Five Pillars of Islam

Five Pillars of Islam

obligation

Part of	Ahkam
Year dem found am	631
Get use	aqidah, worship in Islam
Facet give	Usūl al-Dīn, Foundations of the Islamic religion
Name in native language	أَرْكَانُ الْإِسْلَامِ
Religion anaa worldview	Islam
Dem name after	Submission
Culture	Arab world, Muslim world
Ein location	world, worldwide
Part of the series	sharia
Main subject	fiqh
Dey follow	Huda
Followed by	iman
Genre	spiritual practice, religious activity
Author	God in Islam
Country of origin	Hejaz
Language of work or name	Arabic
Illustrator	Jibril, Muhammad
Commemorates	Muhammad prophecy
Operator	Muslim, Mukallaf
Location of creation	Mecca, Medina
Hashtag	Five Pillars of Islam
Copyright status	public domain

De Five Pillars of Islam (arkān al-Islām أركان الإسلام; sanso be arkān ad-dīn أركان الدين "pillars of de religion") be fundamental practices insyd Islam, dem consider e be obligatory acts of worship give all Muslims. Na dem be summarized insyd de hadith of Gabriel. De Sunni den Shia dey agree for de basic details of de performance den practice of dese acts, buh de Shia no dey refer to dem by de same name (spy Ancillaries of de Faith, for de Twelvers, den Seven pillars of Ismailism). Dem be: Muslim creed, prayer, charity to de poor, fasting insyd de month of Ramadan, den de pilgrimage to Mecca for those wey fi able.

Translation of Rukn

De word rukn insyd Arabic dey refer to de corner of a building den de pillars be called umud. E sanso be used to refer to de basic elements anaa first principles of something. De arkan insyd military terms dey refer to de general staff. Thus, de translation "five principles of Islam" be more accurate dan "five pillars of Islam."

Overview of de Five Pillars of Islam

Dem dey call de ritual obligations of Muslims de Five Pillars. Dem be acknowledged den practiced by Muslims thru out de world, notwithstanding dema disparities. Dem be viewed as compulsory for individuals wey genuinely wish make dem pursue a life like dat wich Islamic prophet Muhammad lead. Like oda religions, Islam dey hold certain practices e be standard; however, dat no dey imply dat all individuals wey dey regard demaselves as Muslims dey necessarily observe dem. Individual participation fi vary wey dey depend for de individual ein faith; for example, no be every individual dey pray every day, dey keep de fast, dey perform de Hajj, anaa dey donate extensively to charity. Der sanso be Muslim communities such as Alevis wey dey reject de Five Pillars buh dey follow Four Doors system.

Shortly after de Muslim Arabs conquer new terrains, dem start dey raise mosques den castles den dey commission different commemorations den artifacts as articulations of dema faith den culture. De religious practice of Islam, wich dey signify "submission to God", dey depend on fundamentals wey be known as de Five Pillars. Each of de five pillars be alluded to insyd de Quran, though insyd various chapters (suwar). Further insights wey dey concern dese commitments be given insyd de Hadith.

Though na dem perform comparable practices insyd pre-Islamic Arabia den by Jews den Christians for de time of Muhammad, na dem change dem insyd de Quran den Hadith, given a carefully monotheistic center, wey dem identify plus de life of Muhammad.Insyd de Quran, in spite of de fact dat de Shahada no dey show up in full, Quran 8:20 dey urge de individuals wey dey accept make dem obey God den ein Messenger. Prayer be alluded to chaw times, plus prayer times dem reference insyd Quran 20:130, den de demonstrations of bowing den prostrating insyd 48.29. Insyd a few chapters, dem dey urge Muslims both make dem pray den give alms (for example Q.5:12), however wat, wen den to whom gifts dem ought to be made dem clarify insyd more detail insyd de hadith.Der be a critical entry for fasting insyd de Quran (2:183-187), wich dey allude to de period of Ramadan den dey set out de detail for who ought, den ought who no dey fast, to a certain extent under specific conditions. Dey regard de matter of de Hajj, de longest Quranic section (2:196-203) dey recommend de destination location of de pilgrimage, de lead den exercises of de individuals wey dey participate, dey urge dem make dem get God as a top priority consistently.

