Jump to content

Boahene Yeboah-Afari

From Wikipedia
Boahene Yeboah-Afari
human
Ein sex anaa gendermale Edit
Ein country of citizenshipGhana Edit
Name wey dem give amBoahene Edit
Ein date of birth13 November 1920 Edit
Place dem born amGold Coast Colony Edit
Date wey edie22 May 1996 Edit
KiddieAjoa Yeboah-Afari Edit
Languages edey speak, rep anaa signEnglish Edit
Ein occupationpolitician, teacher, shopkeeper, minister Edit
Position eholdMinister for Food and Agriculture, Minister for Communications, member of parliament, Member of the 1st Parliament of the Gold Coast, Member of the 2nd Parliament of the Gold Coast Edit
Educate forAbuakwa State College, Abuakwa State College Edit
Political party ein memberConvention People's Party Edit
Religion anaa worldviewChristian Edit

Kwame Boahene Yeboah-Afari (13 November 1920[1] – 22 May 1996[2]) be educator plus politician. He serve for different ministerial positions insyd first republic, including as Ghana ein first Minister for Agriculture den first Regional Minister for Brong Ahafo Region. He san serve as Member of Parliament for Sunyani East constituency.

Early life den education

[edit | edit source]

Dem born Yeboah-Afari on 13 November 1920 to Nana Yeboah-Afari II, wey be son of royal from de Dormaa Stool. He take ein secondary education for Abuakwa State College wey he complete insyd 1947.

Career

[edit | edit source]

Afta ein secondary education, he go back Brong Ahafo Region to help revive de abandoned Dormaa Senior High School (wey den dey call Dormaa State College) for Dormaa. Dis school be founded by Mr. Oppong and Mr. Yeboah, both from Dormaa. When de first principal resign because of threats from de British Colonial Government District Commissioner (DC)—wey say de school no dey part of Government ein development plan—de founders make Yeboah-Afari de new principal. He start de college again on 8 January 1948 with only three students. He serve as de school ein principal,[3] teacher, bursar, plus messenger.

He build close relationship plus Kwame Nkrumah (wey be de organising secretary of de United Gold Coast Convention by dat time) after he form Dormaa Ahenkro branch of de UGCC den serve as secretary for de branch. Dr. Kwame Nkrumah wey found Ghana National College against de wish of de colonial government, meet Yeboah-Afari for Kumasi, where Yeboah-Afari talk to am about de challenges ein school dey face from de colonial government. He suggest make Nkrumah take responsibility for de school just like how he do for Ghana National College.[1]

Politics

[edit | edit source]

Yeboah-Afari be member of Brong Kyempem Federation (BKF), wey later turn into Brong Kyempem Council (BKC); a group wey dem form for de progress of de Bono State. He replace Nana Agyemang Badu I, de then Omanhene (paramount chief) of Dormaa, wey go United Kingdom go further ein studies for University of Oxford. Insyd 1951, he get elect as de first member of de Legislative Assembly representing Sunyani East on de ticket of Convention People's Party (CPP). Five years later, he get appoint as Ghana ein first Minister for Agriculture. At dat time, he be de youngest (aged 35) Minister insyd Nkrumah ein government.

Insyd September 1956, Yeboah-Afari get appointment as Minister for Communications and Works. During ein time for office, he help establish de former Ghana Airways Corporation den de State Transport Corporation (STC). For 1957, he serve as Minister without Portfolio.[4][5] Then for June 1958, he get appoint as Ministerial Secretary (Deputy Minister) for Western Ashanti. Later dat same year, when dem create Brong Ahafo Region, he get appoint as de first Commissioner (Regional Minister) for de Region.[6]

As Regional Commissioner for Brong Ahafo, he help found Sunyani Secondary School. Ein administration san help determine de location for Sunyani Airport den de Military Barracks. He serve as Regional Commissioner till 1959 when Stephen Willie Yeboah take over from am.

On 29 June 1962, he get sentence to imprisonment wey pass 12 months, wey make am lose ein seat as representative of Sunyani East for Parliament.[7]

Personal life den death

[edit | edit source]

He be de poppie of Ajoa Yeboah-Afari, a Ghanaian journalist.

Boahene Yeboah-Afari die on 22 May 1996, aged 75.[2]

References

[edit | edit source]
  1. 1 2 Tetteh, Ransford (2010-09-02). "B. YEBOAH-AFARI- The unsung hero of Brong Ahafo Region". Daily Graphic. Retrieved 2019-09-16.
  2. 1 2 West Africa (in English). West Africa Publishing Company Limited. 1996.
  3. ↑ Europa Publications (1957). The international who's who. p. 1021.
  4. ↑ Therson-Cofie, Martin (1957-06-21). "Meeting the Government". Daily Graphic. Retrieved 2019-09-16.
  5. ↑ "Parliamentary Debates; National Assembly Official Report". Google Books. Accra, Government printing department. 1957.
  6. ↑ "Parliamentary Debates; Official Report, part 1". Google Books. Accra, Government printing department. 1959.
  7. ↑ "Ghana Gazette". Google Books. National government publication: 592. 1962.
Dem retrieve am from "https://gpe.wikipedia.org/w/index.php?title=Boahene_Yeboah-Afari&oldid=76446"