Jump to content

Agyeman Badu Akosa

Edit links
From Wikipedia
Agyeman Badu Akosa
human
Ein sex anaa gendermale Edit
Ein date of birth25 December 1953 Edit
Place dem born amMampong Edit
Ein occupationpathologist, physician Edit
Educate forPrempeh College, Ghana Senior High Technical School Edit

Agyeman Badu Akosa (born 25 December 1953) be Ghanaian pathologist, academic, politician plus social commentator.[1][2][3] He serve as Director-General of Ghana Health Service from 2002 go 2006. He be member of Convention People's Party plus well-known believer in de ideals of Kwame Nkrumah, founder of CPP.[4][5][6] He contest as de Party ein presidential candidate before 2008 General elections but he lose to Dr. Paa Kwesi Ndoum.[7][8] He be professor of Pathology[1][9] plus advocate on lifestyle matters.[2][9]

Early life den education

[edit | edit source]

Dem born Agyeman Badu Akosa on 25 December 1953 to Jones Clifford Akosa plus Nancy Akosua Nkrabea Akosa insyd Asante Mampong insyd Ashanti Region of Ghana. He do ein secondary school education for Prempeh College insyd Ashanti Region for ein GCE Ordinary Level plus Ghana Senior High Technical School insyd Takoradi, Western Region for ein GCE Advanced Level. He continue ein education for University of Ghana wey he obtain Bachelor of Medicine, Bachelor of Surgery (MB BCh) from University of Ghana, Legon for 1979 plus Defined contribution plan from University London, 1983.[10]

Career

[edit | edit source]

Medical career

[edit | edit source]

Akosa start ein career as House Officer for Korle-Bu Teaching Hospital, Accra, Ghana from 1979 go 1980, den he begin ein residency wey he specialize in pathology for de same hospital from 1980 go 1982. He move go Royal Postgraduate Medical School insyd Hammersmith Hospital for London to work plus understudy as registrar from 1984 go 1986, den as senior registrar from 1986 go 1990 for de same hospital. He sana work for St. Bernard's Hospital, Gibraltar from 1988 go 1990. From 1990 go 1995, Akosa serve as consultant plus director for Whipps Cross Hospital, London. For 1996, he return Ghana after ein work plus study experience to work insyd Korle-Bu Teaching Hospital as director of pathology. He sana work as Head of department of Pathology insyd University of Ghana Medical School. He rise to de rank of professor of pathology insyd University of Ghana Medical School.[10]

Director-General of GHS

[edit | edit source]

Insyd 2002, President John Agyekum Kufuor appoint Akosa to serve as Director-General of Ghana Health Service. He serve from March 2002 go June 2006 den dem replace am plus Dr. Alias Sorie for early 2007.[11][12]

Politics

[edit | edit source]

Akosa be member of Convention People's Party (CPP). He dey well known for ein stand as true patriot plus Nkrumaist, wey he believe in de ideals plus ideologies of Dr. Kwame Nkrumah, founder of CPP plus first president of Republic of Ghana. Over de years, he don serve on plenty committees of de party den people dey regard am as one of de key members of de party.[13][14][15]

Presidential bid 2008

[edit | edit source]

Insyd 2007, he declare say he go contest for de party ein presidential candidate primaries election against Paa Kwesi Nduom wey be Member of Parliament for Komenda-Edina-Eguafo-Abirem, 2004 elections presidential candidate George Aggudey, economist plus engineer Dr. Kwaku Osafo, Bright Akwetey plus Asante Akufo. For December 2017, during Party ein Delegates' Congress wey happen for Great Hall KNUST, he lose de primaries den he place second after Paa Kwesi Nduom wey dem give de mandate to stand as flag bearer for 2008 elections. Nduom get 1,067 votes, he get 664 votes, followed by Aggudey, Kwaku Osafo, Akwetey plus Akufo wey get 139 votes, 48 votes, 37 votes plus 11 votes respectively at de end of de voting.[16]

