Farewell Pilgrimage
De Farewell Pilgrimage (Arabic: حِجَّة ٱلْوَدَاع, romanized: Ḥijjat al-Wadāʿ) na e be de Hajj pilgrimage wey Muhammad perform insyd de Islamic year 10 AH, dey follow de Conquest of Mecca. Muslims dey believe say verse 22:27 of de Quran bring about de intent to perform Hajj insyd Mecca dat year. Wen Muhammad announce dis intent, approximately 100,000 of ein Sahaba gather insyd Medina to perform de annual pilgrimage plus am. Muhammad perform Hajj al-Qiran, a type of Hajj insyd wich dem dey perform Umrah den Hajj togeda. On de 9th of Dhu al-Hijjah, de Day of Arafah, Muhammad deliver de Farewell Sermon atop de Mount Arafat outsyd Mecca.
Muhammad ein pilgrimage define several of de rituals den rites of de Hajj wey be one of de most well-recorded moments of ein life, dem later transmit thru ein sahaba, wey accompany am on dis occasion, wey dem observe every gesture of Muhammad, wich cam be a precedent to be followed by Muslims all over de world (sunnah).
Background
[edit | edit source]Na Muhammad live insyd Medina for ten years since de Hijrah wey he no partake insyd any Hajj pilgrimage, although he perform de Umrah on two previous occasions. Muslims dey believe de revelation of verse 27 of Surah 22, Al Hajj: Quran 22:27
And proclaim to the people the Hajj [pilgrimage]; they will come to you on foot and on every lean camel; they will come from every distant pass.
Muhammad commit to de Hajj dat year. De Muslims insyd Medina den de surrounding regions gather plus Muhammad to undertake de journey. Muhammad appoint Abu Dujana al-Ansari as de Governor of Medina during ein absence. On 25 Dhu al-Qi'dah (c. February 632), he lef Medina, accompany by all ein wifeys.[1]
Before he lef for Mecca, Muhammad stay at de Miqat Dhu al-Hulayfah wey he teach de Muslims de manner of wearing Ihram. He first perform ghusl, before he put on ein ihram, wich dem say e consist of two pieces of Yemeni unsewed white cotton. Muhammad then perform de Zuhr prayer at de miqat before he lef on a camel dem name Al Qaswa'. Muhammad then proceed plus ein journey til he reach Mecca, arriving eight days later.[2][3][4][5]
References
[edit | edit source]- ↑ Buhl, F.; Welch, A. T. (1993). "Muḥammad". Encyclopaedia of Islam. Vol. 7 (2nd ed.). Brill Academic Publishers. pp. 360–376. ISBN 90-04-09419-9.
- ↑ Abu Muneer Ismail Davids (2006). Getting the Best Out of Hajj. Darussalam. pp. 315–. ISBN 978-9960-9803-0-0. Retrieved 2015-10-18.
- ↑ Patrick Hughes; Thomas Patrick Hughes (1995). Dictionary of Islam. Asian Educational Services. ISBN 978-81-206-0672-2. Retrieved 2015-10-18.
- ↑ Muḥammad Ḥusayn Haykal (1 May 1994). The Life of Muhammad. The Other Press. ISBN 978-983-9154-17-7.
- ↑ Mubārakfūrī, Ṣafī al-Raḥmān. (2011). The sealed nectar : Ar-raheequl makhtum, biography of the Noble Prophet ṣallá Allāh ʻalayhi wa-sallam. Riyadh: Darussalam. ISBN 978-603-500-110-6. OCLC 806790487.
