Bethanie Desalination Plant
Bethanie Desalination Plant, wey dem dey call am Bethany Desalination Plant too, be brackish water desalination plant wey dey Bethanie town for southern Namibia. Namibia Water Corporation (NamWater) own am den dem build am. De clean drinking water wey dis plant dey produce, plus e capacity of 487 cubic meters (487,000 L) per day, go fit supply Bethanie town till 2037.[1]
Location
[edit | edit source]De desalination plant dey Bethanie town for ǁKaras Region of Namibia. Bethanie dey about 140 kilometres (87 mi) west of Keetmanshoop, wey be de capital of ǁKaras Region.[1][2] Bethanie dey about 535 kilometres (332 mi) south of Windhoek, wey be de capital den de biggest city for de country.[3]
Overview
[edit | edit source]De main aim of dis project be make e improve de amount den quality of drinking water wey people for Bethanie fit get. Dem develop am as pilot project make dem test whether e go possible to desalinate brackish ground water for house use den small commercial use. Dis one be part of Namibia government ein effort to increase water supply for de people from 85 percent for 2022 reach 100 percent.[4][5] Namibia set target say by 2030, 100 percent of di citizens den residents go get clean drinking water.[6]
De plant dey process raw brackish ground water thru desalination equipment wey include reverse osmosis membranes. Secof de place dey rural area, dem choose renewable energy sources. Dem install solar panels so say sunlight go provide de power wey de desalination process need.[1][5]
Development
[edit | edit source]Plenty national den international stakeholders work together design, build den fund dis desalination plant. De table below show de organisations wey support de project.[1]
| Rank | Member | Domicile | Notes | |
|---|---|---|---|---|
| 1 | NamWater | Namibia | National water parastatal utility company. Owner/operator. | [1] |
| 2 | Desert Research Foundation of Namibia | Namibia | National research institution | [1] |
| 3 | Adaptation Fund | United States | International climate change organisation | [1] |
| 4 | Namibian Ministry of Environment, Forestry and Tourism | Namibia | Namibian Government Ministry | [1] |
De Multilateral Environmental Agreements Division of de Namibian Ministry of Environment, Forestry and Tourism be one of de stakeholders wey support de development of dis plant.[1]
Funding den timeline
[edit | edit source]According to reports, de construction cost N$37 million (about US$2.3 million). De stakeholders wey dey de previous section fund am. Construction happen between "October 2020 den October 2021", then dem officially start commercial operation for July 2022.[1][4][5]
References
[edit | edit source]- 1 2 3 4 5 6 7 8 9 10 Inès Magoum (12 August 2022). "Namibia: Desalination plant supplies water to the people of Bethany". Afrik21.africa. Paris, France. Retrieved 15 August 2022.
- ↑ "Road Distance Between Keetmanshoop, Namibia And Bethanie, Namibia (Map)". Google Maps (in English). 15 August 2022. Retrieved 2026-07-10.
- ↑ "Road Distance Between Bethanie, Namibia And Windhoek, Namibia (Map)". Google Maps (in English). 15 August 2022. Retrieved 2026-07-10.
- 1 2 Matthew Dlamini (18 July 2022). "Desalination plant opened at Bethanie". The Namibian. Windhoek, Namibia. Retrieved 15 August 2022.
- 1 2 3 "Clean Accessible Water For Bethanie From Hybrid-Power Desalination Plant". Namibia Economist. Windhoek, Namibia. 15 July 2022.
- ↑ Benoit-Ivan Wansi (16 September 2022). "Namibia: 3 mini desalination plants for irrigation in Daures". Afrik21.africa. Paris, France. Retrieved 17 September 2022.