Chawk Mosque, Dhaka

Chawkbazar Shahi Mosque

mosque

Year dem found am	1676
Country	Bangladesh
Edey de administrative territorial entity insyd	Dhaka
Coordinate location	23°42′58″N 90°23′44″E
Architectural style	Mughal architecture

De Chawkbazar Shahi Mosque (Bengali: চকবাজার শাহী মসজিদ) dem sanso know am as Chawk Mosque be a mosque wey dey locate insyd de Chowk Bazaar area insyd de old city of Dhaka, Bangladesh.

History

Na dem construct de mosque insyd 1664 by Subahdar Shaista Khan. De mosque be known as de Shahi Mosque secof na ebe founded by Subahdar Shaista Khan. Na dem build de mosque above a raised platform. De three domed mosque above de platform, dem now transform am into a multi-storied structure na ebe originally a copy of Shaista Khan ein oda three domed mosque for de Mitford Hospital compound near de Buriganga River. Der be sam square-shaped rooms dem build give de Imam den give students of de madrasa. Today na de original building design loose chaw of ein original form thru multiple renovations den extensions. Dem dey note de mosque for e get a rainbow minaret.

Architecture

De promenade around de three domed prayer chamber, since na der be no separate structure for study purpose, na dem fi be used for open-air classes den de vaulted room plus book-shelves for dema walls underneath de platform na dem fi be designed make e provide residential accommodation give those wey use to teach den study hie. Insyd dat context na dem di regard Chawk Mosque as de first known example of Residential Madrasa Mosque.

Ebe an ingenious way of accommodating two structures-a madrasa den a mosque insyd a single building wich na e no save space per buh sanso a considerable amount of money.

Na dem date de construction from 1664 CE, as dem note by an inscription insyd Persian over a doorway. De inscription dey attribute de project to Subahdar Shaista Khan. So far dem know dis be de earliest dated mosque insyd de History of Muslim Architecture insyd Bengal dem build on a high vaulted platform. Na perhaps ein architectural design be influenced by Tughlaq Architectures; such as Khirki Masjid anaa Kalan Mosque of Delhi. Influenced by dis structure na dem build sam oda mosques insyd Dhaka den Murshidabad.

Na ebe suggested dat Shaista Khan einself compose de versified inscription, as na ein poetic nom de plume be "Talib". De inscription dey read:

"The rightly guided Amīr al-Umarā Shaista Khan - built this mosque for the sake of God / To the seeker (t̤ālib) enquiring its date - I said, "God's bidding is accomplished" / Year 1086 Hijri (1675-76 CE)."

Gallery

• 
  De central Mihrab
• 
  De three domes
• 
  De interior of de mosque insyd May 2019
• 
  De mosque (on de upper-left), wey Johnston den Hoffmann photograph insyd 1885
• 
  De inscription

Read further

• Mamoon, M. (1993). Dhaka-Smriti Bismritir Nogori. Dhaka: Anannya (page 78)
• Husain, A. B. (2007). Architecture – A History Through Ages. Dhaka: Asiatic Society of Bangladesh (page 287)
• Karim, Abdul. (1992) Corpus of the Arabic and Persian Inscriptions of Bengal. Dhaka: Asiatic Society of Bangladesh (page 469)