Day of Arafah
| Day in year for periodic occurrence | 9 Dhu al-Hijjah  |
|---|
De Day of Arafah be Islamic holiday wey be de ninth day for Dhu al-Hijjah for de lunar Islamic Calendar insyd.[1] E be de second day of de Hajj pilgrimage den Eid al-Adha holiday follow am.[2] For Dawn, Muslim pilgrims go left Mina go nearby hillside den plain wey dem call Mount Arafat den de Plain of Arafat. E be from dis site wey de Islamic prophet Muhammad give one of ein last sermons for de final year of ein life. Sam Muslims hold dat part of de Quranic verse wey dey announce dat na dem perfect de religion of Islam wey na dem reveal am for dis day.[3]
Ein Location
[edit | edit source]Mount Arafat[4] be granodiorite hill[5] wey dey about 20 km (12 mi) southeast of Mecca for de plain of Arafat. E reach about 70 m (230 ft) in height, plus people sabi am as de "Mountain of Mercy" (Jabal ar-Rahmah). According to Islamic tradition, na for dis hill Prophet Muhammad stand give de Farewell Sermon to de Muslims wey follow am for Hajj towards de end of ein life.[6]
Ein Customs
[edit | edit source]For 9 Dhu al-Hijjah before noon, pilgrims go reach Arafat, a barren plain some 20 kilometres (12 mi) east of Mecca,[3] where dem go stand for contemplative vigil: dem go do supplications, repent den atone for demma past sins, seek mercy of God, den listen to Islamic scholars wey go do sermon from near Mount Arafat.[7] Dis ritual go last from noon go reach sunset[3] plus dem dey call am 'standing before God' (wuquf), wey be one of de most important rites for Hajj.[8][9] For Masjid al-Namirah, pilgrims go pray Zuhr (Dhohr) plus Asr together for noon time.[7] If pilgrim no spend de afternoon for Arafat, e Hajj no go count as valid.[3]
Arafah prayer
[edit | edit source]As Husayn ibn Ali recite de prayer during Hajj for Mount Arafat on 9 Dhu al-Hijjah, Shia Muslims wey dey do Hajj go recite de Arafah prayer from Zuhr prayer reach sunset.[10] Dis day dem dey call am prayer day, especially for people wey stand for Mount Arafat.[11] On de Day of Arafah, people wey no fit go Mecca go gather for other holy places like mosques to recite de Arafah prayer.[12]
Fasting for De Day of Arafah
[edit | edit source]Fasting on de Day of Arafah for non-pilgrims be highly recommended Sunnah wey carry great reward; Allah dey forgive sins for two years. E narrate say Abu Qatadah ask Prophet Muhammad about fasting on de Day of Arafah, and he reply: "E go wipe de sins for past year plus de coming year."
Imam An-Nawawi mention for ein book al-Majmu' say: Imam As-Shafi'i plus ein companions talk say e mustahabb (recommended) make person wey no dey Arafah fast on dis day.[13] Buh for pilgrims wey dey Arafah, Imam As-Shafi'i for ein book Al-Mukhtasar talk say e mustahabb (recommended) make dem no fast.
De reason why dem no dey recommend pilgrims make dem fast be say e go stress dem too much as dem dey perform Hajj. More so, Prophet Muhammad himself no fast as he stand before Allah dey offer supplications for Arafah. But people wey no dey perform Hajj fit fast to gain de blessings of dis sacred day.[14]
For hadith
[edit | edit source]Abu Qatada al-Ansari narrate say dem ask Prophet Muhammad about fasting on de Day of Arafah, wey he talk say: E go wipe de sins for de past year plus de coming year. E still talk about fasting for Ashura (10 Muharram) say: E go wipe de sins for de past year.[15] For Sahih Muslim, Aisha narrate say Prophet Muhammad talk say[16]: No day dey wey Allah dey free more people from Jahannam (Hellfire) pass de Day of Arafah. He go come near dem, den He go express ein fulfillment to de angels, dey talk say: 'Wetin dis people want?
Sekof dis, people go fast on Day of Arafah make Allah take away dem bad deeds for de past year plus de year wey dey come.
References
[edit | edit source]- ↑ Sheikho, Mohammad Amin (1783). Pilgrimage Hajj: The Fifth High Grade of Al-Taqwa: Volume 5. CreateSpace Independent Publishing Platform. ISBN 978-1-4827-8324-7.
- ↑ Bentley, David. "Eid al-Adha 2016 – What is the Day of Arafah before the Eid celebrations and why is it so important?". birminghammail.co.uk. Retrieved 11 September 2016.
- ↑ 3.0 3.1 3.2 3.3 Long, David E. (1979). The Hajj Today: A Survey of the Contemporary Pilgrimage to Makkah. SUNY Press. p. 19. ISBN 0-87395-382-7.
- ↑ Peters, F. E. (1994). The Hajj: The Muslim Pilgrimage to Mecca and the Holy Places. Princeton University Press. p. 355. ISBN 978-0-691-02120-1.
- ↑ Qureshi, A. A.; Sultan, A.; Rashid, A.; Ali, M.; Waheed, A.; Manzoor, S.; Baloch, M. A.; Matiullah; Batool, S.; Khan, H. A. (September 2012). "Geological and radiological studies of the Mount Arafat, Mekkah, Saudi Arabia". Journal of Radioanalytical and Nuclear Chemistry (in English). 293 (3): 955–963. Bibcode:2012JRNC..293..955Q. doi:10.1007/s10967-012-1776-0. ISSN 0236-5731. S2CID 95942060.
- ↑ Caudill, Mark A. (2006). Twilight in the Kingdom: Understanding the Saudis (Praeger Security International). Praeger. p. 51. ISBN 978-0-275-99252-1. Retrieved 30 June 2006.
- ↑ 7.0 7.1 Adelowo, E. Dada, ed. (2014). Perspectives in Religious Studies: Volume III. Ibadan: HEBN Publishers Plc. p. 403. ISBN 978-9780814472.
- ↑ Nigosian, S. A. (2004). Islam: Its History, Teaching, and Practices. Indiana: Indiana University Press. p. 111. ISBN 0-253-21627-3.
- ↑ "ihram". Encyclopædia Britannica. 2014. Retrieved 6 October 2014.
- ↑ William C. Chittick; Mohammed Rustom; Atif Khalil (2012). In Search of the Lost Heart: Explorations in Islamic Thought. SUNY Press. p. 39. ISBN 978-1-4384-3935-8.
- ↑ Staff Writer. "Day of Arafah". Hawzeh.
- ↑ Staff Writer. "people prayed at places called Karbala of Iran". Farsnews.
- ↑ https://muslim.sg/articles/193
- ↑ "4 Sunnah Acts for Zulhijjah, Especially the Day of Arafah". muslim.sg. Retrieved 2019-09-26.
- ↑ Zulfiqar, Muhammad (2011). Fast According to the Quran and Sunnah. Dar-us-Salam. ISBN 978-6035001618.
- ↑ "The Virtues of the Day of Arafat". www.jannah.org.