David Chuenyane

David Chuenyane

human

Ein sex anaa gender	male
Ein country of citizenship	South Africa
Name wey dem give am	David
Languages edey speak, rep anaa sign	English
Ein occupation	politician

Lerate David Chuenyane be one retired South African politician wey represent de National Party (NP) for de National Assembly from 1994 go 1999. Before dat, he be member of de Pan Africanist Congress (PAC), den for 1964 he go exile to join de militant wing Azanian People's Liberation Army (APLA). But when he come back to South Africa for 1992, he join de National Party (NP). Later, for 1999, he move go join de African National Congress (ANC).

Life den career

Chuenyane join de anti-apartheid PAC for 1960 wey ein age be 18. Insyd 1964, he go exile go Tanzania, where he join APLA plus take five years military training from Chinese instructors. After dat, he move go Canada then later go United States, where he complete ein undergraduate plus master's degree, come turn electrical engineer. He return to South Africa insyd July 1992 during de post-apartheid transition.

Even though Chuenyane still keep contact plus PAC, he join de NP shortly after ein return to South Africa. He talk say ein decision base on policy reasons—wey he put am like dis: "I turned capitalist"—plus de fact say NP get better infrastructure, financial resources, plus experience for government. He play big role for NP demma campaign before de 1994 general election: he be member for de party ein national management committee, vice chairperson for de regional branch for Johannesburg plus Soweto, plus one of demma two top-ranked Black candidates.

Insyd de 1994 election, Chuenyane win NP seat for de National Assembly, represent Gauteng constituency. For March 1999, he talk say he dey resign from NP to join de ruling ANC.