Jump to content

Al-Rahman Mosque, Baghdad

From Wikipedia
Al-Rahman Mosque
mosque
Year dem found am1999 Edit
CountryIraq Edit
Edey de administrative territorial entity insydBaghdad Edit
Coordinate location33°18′42″N 44°20′58″E Edit
Map

De Al-Rahman Mosque (Arabic: جامع الرحمان, lit. 'Mosque of The Most Merciful') insyd Baghdad, na dem intend to be one of de largest mosques insyd Iraq. Na Saddam Hussein begin am insyd 1998, buh dem cut de work short during de US-led invasion of Iraq insyd 2003 wey na dem never plete am wey ein skeleton per remain.

After de United States ein occupation of Iraq, Shi'ite militias take control of Al-Rahman Mosque wey dem use de surrounding lands as a parking lot. De mosque remain incomplete insyd Baghdad ein Mansour neighbourhood, insyd de place of de old race track. Ein main, incomplete dome, be surrounded by eight smaller, independent domes, wich in turn dey feature eight even smaller domes dem integrate into dema walls. De main dome approximately be 250 metres (820 ft) in diameter, den de mosque dey occupy 4.5 hectares (11 acres).[1][2][3][4]

History

[edit | edit source]

Background

[edit | edit source]

By de 1990s, Iraq start to improve ein Islamic credentials wich include de building of mosques.[5] Na dis be a part of de Faith campaign wich include implementing Sharia sciences insyd de joints den stages of Iraqi education. To plete dis campaign, former Iraqi President Saddam Hussein decide to build large mosques for de state insyd every Iraqi province wey dey include Baghdad wer Saddam build chaw mosques.[6]

Dem decide de mosque ein location to be built insyd al-Mansour district wey na dem build am on de location of de old horse racing field wich dem move to al-Ghazaliya insyd 1993.[7]

Construction den abandonment

[edit | edit source]
Closeup of de structure of de mosque.

De second phase begin insyd 1999 under de orders of former Iraqi Presido Saddam Hussein wey na dem designed am to match de Taj Mahal insyd India den be one of de largest mosques insyd de world as well as accommodating 15,000 worshipers. Na e go represent de embodiment of de features of Arab, Islamic den Iraqi architecture insyd contemporary artistic den technical ways wey na dem plan am to be completed by 2010. However, construction stop insyd 2003 secof de US-led invasion of Iraq. De invasion lead to chaw religious political parties enter de country den de dissolving of de Ministry of Endowments den Religious Affairs in favor of de split Sunni Endowment den Shi'a Endowment Offices. Dis split prove to be problematic give de mosque ein ownership as large dispute between de offices be materialized.[8][9]

References

[edit | edit source]
  1. ↑ "In the shadow of Hussein's mosque, parties blossom". The Christian Science Monitor. 20 May 2003. Retrieved 8 December 2012.
  2. ↑ "Wise words for Shias at Saddam folly". The Guardian. 12 December 2004. Retrieved 8 December 2012.
  3. ↑ "Now Public". Flickr. Archived from the original (Photos) on 2013-02-22. Retrieved 8 December 2012.
  4. ↑ "Baghdad Mosques". Global Security. Retrieved 8 December 2012.
  5. ↑ "Starving Iraq plans biggest mosque". The Independent. 10 October 1995. Retrieved 8 December 2012.
  6. ↑ العاني, طه. جوامع صدام حسين في العراق.. تحف معمارية تخفي أسرار الصراع. Al-Jazeera (in Arabic). Retrieved 2023-08-06.
  7. ↑ الگاردينيا - مجلة ثقافية عامة - حي المنصور/ نشأته وتأريخه القريب / نموذج لتوسع مدينة بغداد. algardenia.com (in Arabic). Retrieved 2023-08-06.
  8. ↑ الربيعي, مي (January 25, 2022). جامع الرحمن.. تاج محل بغداد ذو المصير المجهول. www.aljazeera.net (in Arabic). Retrieved August 6, 2023.
  9. ↑ جامع الرحمن ببغداد.. عملاق ديني "حبيس" الصراعات السياسية (in Arabic). 2021-12-05. Retrieved 2023-08-06.
[edit | edit source]
Dem retrieve am from "https://gpe.wikipedia.org/w/index.php?title=Al-Rahman_Mosque,_Baghdad&oldid=86835"