Chamu Krishna Shastry
| Ein sex anaa gender | male  |
|---|---|
| Country wey e be citizen | India |
| Ein date of birth | 23 January 1956 |
| Ein occupation | linguist, author |
| Work period (start) | 1981 |
| Award e receive | Padma Shri in literature and education |
Chamu Krishna Shastry[1] (dem born am 23 January 1956) be Indian Educationist wey dey work for de revival of de Sanskrit language. He be de trustee den Secretary of Samskrit Promotion Foundation. He sana be de co-founder of Samskrita Bharati. Now he dey spearhead movement say he go teach Sanskrit Through Sanskrit. Insyd 25 January 2017, Government of India announce "Padma Shri" award insyd de category Literature and education for ein contribution towards de promotion of Sanskrit.[2]
Ein Early life
[edit | edit source]Dem born Shastry for 23 January 1956 insyd Kedila village near Mangalore (Bantwal taluk).[3] He learn Sanskrit from de Rashtriya Sanskrit Vidyapeetha for Tirupati.[4][5] As teenage Rashtriya Swayamsevak Sangh worker, dem imprison Shastry for de Emergency. As na he be alone for the cell insyd, na he dey read biographies. Insyd de writings of Vinayak Damodar Savarkar den Swami Vivekananda, he learn how Sanskrit go fi unlock scientific, mathematical den medical knowledge wey dem bury insyd ancient Sanskrit texts.[6]
Ein Career
[edit | edit source]Speak Samskrit movement
[edit | edit source]Krishna Shastry, along plus some of ein friends, start de ‘Speak Samskrit’ Movement insyd 1981 from Bangalore.[4] Ein method of teaching Sanskrit be say he go make de student mow am for de same language insyd rather than through anoda language by translation.[7] Learning Sanskrit go fi be forbidding exercise secof dem dey teach am through translation. So say you go make am easy give de students, Shastry ein method no be say you go learn de language thru grammar, but say you go teach Sanskrit as dem dey speak am.[8] Students for no wrestle plus de nuances of sam arcane syntactics. Ebe easy say you go master de language, say even semi-literate menners go fi opt for de course.
Samskrita Bharati
[edit | edit source]De movement eventually evolve go not-for-profit organisation Samskrita Bharati, sam voluntary body wey dey commit plus de cause of Sanskrit.[4] Shastry efforts lead go de development of de very popular "Ten-day Sanskrit Speaking Course" of Samskrita Bharati. He inspire sam dedicated work force give Sanskrit across de country wey dey lead de propagation work for various states. Samskrita Bharati den Shastry dey implement 10 day course through sam network of 250 full-tym workers den 5,000[8] Sanskrit Bharati volunteers. Esana help say dem dey offer de course for free.[9] Samskrita Bharati enable nearly one crore menners say make dem mow den converse insyd de Sanskrit language, one lakh of wey decide say he go use Sanskrit for house insyd true ancient style.[9]
Shastry ein efforts sana lead chao universities den colleges make dem adopt de communicative teaching method for Sanskrit. Insyd de US, SAFL (Samskrit as Foreign Language) be sam popular course among de kiddies of Indian origin. Samskrita Bharati be active all over India den insyd 13 countries wey dey include USA, Canada, UK den de UAE. De organisation get credit plus de revival of Sanskrit insyd Gujarat.[10]
Ein Vision
[edit | edit source]Shastry dey see Sanskrit as India ein lingua franca. He say, "Till now dem dey see Samskrit only as sam spiritual anaa religious perspective; ebe high tym dem go approach Samskrit from sam scientific point of view too - (Till now Samskrit has only been seen from a spiritual or religious perspective; it is high time Samskrit is approached from a scientific point of view as well)." He dey suggest say Sanskrit go be unifying factor insyd India.
Shastry dey believe say dem for take Sanskrit go under-privileged. He dey echoe Dr. Ambedkar's support for Sanskrit as platform for dem dey take enable social upliftment den equality.
