Alireza Farshi

 

Alireza Farshi

human

Ein sex anaa gender	male
Ein country of citizenship	Iran
Name in native language	Əlirza Fərşi
Name wey dem give am	Əlirza, Alireza
Ein date of birth	17 October 1978
Place dem born am	Marand County
Native language	Azerbaijani
Languages edey speak, rep anaa sign	English, Azerbaijani
Ein occupation	activist, IT specialist
Employer	Islamic Azad University
Educate for	Sharif University of Technology, University of Tehran
Ethnic group	Azerbaijanis

Alireza Farshi be Iranian Azerbaijani national cultural activist. Iranian security forces arrest am along plus other national activists for say dem attend de International Mother Language Day celebrations insyd Tehran for February 21, 2014. Dem later sentence am for 15 years insyd prison den two years insyd de city of Bagh-e Malek wey dey Khuzestan province. Amnesty International declare am as prisoner of conscience secof no criminal elements dey insyd ein activity, as well as secof de protection of human rights den de rights of de mother tongue wey na edey require ein release plus other organisations. He sana be de founder of de "Kəndimiz" (English: Our Village) Foundation, wey dey collect den deliver books give kiddies go various regions den villages wey dey Iranian Azerbaijan insyd.

About

Ein Life den activities

Dem born Alireza Farshi insyd 1979 for Dizaj Yekan village of Marand. Ein poppie die insyd de Iran-Iraq war. He start ein studies for Sharif University of Technology insyd 1998. He study computer engineering. He later receive master's degree from Tehran University. As he dey study for de university, he work for de editorial office of "Yol" journal, wey dem publish insyd Azerbaijani Turkish for Tehran University. After he graduate, he stay for Tabriz for one year. He later start dey teach for Azad University insyd Julfa. In addition plus ein teaching activities, he establish de “Our Village” Foundation, wey dey take den deliver books give kiddies go various regions den villages insyd Iranian Azerbaijan. Na he personally participate insyd de delivery of books. For de years of ein activity, “Our Village” Foundation donate thousands of books give kiddies wey dey stay insyd dozens of settlements.

Ein Arrest den subsequent activities

Dem arrest am insyd May 2009 plus ein wife, Sima Didar, for sam protest tym insyd El Golu Square of Tabriz for education insyd mother tongue. Although de court sentence dem for one year insyd prison, de second instance court reduce dema detention cam six months. Insyd 2010, dem fire am from ein teaching position for Azad University insyd Julfa. After say dem transfer am go Tabriz prison, dem temporarily release plus bail. Dem arrest am again insyd 2011 wey dem transfer am go Tabriz prison.

Insyd 2014, dem arrest am along plus Akbar Azad, Behnam Sheikh, Hamid Manafi Nadarli, Mahmud Ojagli, Rustam Kazimpur, Mansur Fathi den Aziz Farshi secof dem attend de International Mother Language Day ceremony insyd Tehran. Dem later sentence am for 15 years insyd prison den two years insyd Bagh Malik, Khuzestan Province. Two months after dema arrests, dem transfer activists Akbar Azad den Alireza Farshi, wey na dem dey prison insyd Tehran, go de stricter 305th corps.

Insyd September 22, 2021, Alireza Farshi announce say he go go three-day hunger strike so say he go protest de cruel den unjust verdicts of judges insyd de courts of de Islamic Republic of Iran, as well as de deprivation of Turkish menners from education insyd mother tongue wey dey schools. Later, political prisoner Abbas Lisani too join de rally take support Alireza Farshi.

Insyd November 2021, he rep sam open letter give court officials in connection plus de deprivation of de right say dem go lef. For ein letter insyd, he demand say mak dem release am den treat am outsyd de prison, wey he explain de severity of ein illness, de need for eye surgery den ein diagnosis of type 2 diabetes. He sana criticize ein imprisonment secof he attend ceremony wey dey mark International Mother Language Day den for ein work for de rights of de Turkish language den ethnicity under de law, wey he sana note say na dem only give three days off for ein 20-month imprisonment insyd.

Insyd December 12, 2021, Alireza Farshi, wey na he dey serve sam sentence insyd de Great Tehran Prison, start three-day hunger strike. Insyd sam open letter from prison, he talk say na hunger strike dey protest of environmental pollution, wey dey include de drying up of Lake Urmia, de dumping of waste insyd de Araz River, de living conditions of workers den teachers, unemployment insyd Azerbaijan, den illegal pressure for Azerbaijani national activists dema top.

Protests against ein arrest

Amnesty International declare am as prisoner of conscience wey dem demand ein immediate release secof he no get criminal record wey he sana dey defend human rights den mother tongue rights.

Insyd May 2021, de Erk-Azerbaijan Human Rights Society send sam letter go UN entitled "Monitoring de situation of Azerbaijani cultural prisoners." Insyd dis letter, dem express concern over de condition of Alireza Farshi.

Insyd July 5, 2021, national cultural activists distribute leaflets insyd de streets of Tabriz dey demand de release of political prisoner Alireza Farshi. Activists past posters den leaflets plus de slogans "Alireza Farshi, man be doomed to freedom", "Happy birthday give de national hero of de Azerbaijani Turkic nation, Father Babek" for de walls wey dey chao parts of Tabriz wey dem distribute dem among de population.

Insyd July 16, 2021, 18 human rights groups issue sam joint statement take support Alireza Farshi. Insyd demma statements, dem note say na Alireza Farshi be subject plus cruel, inhuman den degrading treatment insyd prison wey he no receive de medical care na he dey hia.

Insyd August 2021, de UN Special Rapporteur on Human Rights insyd Iran, Javid Rahman, submit ein next report on human rights violations insyd Iran give UN General Assembly. He talk for 25-page report insyd say dem target Turkish civil society activists such as Abbas Lisani den Alireza Farshi insyd Iran Azerbaijan secof dem defend minority rights, wey dem physically abuse den ill-treat Alireza Farshi insyd prison.

Insyd October 2021, national cultural activists hung banners insyd de streets of Tabriz plus de slogans "Freedom", "Alirza Farshi", "Man be doomed to freedom", " Make you give me your hand, expelled from de fly, Adey burn plus longing - Adey lay insyd de dark for 43 years."