Jump to content

Ameenah Gurib-Fakim

From Wikipedia
Ameenah Gurib-Fakim
human
Ein sex anaa genderfemale Edit
Ein country of citizenshipMauritius Edit
Name wey dem give amAmeenah Edit
Ein date of birth17 October 1959 Edit
Place dem born amMauritius, Surinam Edit
Languages edey speak, rep anaa signFrench Edit
Ein occupationpolitician, chemist Edit
Ein field of workphytochemistry, Politics of Mauritius Edit
EmployerUniversity of Mauritius Edit
Position eholdPresident of Mauritius Edit
Educate forUniversity of Surrey, University of Exeter, Pierre and Marie Curie University Edit
Political party ein memberindependent politician Edit
Religion anaa worldviewIslam Edit
Participant insydWorld Economic Forum Annual Meeting 2017 Edit
Member ofLinnean Society of London Edit

Dr. Bibi Ameenah Firdaus Gurib-Fakim (Mauritian Creole pronunciation: [bibi amina fiːədos ɡəʁib fakim]) GCSK[1][2] (born 17 October 1959)[3] be Mauritian politician den biodiversity scientist wey dey serve as de sixth president of Mauritius from 2015 to 2018. Insyd December 2014, dem select am to be de presidential candidate of de Alliance Lepep. After Kailash Purryag resign on 29 May 2015, both Prime Minister Sir Anerood Jugnauth den Leader of de Opposition Paul Berenger welcome am well well, wey dem agree one time in vote say make dem approve ein nomination insyd National Assembly.[4]

Gurib-Fakim be de first woman wey dem elect as president for de country, wey she be de third woman wey serve as Head of State after Queen Elizabeth II den Monique Ohsan Bellepeau, wey dey de position before am, na she be first Vice President. She serve as keynote speaker for Cambridge University conference for 2019 wey dem call “Africa Together: Which Way Forward?”, wey na African Society of Cambridge University host am.[5]

Since March 2026, she dey serve as Chair for de Supervisory Board of de Global Center on Adaptation.[6]

Early life den education

[edit | edit source]

Dem born Bibi Ameenah Firdaus Gurib-Fakim for Surinam village on 17 October 1959. Ein parents be Hassenjee Gurib den Firdaus Durgauhee. She grow for Plaine Magnien wey she fini ein schooling for Saint-Patrice primary school. After dat, she move go Mahébourg Loreto Convent, come fini ein Higher School Certificate for Loreto Convent Quatre Bornes, before she fly go England go do ein undergraduate degree for chemistry. She graduate from University of Surrey for 1983 with BSc degree for chemistry. After she get ein PhD for organic chemistry from Exeter University, she cam back home for 1987 go work for University of Mauritius. [7]

Career

[edit | edit source]

Academic den scientific career

[edit | edit source]

Gurib-Fakim work for Mauritius Research Council as Research Manager from 1995 to 1997.[8] She later cam be Professor for Organic Chemistry at University of Mauritius, for der, she serve one after de other as Dean for Faculty of Science den Pro-Vice-Chancellor (2004–2010).[8] She sanso serve as Chairperson for de International Council for Scientific Union – Regional Office for Africa from 2011 to 2014.[9]

Before she cam be president, she be Managing Director for CIDP Research & Innovation (wey dem first dey call Cephyr, Centre for Phytotherapy Research).[10][11]

For December 2013, Gurib-Fakim go report matter give Mauritian Equal Opportunities Commission (EOC), say dem discriminate against am secof religion when dem dey consider her application for Vice-Chancellor of University of Mauritius. De EOC investigation find say no be true, but dem point out say problems dey for de selection process, like no clear criteria and no mark sheets to take judge di candidates.[12]

Presidency of Mauritius

[edit | edit source]

For 2015, dem nominate am as President of Mauritius. Na de then Prime Minister den ein party member for Militant Socialist Movement, Anerood Jugnauth, put ein name forward, wey Mauritian National Assembly approve am one-time. She resign for 2018 secof financial scandal wey happen during de time wey Pravind Jugnauth be Prime Minister. De office of president remain empty til December 2019, when Prithvirajsing Roopun cam take over. For dat time, Vice-President Barlen Vyapoory dey serve as acting president.

