Akantigsi Afoko
| Ein sex anaa gender | male  |
|---|---|
| Name wey dem give am | Akantigsi |
| Ein date of birth | 1923 |
| Place dem born am | Sandema |
| Ein occupation | politician, teacher |
| Position ehold | Member of the 1st Parliament of the Gold Coast, Member of the 2nd Parliament of the 1st Republic of Ghana, Member of the 2nd Parliament of the Gold Coast, Member of the 1st Parliament of the 1st Republic of Ghana |
| Educate for | Bagabaga College of Education |
| Political party ein member | Convention People's Party |
| Religion anaa worldview | Christian, Christianity, Muslim |
Akantigsi Afoko be Ghanaian teacher plus politician. He be Member of de Legislative Assembly wey represent Northern territories from 1951 go 1954. For 1954, he get elect to represent Builsa electoral district insyd de Legislative Assembly, he get re-elect for 1956 den he hold ein post as Member of Parliament for de constituency till 1965.[1] For 1965, he turn Member of Parliament for Sandema constituency.[2] He serve insyd dis role till dem sack de Nkrumah government for 1966. Before politics, Afoko be trained teacher wey teach for Fumbisi, one town insyd Builsa District of Ghana.
Early life den education
[edit | edit source]Dem born Afoko 1923 insyd Sandema, wey be part of de then Northern Territories of de then Gold Coast (now Upper East Region of Ghana). He start primary school for 1936 insyd Sandema den he finish ein primary education for 1940. For 1941, he enter Tamale Middle School den he end ein middle school education for 1944. He train as teacher insyd Government Teacher Training College from 1945 go 1946 den he get ein Teachers' Certificate B. After he teach one year for Fumbisi (one town insyd Builsa District), he go back Government Teacher Training College for 1949 den he receive ein Teachers' Certificate A for 1950.[3]
Career den politics
[edit | edit source]He be de teacher wey take charge of Fumbisi Day School from 1947 go 1948. He get elect insyd de legislative assembly for 1951 as territorial member for Northern Territories.[4] For 1954 election, he get elect to represent Builsa electoral district insyd de legislative assembly under de Convention People's Party (CPP) ticket.[5] He get re-elect again insyd 1956 election under de same CPP ticket to represent Builsa. For July 1957, Afoko resign from CPP to join Northern People's Party. He go back CPP on 12 March 1958. From dat time till 1965, he represent Builsa constituency insyd parliament. For 1965, he turn Member of Parliament for Sandema constituency.[6] He stay insyd parliament till dem overthrow de Nkrumah government for 1966.
Ein life matter
[edit | edit source]Afoko be de uncle of de former chairman of de New Patriotic Party; Paul Afoko.[7] Ein hobby be agriculture.[3]
References
[edit | edit source]- ↑ "Ghana Year Book". Graphic Corporation. 1960: 9.
- ↑ "Ghana Year Book". Graphic Corporation. 1966: 22.
- 1 2 "Ghana Year Book". Daily Graphic. 1956. p. 120.
- ↑ "Debates, Issue 1". Gold Coast Legislative Assembly. 1952: 18.
- ↑ "Debates, Issue 3". Gold Coast Legislative Assembly. 1954: 5.
- ↑ "West Africa Annual, Issue 8". James Clarke. 1965: 82.
- ↑ "Paul Afoko". Ghanatta Ayaric. Retrieved 9 November 2019.