Domitille Barancira

Domitille Barancira

human

Ein sex anaa gender	female
Ein country of citizenship	Burundi
Name wey dem give am	Domitille
Family name	Barancira
Ein occupation	judge, diplomat
Position ehold	ambassador, president
Educate for	University of Burundi

Domitille Barancira be Burundian judge wey serve as de chairperson for de Constitutional Court from 1998 go 2006. Afta dat, she work as Burundi ein ambassador go Germany.

Ein career

Barancira get ein law degree from de University of Burundi. Between 1983 den 1996, she work as judge, wey she even serve as de deputy chair for de Supreme Court from 1992 to 1996. For two years, na she be de chair for de Bujumbura Court of Appeal, wey later for 1998, she cam turn chair for de Constitutional Court. President Pierre Buyoya wey na he appoint am to dat position, wey she stay for der til 2006. She sanso be de head for de Commission of Reform and Modernization for de Burundian Justice System. For 2016, she be one of de people wey dem nominate for de African Court on Human and Peoples' Rights.

For 1997, Barancira tell Agence France-Presse say 17 people wey dem sentence go death secof de ethnic violence afta dem kill President Melchior Ndadaye for 1993, dem appeal demma sentences but e no work. She talk say nobody for Burundi wey dem execute am since some "cannibalism" cases wey happen 15 years before dat time. For de appellate court, she gree say make Pierre Nkurunziza ein death sentence stay for 1998; but later for 2005, when she be head of de Constitutional Court, she be de person wey swear am in as president. During de 2000s, she come turn one of de biggest campaigners for women demma rights for Burundi alongside people like Catherine Mabobori, Vestine Mbundagu, Marie-Christine Ntagwirumugara, den Sabine Sabimbona. For 2007, she turn Burundi ein ambassador to Germany, wey she retire from de work for 2010.