Alex Quaison-Sackey

Alex Quaison-Sackey

human

Ein sex anaa gender	male
Ein country of citizenship	Ghana
Name wey dem give am	Alexander
Ein date of birth	9 August 1924
Place dem born am	Winneba
Date wey edie	21 December 1992
Place wey edie	Accra
Languages edey speak, rep anaa sign	English
Ein occupation	diplomat, politician, minister
Position ehold	President of the United Nations General Assembly, Permanent Representative of Ghana to the United Nations, Minister for Foreign Affairs, ambassador, Member of the 2nd Parliament of the 1st Republic of Ghana
Educate for	Exeter College, London School of Economics and Political Science, Achimota School, Exeter College, Oxford
Political party ein member	Convention People's Party
Religion anaa worldview	Christianity

Alex Quaison-Sackey (9 August 1924 – 21 December 1992) be Ghanaian diplomat wey serve during de first den third republics. He be de first black African wey ever serve as president for de United Nations General Assembly.

Early life den education

Dem born Quaison-Sackey for Winneba insyd Central Region of Ghana. He go secondary school for Mfantsipim School wey dey Cape Coast insyd, den he study for de Intermediate Department of Achimota College near Accra. Later, he go United Kingdom go study Philosophy, Politics den Economics for Exeter College, Oxford University, where he graduate plus honours degree. After dat, he study international relations den international law for London School of Economics after dem appoint am as one of Ghana ein first Foreign Service officers.

Diplomatic service

From 30 June 1959 to 1965, he serve as Ghana ein second ambassador den permanent representative to de United Nations. From 1964 to 1965, he serve as President of de United Nations General Assembly, wey make am de first black African to hold dat position. During dat same period, Quaison-Sackey be Ghana ein ambassador to Cuba from 1961 to 1965 den ambassador to Mexico from 1962 to 1964. In 1965, he become Foreign Minister of Ghana but he serve for only few months because dem dismiss am after President Nkrumah ein government get overthrow for February 1966. Later in 1978, de Supreme Military Council under Lt. General Fred Akuffo appoint am again as Ghana ein ambassador to de United States.

Politics

Quaison-Sackey get appointment as Minister for Foreign Affairs under Kwame Nkrumah ein Convention People's Party government. He dey travel go North Vietnam together plus Nkrumah when de military coup happen wey overthrow de government on 24 February 1966. Dis coup bring de National Liberation Council to power under Lt. General Joseph Arthur Ankrah.

Death

Quaison-Sackey die on 21 December 1992 for Korle Bu Teaching Hospital insyd Accra after pulmonary embolism. He be 68 years old.

Family

Ein poppie be Alex Emmanuel Sackey (1902–1972) den ein mommie be Alberta Quaison. He marry Elsie Annie Blankson (1927–2003), den dem get six kiddies.

Publications

Later, Quaison-Sackey write book wey he call Africa Unbound: Reflections of an African Statesman, wey Praeger publish for May 1963. For insyd de book, he talk about ein diplomatic experience for Ghana ein early years. He explain ein idea of "Negritude" as: “Acceptance and affirmation of the quality of blackness. It is a psychological gathering together of all black peoples in the spiritual bonds of brotherhood.”