Busia Water Supply and Sanitation Project
Busia Water Supply and Sanitation Project (BWSSP), wey dem still dey call am Busia Water Supply and Sewerage System, be water intake, purification, distribution, plus waste water collection den disposal system for Busia District, Uganda.[1]
Location
[edit | edit source]Dis water treatment plus waste water disposal facility dey under construction for lakeside town of Majanji, Majanji Parish, Majanji Sub-County, for Busia District. E dey about 28 kilometres (17 mi) by road, go south of Busia town, wey be where district headquarters dey.[2] Majanji dey about 187 kilometres (116 mi) by road go east of Kampala, wey be capital city of Uganda.[3] De geographical coordinates of de water treatment plant be: 00°14'37.0"N, 33°59'17.0"E (Latitude:0.243611; Longitude:33.988056).[4][5]
Overview
[edit | edit source]For late 2020, Government of Uganda borrow money from World Bank to set up Busia District Water Supply and Sanitation Project for Eastern Uganda. Main aim be to improve water supply den sanitation services for Busia town den about one-third of surrounding rural district.[6]
Water intake point go dey for Lake Victoria, about 300 metres (984 ft) off de coast for Majanji town. Water treatment plant, wey fit process 12,988 cubic meters (12,988,000 L) of water every 24 hours, dem still go build for Majanji. Elevated storage tank wey fit hold 1,720 cubic meters (1,720,000 L) of potable water go be constructed for Dabani, between Majanji den Busia town centre.[6]
Main collection point for waste water go dey for area wey dem dey call Osapir, insyd Busia Municipality, for land wey already belong to town council. Waste water go first pass thru artificial wetland filters to separate liquid from solid. After that, liquid go go enter natural wetlands. Biosolids go dry, then dem go either sell am anaa give farmers make dem use am as fertilizer.[5][6]
Oda planned infrastructure include building of eight flushing public toilets for Busia town centre to reduce open defecation den cut down water-borne diseases like Cholera, typhoid, den dysentery, wey dey common now.[1][6][7]
Construction den funding
[edit | edit source]For April 2021, Uganda Ministry of Water and Environment, wey be de implementing agency, give engineering, procurement and construction (EPC) contract to Zhonghao Overseas Construction Engineering Company. Contract value be about USh50 billion (around US$14 million). Construction suppose take 6 years.[8]
Oda considerations
[edit | edit source]Part of water wey dem go extract from Lake Victoria under dis project sanso go serve as irrigation water for different agro-processing businesses insyd Busia District.[8]
Sanso spy
[edit | edit source]- Ministry of Water and Environment (Uganda)
- Gulu Water Supply and Sanitation Project
- Isingiro Water Supply and Sanitation Project
- Rukungiri Water Supply and Sanitation Project
References
[edit | edit source]- 1 2 Daily Monitor (7 August 2020). "Busia banks on Shs50b water project to end disease burden". Daily Monitor. Kampala. Retrieved 10 July 2021.
- ↑ "Road Distance Between Busia, Uganda And Majanji, Uganda (Map)". Google Maps (in English). 10 July 2021. Retrieved 2026-07-12.
- ↑ "Road Distance Between Kampala, Uganda And Majanji, Uganda With Interactive Map (Map)". Google Maps (in English). 10 July 2021. Retrieved 2026-07-12.
- ↑ "Location of Busia Water Supply and Treatment Plant (Map)". Google Maps (in English). 10 July 2021. Retrieved 2026-07-12.
- 1 2 ESIA Team (April 2018). "Water Supply And Sanitation Project In Majanji, Lumino, Buhehe, Masafu, Masaba, Dabani, Buteba, Masinya, And Siduka Sub-Counties; Busia Municipality, Busia District: Environmental and Social Impact Assessment for Busia Water Supply and Sanitation Project: Updated And Final Environmental And Social Impact Report" (PDF). World Bank Group. Retrieved 10 July 2021.
- 1 2 3 4 Inès Magoum (14 August 2020). "Uganda: $13.6 million from WB for drinking water in Busia district". Afrik21.africa. Paris, France. Retrieved 10 July 2021.
- ↑ Dennis Ayemba (5 May 2021). "Chinese company to implement Busia Water Supply and Sanitation Project in Uganda". Construction Review Online. Nairobi, Kenya. Retrieved 30 August 2021.
- 1 2 Inès Magoum (4 May 2021). "Uganda: China's Zhonghao wins contract for Busia water and sanitation project". Afrik21.africa. Paris, France. Retrieved 10 July 2021.