Edit
Position eholdMember of the National Assembly of Niger Edit
Political party ein memberNigerien Progressive Party – African Democratic Rally Edit
Religion anaa worldviewIslam Edit

Abdoulaye Hamani Diori (29 December 1945 – 25 April 2011)[1] be Nigerien political leader plus businessman. E be son of Niger ein first President, den e fight political plus failed military struggle against de military regime wey overthrow ein poppie. Wen democracy return to Niger, Abdoulaye become head of ein poppie ein political party, plus e hold small but influential position for Niger ein political life till e die insyd 2011. Abdoulaye marry plus get four kiddies. E be Muslim, den e earn de honorific 'Hadji' after e make pilgrimage go Mecca.[2] E die on 25 April 2011 for National Hospital insyd Niamey, aged 65, after illness.[3]

Opposition den exile

[edit | edit source]

Abdoulaye be de eldest son of Niger ein first President, Hamani Diori. E campaign from exile on top ein poppie ein behalf after de 1974 coup wey remove Diori from power plus cause de death of Abdoulaye ein mommie. While e dey exile, Abdoulaye get two kiddies out of wedlock plus ein second wife for Nigeria. Insyd 1980s—after ein poppie release from prison for 1980 plus house arrest end insyd 1984—Abdoulaye become political leader of one short-lived armed rebel group wey dem call de Popular Front for de Liberation of Niger (Front populaire de libération du Niger, FPLN). De FPLN, wey dey made up mostly of Nigerien Tuareg fighters plus base for Libya, carry out one armed assault on one armory insyd de northern town of Tchintabaradene insyd March 1985, but government forces push dem back. After de attack, Abdoulaye ein poppie go prison again, den dem release am only after Niger ein military leader die insyd 1987.[4] After Seyni Kountche ein death, Abdoulaye return from Libya, join body plus ein poppie den former political rival—Sawaba leader Djibo Bakary—go meet de new President Ali Saibou, announce one amnesty plus reforms.[5]

Political leader

[edit | edit source]

Abdoulaye return enter politics wen military rule finally end insyd 1991, as Niamey chapter leader of ein poppie ein former party, de PPN-RDA. E rise quick quick come become de party ein vice president, plus e take over from Professor Dan Dicko Koulodo as elected president of de PPN-RDA after de professor ein death. Under ein leadership, de PPN-RDA remain small party wey dey work inside coalition plus bigger political groups. Insyd 1995, Abdoulaye get elected enter de National Assembly of Niger, plus e work inside coalition together plus de then Prime Minister of Niger, Mahamadou Issoufou. That time, Diori get chosen as Vice President of de Assembly. Insyd 2004, e return come be minister for de National Assembly, plus dem elect am President of de Defense Commission of de National Assembly for de 2004–2008 session.[6] Just like ein poppie, Abdoulaye Hamani Diori stand for elections wey represent constituencies insyd Dogondoutchi Department, Dosso Region. De area centre around ein mommie ein hometown Togone plus ein poppie ein hometown Soudouré, Dosso Region (wey now be part of Niamey Capital District). E still dey involved inside private enterprises, like de charter airline Air Niamey.[7] Abdoulaye oppose de failed attempt by former President Mamadou Tandja wey wan extend ein term under new constitution insyd 2009. E support de 18 February 2010 coup wey remove Tandja, den e talk say: “De government create de environment for de coup to take place.”[8] E support Mahamadou Issoufou for ein successful effort to become de first President of de Nigerien 7th Republic insyd 2011. Dem appoint Abdoulaye as government Minister, wey be Special Councilor to de President on 7 April 2011, den e attend de inauguration of de President on 6 April.[9] Abdoulaye Hamani Diori die for Niamey, aged 65, on 25 April 2011, after illness. E leave ein wife plus four children behind. Dem bury Abdoulaye on 26 April 2011 next to ein poppie for Soudouré. De burial get funeral cortege wey de President, Prime Minister, President of de National Assembly plus other Nigerien political leaders take oversee.[1]

References

[edit | edit source]
  1. ↑ 1.0 1.1 "Le Sahel – Le portail dynamique de l'information au Niger" (in French). 2025-09-22. Retrieved 2025-09-22.
  2. ↑ Nécrologie: ABDOULAYE HAMANI DIORI DECEDE. TamtamInfo News. 2011-04-26.
  3. ↑ "Décès à Niamey d'Abdoulaye Diori". RFI (in French). 2011-04-26. Retrieved 2025-09-22.
  4. ↑ Decalo, Samuel (1997). Historical Dictionary of the Niger (3rd ed.). Boston & Folkestone: Scarecrow Press. ISBN 0-8108-3136-8.
  5. ↑ "Niamey Journal; Wary Niger Wonders: Why Is Qaddafi Smiling? (Published 1988)" (in English). 1988-03-15. Retrieved 2025-09-22.
  6. ↑ "Le Sahel – Le portail dynamique de l'information au Niger" (in French). 2025-09-22. Retrieved 2025-09-22.
  7. ↑ "Saudi Arabia vs Nigeria's Citizen Ahman". Vanguard News (in British English). 2011-02-20. Retrieved 2025-09-22.
  8. ↑ Vinograd, David Gauthier-Villars And Cassandra (2010-02-20). "Senegal Leader to Mediate in Niger After Coup". Wall Street Journal (in American English). ISSN 0099-9660. Retrieved 2025-09-22.
  9. ↑ "nigerdiaspora.info". nigerdiaspora.info. Retrieved 2025-09-22.
Dem retrieve am from "https://gpe.wikipedia.org/w/index.php?title=Abdoulaye_Hamani_Diori&oldid=78641"