Aminata Diaw

Aminata Diaw

human

Ein sex anaa gender	female
Ein country of citizenship	Senegal
Name wey dem give am	Aminata
Ein date of birth	24 May 1959
Place dem born am	Saint-Louis
Date wey edie	14 April 2017
Place wey edie	Dakar
Languages edey speak, rep anaa sign	French
Ein occupation	political philosopher, teacher
Educate for	University of Nice Sophia Antipolis
Floruit	1986

Aminata Diaw Cissé (24 May 1959 – 14 April 2017) be one Senegalese lecturer plus political philosopher wey teach insyd Cheikh Anta Diop University (UCAD). Influenced by Jean-Jacques Rousseau plus ein academia background, she write about citizenship, civil society, democracy, development, ethnicity, gender, globalisation, human rights, identity, nationality den de state insyd African plus Senegalese context by using political insight. Diaw work for Council for de Development of Social Science Research insyd Africa (CODESRIA), Bellagio Study den Conference Center of de Rockfeller Foundation, National UNESCO Sub-Commission on Social Sciences den Humanities, West African Research Association, National UNESCO Sub-Commission on Social Sciences den Humanities plus Philosophical den Epistemological Research Center of de Doctoral School Studies.

Biography

Dem born Diaw on 24 May 1959 insyd Saint-Louis, Senegal—de former capital of de country—attend de local Lyceé Amet Fall school. She pass ein baccalaureate plus highest honours of Mention Bien insyd age 19 for 1977, then she lef Senegal go France go study. Diaw enter Lycée Paul Cézanne preparatory school insyd Aix-en-Provence plus earn diplôme d'études universitaires générales insyd philosophy. De next year, she move go Lycée Masséna insyd Nice complete ein Bachelor of Arts degree insyd philosophy plus DEUG 2, then earn ein master's degree from University of Nice Sophia Antipolis insyd 1981. Diaw finish ein study plus postgraduate diploma plus dissertation on de theory of conflicts insyd political thinking of Jean-Jacques Rousseau, wey earn am Très Bien distinction from de jury by unanimous decision. She complete ein doctorate degree plus first-class honours from de same institution insyd 1985.

After graduation, Diaw return Senegal plus join Cheikh Anta Diop University's (UCAD) Department of Philosophy, Faculty of Arts plus Humanities. She teach insyd de university as assistant lecturer insyd political philosophy between 1986 den 1989. She be one of de first Senegalese women wey teach philosophy insyd de university. Insyd 1988, Diaw author Rousseau et la Révolution française: à propos de la théorie de l'État, L'autorité du Souverain ou le pari de la liberté chez Jean-Jacques Rousseau, plus Du refus du modéle à l'invocation d'autorité: Rousseau et Montaigne two years later. Insyd 1990, Diaw become lecturer den lecture for one year insyd de private Higher Management Institute school insyd Dakar. Two years later, she get appointed as one of de first laureates of de first edition of Council for de Development of Social Science Research insyd Africa (CODESRIA) on Democratic Governance—Pan-African academic research organisation—then publish de monograph Démocratie et logiques identitaires en Afrique for de institute.

After graduation, Diaw return Senegal plus join Cheikh Anta Diop University's (UCAD) Department of Philosophy, Faculty of Arts plus Humanities. She teach insyd de university as assistant lecturer insyd political philosophy between 1986 den 1989. She be one of de first Senegalese women wey teach philosophy insyd de university. Insyd 1988, Diaw author Rousseau et la Révolution française: à propos de la théorie de l'État plus L'autorité du Souverain ou le pari de la liberté chez Jean-Jacques Rousseau, den Du refus du modéle à l'invocation d'autorité: Rousseau et Montaigne two years later. Insyd 1990, Diaw become lecturer den lecture for one year insyd de private Higher Management Institute school insyd Dakar. Two years later, she get appointed as one of de first laureates of de first edition of Council for de Development of Social Science Research insyd Africa (CODESRIA) on Democratic Governance—Pan-African academic research organisation—then publish de monograph Démocratie et logiques identitaires en Afrique for de institute.