After de election, some information dey on radio plus newspapers say Nduom go choose am as ein running mate, but Nduom choose Michael Abu Sakara Foster. After dat, dem appoint am as member of de party ein national campaign team to support Nduom win de 2008 elections, wey Ivor Kobina Greenstreet serve as Chairman of de National Parliamentary Campaign Team. Unfortunately, de party lose de elections as John Atta Mills of NDC win after second round of voting.[17]

2012 Elections

[edit | edit source]

Akosa be one of de three names wey media shortlist for vice presidential role under de then flag bearer Michael Abu Sakara Foster of de party, but later dem choose Nana Akosua Frimpomaa-Sarpong as de party ein first female running mate..[18][19][20]

National transition team

[edit | edit source]

Akosa get appointment as member of de 24-member National Transition Team under de Presidential Transition Act, 2012 (Act 845) by de then President-elect John Dramani Mahama of NDC after he win de elections for December 2012, even though Akosa no be member of NDC. De transition team get Vice President-elect Paa Kwesi Bekoe Amissah-Arthur as chairman.[21][22][23]

Professional associations

[edit | edit source]

Akosa be member of Ghana Medical Association (GMA) plus Commonwealth Medical Association den he don serve as president for both associations before, with GMA presidency from 1999 go 2001. He sana be member of Royal College Pathologists (London), British Medical Association, British Society Dermatopathologists plus New York Academy of Sciences.[24]

Boards

[edit | edit source]

Akosa dey work as academic, doctor wey dey treat people, plus person wey dey talk about society matters, wey make people appoint am go plenty boards for Ghana plus abroad. Right now he dey serve as Executive Director for Healthy Ghana, Chairman for Prudential Life Insurance, plus President for Phytica Ghana. He be Vice Chairman for de Executive Board of de African Population Health Research Centre wey dey Nairobi, Kenya, plus he dey serve on de board of Safety Ghana.[24]

He dey serve as Executive Chairman for Ghana Healthcare Ltd, Chairman for de Tobacco Control Task Force for Ghana, plus board member of Ghana Prisons Service. He also dey serve as Chairman for St. John Ambulance, Trust Hospital, plus Vitamilk Foundation. He be President of Ghana Skin Foundation too.[25]

International engagements

[edit | edit source]

Akosa dey work multiple times under World Health Organization (WHO), including as WHO Advisor on Polio Eradication for Nigeria, plus as President for WHO AFRO Task Force on Immunization.

Author

[edit | edit source]

As academic plus researcher, Akosa dey author over 60 scientific publications, abstracts plus conference monographs. He also contribute to The Global Report on Research for Infectious Diseases of Poverty under de Special Programme for Research and Training in Tropical Diseases (TDR).

Social commentator

[edit | edit source]

As politician plus social commentator, he dey author over 50 socioeconomic articles wey dey appear for Ghana ein top newspaper, Daily Graphic, plus other newspapers and media channels. People dey interview am plenty times for Ghana mainstream television plus radio stations to talk on topics like politics, healthcare delivery, plus lifestyle choices.

Honours den recognition

[edit | edit source]

Akosa dey get honour for 2006 from President John Agyekum Kufuor with Companion of de Order of de Volta for Public plus Medical Services (CV), wey be de second-highest award for Ghana. He be Fellow of Ghana Academy of Arts and Sciences, Ghana Medical Association, Ghana College of Physicians and Surgeons, West African College of Physicians plus Royal College of Pathologists.

Ein life matter

[edit | edit source]

Agyemang Badu Akosa dey married to Maxine Boatemaa Boateng since 26 June 1982, plus together dem get two adult children: Nana Serwa plus Fredua Agyeman. Akosa, as proud Asante man, serve as Vice Chairman for Asante Kotoko Society for London insyd 1993, plus he be past President for Prempeh College Old Students Association.

