Jump to content

Archie Casely-Hayford

From Wikipedia
Archie Casely-Hayford
human
Ein sex anaa gendermale Edit
Ein country of citizenshipGhana, Gold Coast Colony Edit
Name wey dem give amArchie Edit
Ein date of birth1898 Edit
Place dem born amAxim Edit
Date wey edieAugust 1977 Edit
Ein poppieJ. E. Casely Hayford Edit
SiblingGladys Casely-Hayford Edit
Languages edey speak, rep anaa signEnglish Edit
Ein occupationlawyer, politician, minister Edit
Educate forClare College, Dulwich College, University of Cambridge, Mfantsipim School Edit
Political party ein memberConvention People's Party Edit
Religion anaa worldviewChristian Edit

Archibald "Archie" Casely-Hayford (1898 – 20 August 1977) be British-trained Ghanaian barrister plus politician wey play role inside nationalist politics for de former Gold Coast (now Ghana). After he join de Convention People's Party (CPP), he win de Municipal Member seat for Kumasi insyd 1951, den Kwame Nkrumah appoint am as Minister of Agriculture and Natural Resources under de First Republic ein government.[1] When Ghana gain independence on 6 March 1957, Casely-Hayford dey stand on de podium side by side Nkrumah, plus other key figures like Kojo Botsio, Komla Agbeli Gbedemah, Nathaniel Azarco Welbeck, den Krobo Edusei.[2]

Biography

[edit | edit source]

Early years den education

[edit | edit source]

Archie Casely-Hayford born for Axim insyd Gold Coast to Beatrice Madelene (née Pinnock) den Joseph Ephraim Casely Hayford, wey be respected pan-Africanist.[3] He get ein education for Mfantsipim School, Cape Coast, den later go Britain go learn for Dulwich College, London. From there, he study Law plus Economics for Clare College, University of Cambridge, where he get ein MA degree.[4]

Before he lef London, he marry Esther (Essie) Smith for May 1921.[5]

When he return to de Gold Coast, he practise law from 1921 go 1936. He join de Sekondi Town Council for 1926, den for 1936 he become district magistrate. By 1948, he rise to senior district magistrate before he go back to private legal practice.[4]

National politics

[edit | edit source]

As he enter nationalist politics, Archie Casely-Hayford join Kwame Nkrumah ein Convention People's Party (CPP). Before de 1951 elections, he serve as defence counsel for Nkrumah plus other CPP leaders. Dis act make people start dey call am "Defender of the Verandah Boys". Insyd Nkrumah ein first government, Casely-Hayford get appoint as Minister of Agriculture and Natural Resources for 1951. Later on, he become Minister of Communications, den for 1954, he get promote again to be Minister for the Interior.[4][6]

Honours

[edit | edit source]

Casely-Hayford receive honour from Ghana wey be de Grand Medal, den from Britain he get de Queen ein Coronation Medal.[4]

Death den family

[edit | edit source]

By de time he die for Ridge Hospital, Accra, on 20 August 1977,[7][8] he be de Chancellor of de University of Cape Coast. Before ein death, he too serve as de head of de wider Casely-Hayford family. Ein eldest son, Beattie Casely-Hayford, be de first director of de Ghana Arts Council. Anoda son, Louis Casely-Hayford, be chartered engineer wey serve as CEO for de Volta River Authority.[9] Ein youngest son, Michael Casely-Hayford, be media consultant. Ein daughter, Desiree, dey live for Australia as of 2013.

References

[edit | edit source]
  1. ↑ "The men who flanked Nkrumah on Independence eve", National Commission on Culture, 14 April 2007. Archived 9 November 2018 at the Wayback Machine.
  2. ↑ Dedey, Kosi (13 June 2008). "CPP Salutes 'True Big Six'...on 59th anniversary of the Convention People's Party". GhanaWeb.
  3. ↑ Jacobs, Nancy J. (2014-06-16). African History through Sources (in English). Cambridge University Press. ISBN 978-1-107-03089-3.
  4. ↑ 4.0 4.1 4.2 4.3 Casely-Hayford, A., Makers of Modern Africa: Profiles in History, London: Africa Journal Ltd for Africa Books Ltd, 1981, p. 125.
  5. ↑ Certificate MX 369065, General Register Office, London.
  6. ↑ Addo-Twum, J. K. (1977-08-30). Daily Graphic: Issue 8355 August 30 1977 (in English). Graphic Communications Group.
  7. ↑ Nkrumah, I. K. (23 August 1977). "Casely-Hayford dies at 79". Daily Graphic. No. 8349. p. 1.
  8. ↑ "Casely-Hayford dies at 79". Ghana News. 31 August 1977. p. 10.
  9. ↑ "VRA Biodata" (PDF). Volta River Authority. Archived (PDF) from the original on 2018-05-16. Retrieved 25 May 2022.
[edit | edit source]
Dem retrieve am from "https://gpe.wikipedia.org/w/index.php?title=Archie_Casely-Hayford&oldid=76023"