Aisha Rateb

Aisha Rateb

human

Ein sex anaa gender	female
Ein country of citizenship	Egypt
Name in native language	عائشة راتب
Name wey dem give am	A'isha
Ein date of birth	22 February 1928
Place dem born am	Cairo
Date wey edie	4 May 2013
Place wey edie	Giza
Manner of death	natural causes
Cause of death	cardiovascular disease
Native language	Egyptian Arabic
Languages edey speak, rep anaa sign	Arabic, Egyptian Arabic
Ein occupation	politician, lawyer, diplomat, writer
Employer	Cairo University
Position ehold	ambassador of Egypt to Denmark, ambassador of Egypt to Germany
Educate for	Cairo University

Aisha Rateb (Arabic: عائشة راتب; 22 February 1928 – 4 May 2013) be Egyptian lawyer, politician, den Egypt ein first female ambassador. She sanso work as professor of international law for Cairo University.

Ein biography

Dem born Aisha Rateb for Cairo insyd one middle-class family wey get good education.

Ein education

When she start college, she first study literature for Cairo University, but after only one week, she change ein mind go study law. Aisha graduate for 1949, then she go Paris small for more schooling before she get ein PhD for law for 1955.

For 1949, Aisha apply say make she become judge for de Conseil d'Etat (de highest judicial body for Egypt), but dem reject am secof she be woman. De prime minister dat time, Hussein Serry Pasha, talk say make woman be judge "dey go against de traditions of society." Aisha carry de government go court say dem violate ein constitutional rights. Ein lawsuit be de first of its kind for Egypt history. Even though she lose de case, de head of de State Council, Abdel-Razek al-Sanhouri, admit say she lose only sake of political den cultural reasons, but no be based on Egyptian law anaa Sharia. Dis case encourage other women, but no woman become judge reach 2007 when Tahani al-Gebali get ein appointment. Finally, for July 2015, 26 women take de oath as judges.

Ein political career

Aisha be part of de Arab Socialist Union ein Central Committee for 1971, where she help write de new constitution for Egypt. For all de committee members, she be de only person wey talk say she no gree plus de "extraordinary powers" wey de Constitution give de president dat time, Anwar al-Sadat.

After dat, she serve as Minister of Insurance and Social Affairs from 1974 go reach 1977; she be de second woman for history to hold dat position. For ein time for office, she manage pass reforms for women even though some "fundamentalist" sheikhs try spoil ein name. Aisha put restrictions on polygamy (marrying chaw wives) den she make sure say divorce be legal only if judge witness am. She also work help people wey dey poverty insyd, wey she pass law make dem employ disabled people. When government remove subsidies for essential goods wey e go affect poor people, she resign to protest during de "bread uprising" for 1977.

For 1979, dem appoint Aisha as Egypt ein first female ambassador. As ambassador, she lead Egypt well for de world where international relations get "polarised" (too much division). She serve as ambassador for Denmark from 1979 to 1981, den for West Germany from 1981 to 1984.

Aisha criticize former president Hosni Mubarak sake of she feel say ein rule make de gap between de rich den de poor big more.

Ein death

Aisha Rateb die for Giza after sudden heart attack (cardiac arrest) for 2013.