Jump to content

Cheick Oumar Sissoko

From Wikipedia
Cheick Oumar Sissoko
human
Ein sex anaa gendermale Edit
Ein country of citizenshipMali Edit
Ein date of birth1945 Edit
Place dem born amSan Edit
Languages edey speak, rep anaa signFrench Edit
Ein occupationpolitician, film director, screenwriter, director, minister Edit
Educate forSchool for Advanced Studies in the Social Sciences Edit
Political party ein memberAfrican Solidarity for Democracy and Independence Edit
Award e receivePrince Claus Award, Stallion of Yennenga Edit
Related categoryCategory:Films directed by Cheick Oumar Sissoko Edit

Cheick Oumar Sissoko (born 1945 insyd San, Mali) be a Malian film director den politician.

Biography

[edit | edit source]

Wen he be student for Paris, Cheick Oumar Sissoko get DEA insyd African History plus Sociology, den diploma insyd History plus Cinema from de Ecole des hautes études en sciences sociales. Afta dat, he kontinue ein cinema studies for de Ecole nationale Louis Lumière.

Wen he come back Mali, he start to direct film for de Centre National de la Production Cinématographique (CNPC), wey be where he direct Sécheresse et Exode rural ("Drought and Rural Exodus").

Insyd 1995, he direct Guimba (The Tyrant), wey win special jury prizes for de International Film Festival of Locarno, plus l'Etalon de Yennenga (Stallion of Yennenga) for FESPACO (de Panafrican Film and Television Festival of Ouagadougou).

Insyd 1999, La Genèse (Genesis) come out, den dis film make Sissoko win anoda Etalon de Yennenga for FESPACO. For 2000, he direct Battù, wey dem base am on one novel wey Aminata Sow Fall write; dis film make he win de RFI Prize for Cinema for FESPACO insyd 2001.

Sissoko establish ein own production company wey he name Kora Film.

Sissoko plus Oumar Mariko start one political party wey dem call African Solidarity for Democracy and Independence (SADI) for 1996.[1] Sissoko be de party ein president.[2] Dem nominate am as Minister of Culture for de government of Prime Minister Ahmed Mohamed Ag Hamani on 16 October 2002,[3] den he still continue as Minister of Culture under Prime Minister Issoufi Ousmane Maïga ein government wey dem announce on 2 May 2004.[4] On 8 August 2007, afta Minister of National Education Mamadou Lamine Traoré die for July, dem appoint Sissoko as Minister of National Education, but he still keep ein position as Minister of Culture.[5] But dem no include am for de government wey dem name on 3 October 2007.[6]

Anoda film wey Sissoko produce be The Garbage Boys. Dis film talk bittersweet story about pikin dem wey dey grow up insyd Bamako, Mali; e show how dem dey fight life challenge every day. Insyd de film, dem show how de pikin dem carry dem own desk go school, gather rubbish take make money, play for street, learn bad habits, plus see how demma mommie dem dey die when dem dey give birth. De reaction to de film no be de same for everybody. De author Manthia Diwara mention insyd ein book say de rich people wey watch de film feel sorry for de characters den cry, but de poor people for Mali laugh, because dem feel say e be true den everybody suppose experience am.

De theme insyd The Garbage Boys follow Sissoko ein own belief for how we for promote diversity plus make people understand each other. For one interview wey he do for Festival au Désert as Minister of Culture, he talk say:

I dey believe say de most important work wey I get be to protect de unity wey dey between de different ethnic group dem for Mali. One of de way wey we fit take do dis be to support festival dem like dis one through government money... De difference dem between we people start since many hundred years ago. We for accept dem differences den show respect to each other. We dey do dis thing well well because Mali people dey very hospitable den dem like to live together. De festival dem dey help people meet den relate, den e dey work proper.

Insyd 1999, dem honour Sissoko plus one Prince Claus Award from de Prince Claus Fund, wey be one international culture plus development organisation wey base insyd Amsterdam.

Filmography

[edit | edit source]
  • L'Ecole malienne (1982)
  • Les Audiothèques rurales (1983)
  • Sécheresse et exode rural (1984)
  • Nyamanton, la leçon des ordures (1986)
  • Finzan (1990)
  • Etre jeune à Bamako (1992)
  • L'Afrique bouge (1992)
  • Problématique de la malnutrition (1993)
  • Guimba, un tyrant, une époque (English: Guimba the Tyrant) (1995)
  • La Genèse (1999)
  • Battù (2000)

References

[edit | edit source]
  1. ↑ Benito Perez, "«La faiblesse de l'Etat nous laisse une place pour imposer des alternatives»" Archived 2007-09-30 at the Wayback Machine, Le Courrier, December 19, 2006. (in French)
  2. ↑ "L'ESSOR : Quotidien National d'Information du Mali". www.essor.gov.ml. Archived from the original on 2007-09-27. Retrieved 2025-09-12.
  3. ↑ "Liste du gouvernement malien formé le 16 octobre 2002" Archived September 28, 2007, at the Wayback Machine, AFP (Africatime.com), October 17, 2002. (in French)
  4. ↑ "Le nouveau gouvernement" Archived September 27, 2007, at the Wayback Machine, L'Essor, n°15196, May 3, 2004. (in French)
  5. ↑ "Modification de la composition du gouvernement", L'Essor, n°16008, August 9, 2007. (in French)
  6. ↑ "DECRET N° 07-383/P-RM du 3 octobre 2007", L'Essor, n°16046, October 4, 2007. (in French)
[edit | edit source]
  • Curry, Ginette. Awakening African Women: The Dynamics of Change. Cambridge Scholars Press, London. January 4, 2004. .
Dem retrieve am from "https://gpe.wikipedia.org/w/index.php?title=Cheick_Oumar_Sissoko&oldid=77919"