Ebi Bright
| Ein sex anaa gender | female  |
|---|---|
| Ein date of birth | May 19 CE |
| Place dem born am | Nigeria |
| Languages edey speak, rep anaa sign | British English, Nigerian Pidgin |
| Ein occupation | politician, actor |
| Educate for | African University College of Communications, University of Leicester |
| Affiliate plus | National Democratic Congress |
Ebi Bright be Ghanaian politician, development communicator, den former actress wey currently dey serve as Metropolitan Chief Executive of Tema. She get de appointment for May 2025, wey she be de first woman wey serve as Metropolitan Chief Executive of de Tema Metropolitan Assembly.[1][2] Before she join politics, dem know Ebi Bright for Ghana film industry den sanso as social activist.
Early life den education
[edit | edit source]Ebi Bright ein mommie cam from Ada for Ghana, while ein poppie cam from Bayelsa State for Nigeria. Even though dem born Ebi Bright for Nigeria, she grow up for Ghana. Ein background play important role give ein career as social activist.
Ebi Bright study Development Communication for African University College of Communications wey dey Accra, Ghana. She sanso do course for General Management for University of Leicester for United Kingdom to improve ein leadership den management skills. Ebi Bright fit speak French, as she collect four language certificates from Centre International de Recherche et d’Études de Langues for France.
Ein Career
[edit | edit source]Entertainment
[edit | edit source]Before she enter politics, she act for more dan 20 films. She cam be popular after one movie wey she act for, wey Hero Productions produce, den de movie be The Game.[3] Na thru arts she take get de platform to mobilize community den later enter politics.
Political career
[edit | edit source]Ebi Bright be member of de National Democratic Congress (NDC). Ein first time wey she enter politics be for de contest for Member of Parliament (MP) give de Tema Central Constituency. Even though she no win de contest, she cam be known for ein work den activities for de constituency.
Ebi Bright get confirmation as Metropolitan Chief Executive of Tema Metropolitan Assembly on 9 May 2025, wey she get strong support from de assembly members.[4] Na thru ein appointment, wey women sanso get voice for how local authorities dey run things for Ghana, as she cam be de first woman wey hold de position.
As soon as she take de position, she launch de “Right Way to Together” plan, wey aim to restore Tema back to ein original master plan as modern industrial center.
References
[edit | edit source]- ↑ "Ebi Bright confirmed as Tema MCE". Graphic Online (in British English). 2025-05-10. Retrieved 2026-03-11.
- ↑ Okine, Nii Ayikwei (2025-05-09). "Ebi Bright confirmed as Tema Mayor" (in American English). Retrieved 2026-03-07.
- ↑ "Ebi Bright | Actress". IMDb (in American English). Retrieved 2026-03-07.
- ↑ "Ebi Bright confirmed as Tema MCE". Graphic Online (in British English). 2025-05-10. Retrieved 2026-03-07.