Adenike Osofisan

Adenike Osofisan

human

Ein sex anaa gender	female
Ein country of citizenship	Nigeria
Name wey dem give am	Adenike
Family name	Osofisan
Ein date of birth	11 March 1950
Place dem born am	Osogbo
Native language	Yoruba
Languages edey speak, rep anaa sign	English, Yoruba, Nigerian Pidgin
Ein occupation	university teacher
Employer	University of Ibadan
Educate for	Obafemi Awolowo University, Georgia Tech, University of Ibadan
Doctoral advisor	Adebayo Dada Akinde
Doctoral student	Bamidele Ayodeji Oluwade, Babatunde Opeoluwa Akinkunmi
Academia.edu profile URL	https://ibadan.academia.edu/AdenikeOsofisan

Adenike Osofisan (born 11 March 1950) be Nigerian academician wey be computer scientist, wey specialize for data mining den knowledge management. She be de first Nigerian woman wey hold Ph.D. for Computer Science, achievement wey she get for 1989. For 2006, she become full professor for University of Ibadan, promotion wey make am de first African woman wey become Computer Science professor.

Early life den education

Osofisan do ein secondary school for Fiwasaiye Girls' Grammar School, Akure den Comprehensive High School, Ayetoro (1968). Between 1971 den 1976, she get ein first degree from University of Ile-Ife, wey she dey enjoy federal government scholarship for most of ein university years. Later, for 1978, she go Georgia Institute of Technology, wer she get master’s degree for Information and Computer Science insyd 1979. Ein PhD thesis on Data Processing Model for a Multi-access Computer Communication Network she plete am for 1989 for Obafemi Awolowo University under de supervision of Adebayo Akinde. For 1993, she fini ein Master of Business Administration for Accounts den Finance from University of Ibadan, plus dissertation on An Asset Portfolio Management Model for Nigerian Commercial Banks: A Case Study. She graduate as de best MBA student for dat year.

Career

Lecturing Career

Osofisan start ein lecturing career for The Polytechnic, Ibadan insyd 1979. Within few years, she rise cam be dean of Faculty of Science for de same school. For 1999, she join University of Ibadan wey she immediately begin dey serve as acting head of Department of Computer Science. By 2003, she get promotion to associate professor. For 2006, she bag full professor chair. She sanso do visiting professor work for Lagos State University.

Membership of professional bodies

Member Board of Trustees for Nigeria Internet Registration Association (NIRA).

Former member of Nigeria Mathematical Centre den Nigeria Institute of Management (NIM) Councils, wey now she still dey serve as current member.

Member of dema Academic Boards.

She sanso be Member of Africa Academic Board of SAP (Systems, Applications, and Products in Data Processing).

Right now, Adenike dey serve as Director of University of Ibadan School of Business (UISB) as de foundation Director. For July 2017, she get elected as de First Female Provost of Nigeria Computer Society College of Fellows.

Recognition

Osofisan collect plenty fellowships, wey dey include "Nigeria Institute of Management" (1997), "Computer Association of Nigeria" (1998) den "Nigeria Computer Society" (life member, 2014). She sanso be pioneer president of "Nigerian Women in Information Technology" (2003). From 2005 to 2009, she cam be de first female president den chairperson of governing council of "Computer Professionals Registration Council of Nigeria". On June 10, 2019, dem induct am into Nigeria Women Hall of Fame for Abuja.

Publications den commentaries

A 2009 study, wey focus on de current digital divide as e concern information technology for Nigeria, dem index top for Google Scholar. Ein research revisit de challenges wey dey face adoption of digital technologies for Nigeria, in relation to wetin developed countries dey do. She sanso recommend steps den policies wey go make Nigeria quick embrace den implement digital standards insyd de ecosystem. De research publish for International Journal of Global Business.

Following de economic recession wey happen secof Nigeria dey over-depend on petroleum exports den dollar price dey fall, Osofisan advise Nigerian government make dem use de ICT sector well, since e get plenty contribution to give de economy if dem invest properly. She talk say even plus de challenges wey dey, de sector still create about 12 million jobs between 2012 den 2016. She give dis remark for de 9th Annual Forum of Laureates of de Nigerian National Order of Merit wey happen for Abuja.

List of articles

• Empirical Study of Factors Affecting the Effectiveness of Software Inspection: A Preliminary Report
• On the Origins of Advance Fee Fraud Electronic Mails: A Technical Investigation Using Internet Protocol Address Tracer
• An Empirical Comparative Study of Checklist based and Ad Hoc Code Reading Techniques in a Distributed Groupware Environment
• Bridging the Digital Divide: The Nigerian Journey So Far
• Industry Perception Of The Software Inspection Process : Nigeria Software Industry As A Case Study
• Evaluation of Predictive Data Mining Algorithms in Erythemato-Squamous Disease Diagnosis
• Your Development Team: A Fulcrum for Successful Migration to Agile.
• Representation of Knowledge Resource in the context of Economic Intelligence Systems

External links

• Adenike Osofisan at ICANNWiki
• Adenike Osofisan at LinkedIn