Jump to content

Fana Mokoena

From Wikipedia
Fana Mokoena
human
Ein sex anaa gendermale Edit
Ein country of citizenshipSouth Africa Edit
Ein date of birth13 May 1971 Edit
Place dem born amKroonstad Edit
Languages edey speak, rep anaa signEnglish Edit
Ein occupationactor, film actor, television actor, politician Edit
Position eholdmember of the National Assembly of South Africa, member of the National Assembly of South Africa Edit
Work period (start)1997 Edit
Political party ein memberEconomic Freedom Fighters Edit
Described at URLhttps://www.parliament.gov.za/person-details/1590, https://www.pa.org.za/person/lehlohonolo-goodwill-mokoena/ Edit

Fana Mokoena (wey dem born on 13 May 1971) be South African actor plus political activist. E serve as Member of Parliament — first as delegate go de National Council of Provinces from May 2014 to August 2016, represent ein home province Free State. After dat, dem move am go National Assembly wey e serve from August 2016 till e resign for October 2020. But for 2024, after de National and Provincial Elections, Mokoena return back go parliament. Mokoena be one of de founding members of de Economic Freedom Fighters (EFF) party, den e serve too for de party ein central command team.

Early life den education

[edit | edit source]

Dem born Fana Mokoena on 13 May 1971 insyd Kroonstad insyd Free State, South Africa. E grow insyd Kroonstad, but later ein mommie plus ein step-poppie carry am go Johannesburg where dem raise am plus ein three siblings. De last three years of ein high school, e go Woodmead School[1] — de first fully multi-racial school for de country — na there ein love for de arts start. Mokoena later go study Theatre and Performance for University of Cape Town, wey e later qualify too for Media Studies.[2]

Acting career

[edit | edit source]

E start ein acting career as full member of Playhouse Theatre company for 1993, den for 1994 e make ein first TV appearance for South African TV film The Line.[3] For 1997, Mokoena act small role insyd thriller Dangerous Ground. Insyd 1999, e play Thula for popular South African TV drama Yizo Yizo. Insyd 2004, e act de role of Rwandan general Augustin Bizimungu for de film Hotel Rwanda.[4] From 2006 go 2009, e play de role of Jaws Bengu for South African series The LAB. Then for 2008, e appear small for series Silent Witness. Insyd 2010, Mokoena act Capt. James Sikobi for South African drama A Small Town Called Descent. Then for 2011, e appear for action-biography film Machine Gun Preacher, wey e act as John Garang plus Gerard Butler.[5]

Insyd 2012, e play small role insyd thriller Safe House wey get Denzel Washington.[6] Insyd 2013, Mokoena act Thierry Umutoni alongside Brad Pitt for zombie blockbuster World War Z. Still that year, e play anti-apartheid fighter Govan Mbeki for de film Mandela: Long Walk to Freedom plus Idris Elba.

Accolades den awards

[edit | edit source]

Mokoena dey receive plenty awards insyd de entertainment industry both insyd South Africa and abroad. E win Best Actor Award for South African Film den Television Awards (SAFTA) for ein role insyd The LAB. E sana win Best Actor in Supporting Role for African Movie Academy Awards (AMAA) wey dem do insyd Lagos, Nigeria, for ein role insyd Man On Ground.

Ein life matter

[edit | edit source]

Insyd 1976, Mokoena ein mommie, Arcillia Mekodi Mokoena, dem detain am plus put am for solitary confinement under de Apartheid regime sake of political activism.[7] Dem arrest am say she incite student protest for one school inside Kroonstad wey she dey teach, wey be solidarity protest to support de 1976 Soweto Student Uprising. Dis uprising lead to plenty student demma death under de Apartheid regime. Dis happen as violent protests break out across de country against de oppressive use of Afrikaans as language for teaching, plus many other issues. Dem torture Mokoena ein mommie both physically and emotionally, wey leave am scarred, but she dey alive den dey well insyd QwaQwa. She be political veteran by ein own right,[8][9] den her son, Fana Mokoena, follow her footsteps for political activism.

Mokoena be de senior brother to de late Karabelo Israel Mokoena, Tlotlisang Dipallo Charity Pigou (née Mokoena), den Mamello Blessings Relebohile Mokoena.

Mokoena ein step-poppie, Elias Bhuti Mokoena, dey late, den ein mommie ein senior sister, Khasiane Alrina Ntloko,[10] too dey late. Mokoena regard dis ein aunty like ein real mommie, because she raise am while ein real mommie dey incarceration, den later go school den work for other places. Mokoena always call Khasiane warmly as "Mada".