Insyd 1994, Diaw write L'invention de la politique en Afrique plus Repenser la société civile insyd 1998. She become director for UCAD's Directorate of Information, Cultural plus Sports Activities insyd 1996, get selected as fellow for Bellagio Study plus Conference Center of de Rockfeller Foundation insyd Italy insyd 2001, become chair for de National UNESCO Sub-Commission on Social Sciences plus Humanities, vice-chair for de West African Research Association insyd 2002, plus chair de Commission on Encounters plus Exchanges of de Dakar Biennale insyd 2004, 2006 den 2008—wey make am responsible for exchanges plus meetings of de commission. Diaw co-author La recherche French-speaking feminist: Language, identities and challenges plus Fatou Sow insyd 1999, write Les intellectuels entre mémoire nationaliste et représentations de la modernité insyd 2002, Nouveaux contours de l'espace public de Afrique insyd 2004, plus Women Writing Africa, West Africa and de Sahel plus Esi Sutherland-Addy insyd 2005, funded by Ford Foundation, den get invited by University of Kansas' African studies program go de conference Senegalese Women Between Positive Law plus Islam: About de Family Code insyd 2003.

She take part insyd National Conference of Senegal from 2007 go 2009, defend secularism inside de constitution together plus politician Penda Mbow, plus write Women Writing Africa insyd November 2005 wey Feminist Press for New York publish. She lead Philosophical plus Epistemological Research Center of de Doctoral School Studies (CEREPHE) from July 2009. Diaw support women ein rights through ein role as secretary general of de National UNESCO Sub-Commission on Social Sciences plus Humanities (COSEF), den she be member of Senegalese Women Association of University Graduates plus African Women Workers Network. Her work plus COSEF make am discuss democratisation plus women ein position inside dis movement plus de gender parity debate together plus Senegalese Lawyers' Association. From June 2010, Diaw work as senior programme officer for CODESRIA's Training, Grant plus Fellowship Division, plus she help run collaboration plus UNESCO, UN Women den UNESCO National Commissions on one project wey focus on women's movement plus gender-related violence insyd Gambia, Guinea-Bissau plus Senegal from 2011 go 2012.

Diaw be resource manager insyd CODESRIA conferences, methodology den writing workshops, plus she active insyd plenty general assemblies—like when she co-chair programme committee for de 14th general assembly insyd Dakar insyd 2015. Diaw lead demma Gender Research Programme, organise plenty Annual Gender Symposiums for Cairo den de yearly Gender Institute. She be director of cultural plus scientific animation insyd UCAD's rectorate, plus she write articles from discussions she gather from African Feminist Forum, African Gender Institute, DAWN on Globalization, Friedrich Ebert Foundation Institute for Democratic Alternatives insyd South Africa, Rendez-vous de l'histoire de Blois den Women Living Under Muslim Laws.

Ein life matter

Diaw be pan-Africanist. Insyd 1992, she marry UCAD professor Mame Thierno Cissé plus dem get two daughters. Diaw die from sickness insyd Hospital Center University De Fann for de night of 14 April 2017.

Analysis den legacy

As Dior Konaté write insyd Diaw ein entry for Dictionary of African Biography, Rousseau ein political thoughts plus Diaw ein academic background influence am make she use deir theoretical insights take talk about Senegal current issues like citizenship, civil society, democracy, development, ethnicity, gender, globalisation, human rights, identity, nationality plus de state insyd African plus Senegalese context. She observe how gender, politics plus power dey relate for Africa from feminist plus philosophical angle.

A ceremony to honour ein life happen insyd West African Research Center on 20 December 2017. On 3 May 2018, dem hold anoda tribute for Diaw wey three faculty members host insyd one conference room insyd UCAD, organised by de rectorate, de Faculty of Letters plus Human Sciences, de Department of Philosophy, de Directorate of Cultural plus Scientific Animation den de UCAD Foundation.