Samskrit Promotion Foundation
[edit | edit source]Krishna shastry help start de Samskrit Promotion Foundation, wey be sam institution insyd developing Sanskrit Tutorials give students wey dem dey produce various new course materials give "Sanskrit for Special Purposes" sam not for profit trust, wey dey aim say ego "popularise Samskrit" insyd India again den among other objectives leverage Samskrit as sam "effective tool" wey go socially den economically "empower de weaker sections" of de society. De trustees dey include eminent citizens like former Chief Justice of India R. C. Lahoti, for Chief Election Commissioner N. Gopalaswami, Justice Rama Jois, S. Gurumurthy, among others. Shastry be key trustee den secretary of dis trust.
Ein Influencing policy
[edit | edit source]Shastry dey spend chao of ein tym for teacher training, workshops, making of learning material den discussing Sanskrit education plus policy makers. He dey believe say not just Sanskrit as language, but dem for teach modern subjects like chemistry, maths, history etc. plus Sanskrit.
Na he sana be member of de Central Government wey Sanskrit Committee wey develop de "Road Map for de Development of Sanskrit – Ten Year Perspective Plan" document insyd 2016.
Others
[edit | edit source]Ein extensive experience insyd education den teaching methods lead am go de Board of Rashtriya Sanskrit Sansthan top den chao other universities.
Shastry be renowned speaker wey dem highly dey regard am for ein fluent den fiery oratory insyd Sanskrit. He dey believe for de dictum of de Bhagavad Gita insyd say ego work towards sam goal without expectations wey etake personal vow say eno go accept honors den awards. He be prolific writer wey he rep chao books den numerous articles insyd Sanskrit.
Ein Books
[edit | edit source]He rep 13 books for Sanskrit language insyd.
- Savdhana Syaam ISBN 978-8187276487
- Utthistatha Ma Svapthaha (Get up! Don't Sleep!!) ISBN 8188220469
- Parishkaaraha (Essays in Sanskrit) ISBN 8188220493
Ein Awards
[edit | edit source]- Saraswata Sudhakara in 1984 from Kashi Pandit Parishat
- Rashtriya Yuva Puraskar insyd 1985 from ABVP
- Padma Shri Award insyd 2017
References
[edit | edit source]- ↑ "vijayavani, ನಾಡಿನ 9 ಸಾಧಕರಿಗೆ ಪದ್ಮ ಪ್ರಶಸ್ತಿ ಕಿರೀಟ, 26.01.2017". Archived from the original on 2 February 2017. Retrieved 27 January 2017.
- ↑ "PadmaAwards-2017" (PDF). Archived from the original (PDF) on 2017-01-29.
- ↑ "Revolutionary educationists get Padma Shri". The Hindu. 27 January 2017. Retrieved 23 December 2018.
- ↑ 4.0 4.1 4.2 Unni, Aparna (4 August 2012). "A classic case of Chamu Sastry". The New Indian Express. Archived from the original on 2 February 2015. Retrieved 2 February 2015.
- ↑ Fishman, Joshua; Garcia, Ofelia (2010-01-01). Handbook of Language and Ethnic Identity:The Success-Failure Continuum in Language and Ethnic Identity Efforts (Volume 2): The Success-Failure Continuum in Language and Ethnic Identity Efforts (|) (in English). Oxford University Press, USA. ISBN 9780195392456.
- ↑ Mahurkar, Uday. "The Right Word". India Today. Archived from the original on 11 August 2010. Retrieved 21 July 2010.
- ↑ "A man's bid to revive deva vani, Sanskrit". Daily News and Analysis. 4 June 2013. Retrieved 2 February 2015.
- ↑ 8.0 8.1 Venkatraman, Vijaysree (2007-07-05). "Sanskrit echoes around the world". Christian Science Monitor. ISSN 0882-7729. Retrieved 2016-12-21.
- ↑ 9.0 9.1 Mahurkar, Uday. "The Right Word". India Today. Archived from the original on 24 September 2015. Retrieved 2 February 2015.
- ↑ India Today International (in English). Living Media India Limited. 1999-01-01.