Politics

[edit | edit source]

Mokoena first join African National Congress (ANC), but later comot from dem because he believe say corruption dey demma system. After dat, he become one of de founding members of Economic Freedom Fighters (EFF), where he still dey serve as member for de party ein Central Command Team. Between 2014 plus 2016, Mokoena serve insyd de National Council of Provinces (NCOP), wey be South Africa ein upper house of Parliament. Then for 2016, dem appoint am go de National Assembly, de lower house, as one MP from Free State. For de 2019 general elections, Mokoena win ein second term as MP, as EFF nearly double demma seats.[11]

But on 16 October 2020, Mokoena resign from de National Assembly. Still, he remain for de Central Command Team insyd de EFF as part of de War Council, wey be de party ein operational authority. After eight years wey he no dey act because of politics, Mokoena return go de Film plus Television industry as writer plus producer. Ein company, Praise Poet Pictures, dey work on some international productions. He dey back on television too, now dey act lead role as Vukile Kubheka for de popular South African soap opera Scandal!, wey bring am back to de entertainment spotlight.

Filmography

[edit | edit source]
  • 52 Regent East (1993) as Lead
  • The Line (1994) as Tebogo
  • Inside (1996) as Prisoner (voice)
  • Dangerous Ground (1997) as Youth
  • Generations (1999) as Dr. Mandla Sithole
  • Jump the Gun (1999) as Man in shacks
  • In My Country (2004) as Mandla (uncredited)
  • Hotel Rwanda (2004) as General Bizimungu
  • Cuppen (2006) as Madoda
  • The LAB (2006–2009, South African TV series) as Jaws Bengu
  • Silent Witness (2008) as Katembula
  • Wild at Heart (2008-2010, TV Series) as Mr Ekotto
  • A Small Town Called Descent (2010) as Captain James Sikobi
  • State of Violence (2010) as Bobedi
  • Hopeville (2010) as Mogapi Khobane
  • Machine Gun Preacher (2011) as John Garang
  • Man on Ground (2011) as Timothi
  • Inside Story (2011) as Goodwill
  • Safe House (2012) as Officer in charge
  • World War Z (2013) as Thierry Umutoni
  • Mandela: Long Walk to Freedom (2013) as Govan Mbeki
  • Cold Harbour (2013) as Specialist
  • The Call (2015) as Sibongiseni
  • The Book of Negroes (2015) as Allasane
  • Scandal! (2021-2022) as Vukile Kubheka

References

[edit | edit source]
  1. ↑ "Woodmead School details".
  2. ↑ Zvomuya, Percy; Moya, Fikile Ntsikelelo (24 October 2013). "Chirping classes: Fighting for freedom in Mokoena's blood". Mail & Guardian. Archived from the original on 14 May 2019. Retrieved 5 August 2020.
  3. ↑ Dyomfana, Bulelani (19 December 2019). "9 'Generations' actors: Where are they now?". City Press. South Africa. Archived from the original on 5 August 2020. Retrieved 5 August 2020.
  4. ↑ Harding, Andrew (29 January 2015). "Fana Mokoena's dilemma: Interstellar or revolution in South Africa?". BBC News. Retrieved 5 August 2020.
  5. ↑ "World War Z's Fana Mokoena joins EFF's celeb supporters". News24 (City Press). 11 July 2013. Archived from the original on 5 August 2020. Retrieved 5 August 2020.
  6. ↑ "Fana Mokoena: Hitting the big time with Pitt". Mail & Guardian. 11 July 2013. Archived from the original on 3 November 2013. Retrieved 5 August 2020.
  7. ↑ "Security and related trials in South Africa - July 1976 - May 1977" (PDF). Archived from the original (PDF) on 2021-04-26.
  8. ↑ "Black Politics in Kroonstad: Political Mobilisation, Protests, Local Government, and Generational Struggles, 1976 – 1995" (PDF). Archived from the original (PDF) on 2017-12-02.
  9. ↑ "The Black Consciousness Movement and student demonstration: Kroonstad 1976". AIDC | Alternative Information & Development Centre (in American English). 2017-06-12. Retrieved 2021-08-12.
  10. ↑ "Mother of EFF's Fana Mokoena, Khasiane Ntloko has died". News365.co.za (in American English). 2019-10-09. Retrieved 2021-08-12.
  11. ↑ Bhengu, Cebelihle (9 December 2019). "MP Fana Mokoena reflects on EFF's growth: 'The party has shown tenacity & resilience'". TimesLIVE. Retrieved 5 August 2020.
[edit | edit source]
Dem retrieve am from "https://gpe.wikipedia.org/w/index.php?title=Fana_Mokoena&oldid=80306"