Jump to content

Delphine Djiraibe

From Wikipedia
Delphine Djiraïbé
human
Ein sex anaa genderfemale Edit
Ein country of citizenshipChad Edit
Name wey dem give amDelphine Edit
Ein date of birth1 December 1960 Edit
Place dem born amKoumra Edit
Languages edey speak, rep anaa signArabic, French Edit
Ein occupationhuman rights defender, lawyer Edit
Educate forMarien Ngouabi University Edit
Award e receiveRobert F. Kennedy Human Rights Award Edit

Delphine Djiraibe (born 1 December 1960) be Chadian attorney den co-founder of de Chadian Association for the Promotion and Defense of Human Rights. For 2006, she sanso establish de Public Interest Law Center (PILC).[1] BBC News describe am as "one of Chad ein most prominent human rights lawyers."[2]

For 2004, dem award am de Robert F. Kennedy Human Rights Award for ein work.[3]

Ein life den education

[edit | edit source]

Dem born Delphine on December 1, 1960 for Koumra, Chad insyd. She fini ein bachelor's degree for Moundou before she go study law for de Marien Ngouabi University for Congo Brazzaville, where she graduate for 1989.[4]

Ein background

[edit | edit source]

For de last years wey Hissène Habré dey power, Delphine Djiraibe still dey study law for Congo Brazzaville. After Idriss Déby overthrow Habré for one rebellion for 1990, Delphine return come Chad. Wen she land for de country, she see say de people dey suffer heavy for starvation den poverty insyd. Dis thing wey she see move ein heart wey e motivate am make she become human rights activist. Secof dis, she come join hands establish de Chadian Association for the Promotion and Defense of Human Rights make she fit fight for de people.[5]

Ein human rights work

[edit | edit source]

Delphine Djiraibe ein work mostly dey focus on de money wey dey commot from de Chad–Cameroon Petroleum Development and Pipeline Project, wey be World Bank dey fund am. Delphine argue say de money wey de pipeline dey generate suppose go support local development, instead of say dem go give am all to de Chadian military.[3] She talk say de pipeline project self make de villages for de region hungry more: "Their lands have been taken for the oil project. They get compensation but without preparation. The cash that they have received has been expended like that and now they find themselves with nothing."[6] Delphine sanna talk say de oil money follow make de civil war for 2005-2010 start, wey she call de oil revenue "curse."[6]

References

[edit | edit source]
  1. ↑ "Djiraibe, Delphine". Deutsche Welle (in English). 2013-05-03. Retrieved 2026-03-24.
  2. ↑ Stephanie Hancock (17 November 2005). "Chad euphoric at Habre's arrest". BBC News. Retrieved 3 July 2012.
  3. 1 2 "2004: Delphine Djiraibe, Chad". Robert F. Kennedy Center for Justice and Human Rights. Archived from the original on 21 May 2013. Retrieved 3 July 2012.
  4. ↑ Akyeampong, Emmanuel Kwaku; Jr, Professor Henry Louis Gates (2012-02-02). Dictionary of African Biography (in English). OUP USA. ISBN 978-0-19-538207-5.
  5. ↑ "Delphine Djiraibe: Chad's challenges". Al Jazeera (in English). Retrieved 2026-03-24.
  6. 1 2 "Chad's long road to independence". Al Jazeera. 12 November 2010. Retrieved 3 July 2012.
[edit | edit source]
Dem retrieve am from "https://gpe.wikipedia.org/w/index.php?title=Delphine_Djiraibe&oldid=95833"