Black Volta

Black Volta

river

Mouth of the watercourse	Volta River
Tributary	Laboni, Tain
Drainage basin	Volta Basin
Country	Burkina Faso, Ivory Coast, Ghana
Coordinate location	8°40′39″N 1°0′33″W, 11°18′40″N 4°49′4″W, 8°39′0″N 0°59′6″W, 8°38′59″N 0°59′4″W

De Black Volta anaa Mouhoun (French: Volta noire) be a river wey dey flow thru Burkina Faso for approximately 1,352 km (840 mi) to de White Volta insyd Dagbon, Ghana, de upper end of Lake Volta. E be one of de three main parts of de Volta, plus de White Volta den de Red Volta.

De source of de Black Volta dey insyd de Cascades Region of Burkina Faso, close to Mount Tenakourou, de highest point of de country. Further downstream e dey form part of de border between Ghana den Burkina Faso, den later between Ivory Coast den Ghana. Within Ghana, e dey mark de border between de Savannah den Bono regions. De Bui Dam, a hydroelectric power plant, dem build for de river ein top, just south of de Bui National Park, wich de river dey bisect.

Length, Basin, den Hydrology

De Black Volta be approximately 1,352 km long, wey dey make am one of de major rivers of de Volta basin system.

Ein drainage basin dey cover about 147,000 km² wey dey depend on estimation methods, wey e dey form a crucial part of de wider Volta Basin, one of de largest river basins insyd West Africa.

De river flow fi cam be seasonal insyd ein upper reaches, plus reduced discharge during de dry season secof low rainfall variability insyd de savanna climate zone.

Course den Geographical Role

De river dey flow generally southward, then dey form international boundaries between Ghana den Burkina Faso, den between Ghana den Ivory Coast.

Insyd Ghana, e dey continue toward de interior den eventually dey contribute to Lake Volta, one of de largest artificial reservoirs insyd de world, dem create by de Akosombo Dam on de Volta River system.

De Black Volta be part of a larger system wey sanso dey include de White Volta den Red Volta, wich dey merge downstream to form de main Volta River.

Economic den Environmental Importance

De Black Volta Basin dey support agriculture, fishing, domestic water supply, den hydropower production across several West African countries.

Agriculture insyd de basin dey include rain-fed crops such as maize, millet, sorghum, rice, yam, den cassava, wich widely be cultivated by local populations.

De river sanso dey play a role in ecosystem sustainability, dey support aquatic biodiversity den dey provide water for livestock den irrigation systems insyd rural communities.

Hydropower den Infrastructure

One of de most important infrastructures wey dey for Black Volta be de Bui Dam for Ghana. De dam be hydroelectric project wey dey help produce electricity for de country.

De dam too dey affect how de river water dey flow, how irrigation systems dey work, den de environmental conditions around de river basin area.