Post-presidency

[edit | edit source]

For March 2026, Gurib-Fakim get appointment as Chair for de Supervisory Board of de Global Center on Adaptation. She follow Macky Sall wey step down after e submit ein candidacy for Secretary-General of de United Nations. De organization sanso announce say Rindra Rabarinirinarison go cam be dema new Chief Executive Officer, while de founding chair Ban Ki-moon go finish ein time den take de role of GCA Chair Emeritus.[13]

Personal life

[edit | edit source]

For 1988, she marry Dr. Anwar Fakim wey be surgeon.[14] Dem get two kiddies; one boy (Adam, wey dem born for 1992 wey he study for University of Kent) den one girlie (Imaan, wey study Computer Science).[15]

Soon after dem appoint am as President, former Prime Minister Navin Ramgoolam raise wahala about Ameenah Gurib-Fakim PhD qualification. Ramgoolam come talk de same wahala again wen Platinum Card Scandal come out.[16][17] 

Ameenah Gurib-Fakim officially resign from ein position as President of Mauritius on 23 March 2018, after de 50th independence anniversary celebrations, wen L'Express newspaper leak ein bank details, even though she already refund de money one year before de leak.[18] Dis resignation mainly happen secof conflict of interest den wahala wey cam from ein work as Vice-Chairperson of de charitable organisation Planet Earth Institute (PEI), plus private spending on credit card den business trips wey PEI pay for wey Government of Mauritius approve, secof de involvement of PEI controversial founder den businessman Álvaro Sobrinho.[19] Ameenah Gurib-Fakim sanso ask say Financial Services Commission (FSC) give banking license to Álvaro Sobrinho, as Chairperson of PEI, to manage di PASET Funds.[20]

References

[edit | edit source]
  1. ↑ "Prime Minister's Office - National Day Honours 2008". Republic of Mauritius.
  2. ↑ "Her Excellency Dr. (Mrs) Bibi Ameenah Firdaus Gurib-Fakim, G.C.S.K., C.S.K President of the Republic of Mauritius". The President of the Republic. Archived from the original on 8 May 2015. Retrieved 2015-06-05.
  3. ↑ "Ameenah Gurib-Fakim : " Je suis une emmerdeuse, c'est ça ? "". 2014-05-31. Retrieved 2015-05-31.
  4. ↑ "Ameenah Gurib-Fakim: l'encombrante présidente". L'Express. 4 March 2018. Retrieved 2018-03-04.
  5. ↑ "Keynote Speakers". Africa Together Conference (in American English). Archived from the original on 28 May 2019. Retrieved 2019-08-22.
  6. ↑ "New GCA Chair President Ameenah Gurib-Fakim to Advance Global Adaptation Agenda". Global Center on Adaptation. 2026-03-09. Retrieved 2026-03-09.
  7. ↑ "AMEENAH GURIB-FAKIM: "Cette nomination a déjà fait sauter quelques verrous"". lemauricien.com. 2015-05-31.
  8. 1 2 "Archived copy" (PDF). www.icsu.org. Archived from the original (PDF) on 16 June 2015. Retrieved 15 January 2022.{{cite web}}: CS1 maint: archived copy as title (link)
  9. ↑ "Prof. Ameenah Gurib-Fakim Joins SAA - Spa & Wellness Association of Africa". Archived from the original on 29 November 2013. Retrieved 2015-06-04.
  10. ↑ "Ameenah Gurib-Fakim". United Nations Department of Economic and Social Affairs. Retrieved 2026-03-09.
  11. ↑ "Dr. Ameenah Gurib-Fakim". EAT. Retrieved 2026-03-09.
  12. ↑ "EQUAL OPPORTUNITIES COMMISSION—AFFAIRE GURIB-FAKIM: Troublantes révélations sur les promotions à l'UoM". lemauricien.com. 2014-05-28.
  13. ↑ "New GCA Chair President Ameenah Gurib-Fakim to Advance Global Adaptation Agenda". Global Center on Adaptation. 2026-03-09. Retrieved 2026-03-09.
  14. ↑ "Une famille accuse le Dr Fakim de négligence médicale". L'Express. 22 May 2016. Retrieved 2016-05-22.
  15. ↑ Murtuza, Rahim. "Dans l'intimité de la Présidente". Defimedia. Retrieved 2017-02-28.
  16. ↑ Permal, Jean Denis (4 March 2018). "Navin Ramgoolam: "Ameenah Gurim-Fakim doit démissionner immédiatement"". L'Express. Retrieved 2018-03-04.
  17. ↑ "Navin Ramgoolam : "Ameenah Gurib-Fakim aurait dû partir depuis longtemps"". Defimedia. Retrieved 2018-03-04.
  18. ↑ "Affaire "Platinum card" : la Présidente a-t-elle tout remboursé ?". Le Defi Media Group (in French). Retrieved 2022-01-17.
  19. ↑ "Swiss froze millions linked to Banco Espirito Santo". swissinfo.ch. SwissInfo. 2 April 2017. Retrieved 2017-04-02.
  20. ↑ "ASA et PASET Funds : Alvaro Sobrinho met la clé sous le paillasson". Le Defi Media Group (in French). Retrieved 2022-01-17.
[edit | edit source]
Dem retrieve am from "https://gpe.wikipedia.org/w/index.php?title=Ameenah_Gurib-Fakim&oldid=91897"