References

[edit | edit source]
  1. ↑ 1.0 1.1 "COVID-19: Prof. Badu Akosa Unhappy With Akufo-Addo Lifting Of Lockdown". Modern Ghana (in English). Retrieved 2021-02-08.
  2. ↑ 2.0 2.1 "Eat local foods to prevent premature deaths - Professor Akosa". Graphic Online (in British English). Retrieved 2021-02-08.
  3. ↑ "Ghana's Economy is malnourished-Prof Badu Akosa". GhanaPoliticsOnline (in American English). 2017-03-15. Retrieved 2021-02-08.
  4. ↑ Lamptey, Richmond Lankwei (17 March 2010). "CPP Infighting: Nduom Hits Back at Akosa". www.ghanaweb.com (in English). Retrieved 8 February 2021.
  5. ↑ "Prof Akosa reaffirms decision not to run". Modern Ghana (in English). Retrieved 2021-02-09.
  6. ↑ "Mother of all picnics dubbed 'you'll never walk alone'". Modern Ghana (in English). Retrieved 2021-02-09.
  7. ↑ "Akosa slams Nduom, throws support behind Samia". Modern Ghana (in English). Retrieved 2021-02-08.
  8. ↑ "Paa Kwesi Nduom leads CPP in 2008! - MyJoyOnline.com". www.myjoyonline.com (in American English). Retrieved 2021-02-09.
  9. ↑ 9.0 9.1 "8% Ghanaians Die Before Retirement - Prof. Akosa". DailyGuide Network (in American English). 2019-10-31. Retrieved 2021-02-08.
  10. ↑ 10.0 10.1 "Badu Akosa, Biography". www.ghanaweb.com. Retrieved 2021-02-09.
  11. ↑ "Ghana Health Service gets new Director General - MyJoyOnline.com". www.myjoyonline.com (in American English). Retrieved 2021-02-08.
  12. ↑ "Akosa heads Ghana Health Services". Ghana Web. 5 April 2002. Retrieved 8 February 2021.
  13. ↑ "Akosa would have been a better flagbearer for CPP – F.A Jantuah". News Ghana (in American English). 2012-05-09. Retrieved 2021-02-09.
  14. ↑ Larbi, Stephen Odoi (2015-10-09). "Have faith and vote for the CPP – Prof. Akosa to Ghanaians". Kasapa102.5FM (in American English). Retrieved 2021-02-09.
  15. ↑ "Give opposition leaders a role in governance – Prof Akosa". Citi 97.3 FM - Relevant Radio. Always (in American English). 2014-02-27. Retrieved 2021-02-09.
  16. ↑ "Paa Kwesi Nduom leads CPP in 2008! - MyJoyOnline.com". www.myjoyonline.com (in American English). Retrieved 2021-02-09.
  17. ↑ "TIMELINE: Mills wins Ghana presidential election run-off". Reuters (in English). 2009-01-03. Retrieved 2021-02-09.
  18. ↑ Africa, Daily Guide (2012-10-05). "CPP May Elect Female Running Mate". News Ghana (in American English). Retrieved 2021-02-09.
  19. ↑ Online, Peace FM. "CPP Unveils Running Mate Today". Peacefmonline.com - Ghana news. Retrieved 2021-02-09.
  20. ↑ "Ghana Opposition Party Chooses VP Candidate". Voice of America (in English). Archived from the original on November 30, 2020. Retrieved 2021-02-09.
  21. ↑ "Ghana Transition Team to Begin Work Friday". Voice of America (in English). Retrieved 2021-02-09.
  22. ↑ "President Mahama inaugurates Transition Team". Graphic Online (in British English). Retrieved 2021-02-09.
  23. ↑ "Prez Mahama Inaugurates A 24-Member Transition Team". Modern Ghana (in English). Retrieved 2021-02-09.
  24. ↑ 24.0 24.1 "Professor Agyeman Badu Akosa – Vice-Chairman". Ensign College Of Public Health (in American English). Retrieved 2021-02-08.
  25. ↑ "Professor Agyeman Badu Akosa". Prudential Life Insurance Ghana (in American English). Retrieved 8 February 2021.
Dem retrieve am from "https://gpe.wikipedia.org/w/index.php?title=Agyeman_Badu_Akosa&oldid=75136"