Pillars of Sunni Islam

De Five Pillars of Islam

An artwork wey dey depict de 5 pillars

First pillar: Shahada (Declaration of Faith)

De first pillar of Islam be de Shahada, de assertion of faith. Der be two shahadas: "Der be no god buh God" den "Muhammad be de messenger of God". Dis set statement be normally recited insyd Arabic: lā ʾilāha ʾillā-llāhu muḥammadun rasūlu-llāh (لَا إِلٰهَ إِلَّا الله مُحَمَّدٌ رَسُولُ الله) "Der be no god buh God (den) Muhammad be de messenger of God." E be essential make dem utter am so dem cam turn a Muslim den to convert to Islam.

Dem dey say de Shahada, anaa profession of faith five times a day during prayer. Ebe de first thing dem dey say to a newborn, den de last thing to a person for dema death-bed top, wey dey show how de Muslim prayer den de pillars be instrumental from de day dem born a person til de day dem die.

Second Pillar: Salah (Prayer)

De Second Pillar of Sunni Islam be Salah, anaa prayer. Before dem observe a prayer, dem dey perform ablutions wey dey include washing one ein hands, face den feet. A caller (Muezzin insyd Arabic) dey chant aloud from a raised place insyd de mosque. Dem dey recite verses from de Quran either loudly anaa silently. Dese prayers be a very specific type of prayer den a very physical type of prayer dem call prostrations. Dem dey do dese prayers five times a day, at set strict times, wey de individual dey face Mecca. Dem dey perform de prayers at dawn, noon, afternoon, evening, den night: de names according to de prayer times be: Fajr (dawn), Dhuhr (noon), ʿAṣr (afternoon), Maghrib (evening), den ʿIshāʾ (night).

Third Pillar: Zakat (Almsgiving)

De Third Pillar of Islam be Zakāt, anaa alms giving anaa charity. Zakat dey mean purification wich dey indicate dat a payment dey make de rest of one ein wealth legally den religiously pure. By following dis pillar, Muslims for deduct certain amount of dema wealth make dem support de Islamic community — usually about 2.5% of dema wealth.

Fourth Pillar: Sawm (Fasting)

De Fourth Pillar of Islam be Sawm, anaa fasting. Fasting dey take place during de daylight hours insyd Ramadan, wich be de holy month insyd de Islamic calendar.

Muslims traditionally dey break dema fasts insyd de month of Ramadan plus dates (like those dem offer by dis date seller insyd Kuwait City), as na ebe de recorded practice (Sunnah) of Muhammad.

Three types of fasting (Siyam) be recognized by de Quran: ritual fasting, fasting as compensation for repentance (both from Quran 2), den ascetic fasting (from 33:35)

Fifth Pillar: Hajj (Pilgrimage)

De final Pillar of Islam be de Hajj, anaa pilgrimage. During one ein life, dem dey require a Muslim make dem make de pilgrimage to Mecca during de 12th month of de lunar calendar.

Pillars of Shia Islam

Twelvers

Twelver Shia Islam get five Usul al-Din den ten Furu al-Din, i.e., de Shia Islamic beliefs den practices. De Twelver Shia Islam Usul al-Din, equivalent to a Shia Five Pillars, all be beliefs dem consider foundational to Islam, den thus dem classify a bit differently from those dem list above. Dem be:

1. Tawhid (monotheism: belief insyd de oneness of God)
2. Adl (divine justice: belief insyd God ein justice)
3. Nubuwwah (prophethood)
4. Imamah (succession to Muhammad)
5. Mi'ad (de day of judgment den de resurrection)

In addition to dese five pillars, der be ten practices dat Shia Muslims for perform, dem call de Ancillaries of the Faith (Arabic: furūʿ al-dīn).

1. Salah: 5 daily prayers
2. Sawm: Fasting Ramadan
3. Zakat: Almsgiving, similar to Sunni Islam, e dey apply to money, cattle, silver, gold, dates, raisins, wheat, den barley.
4. Khums: An annual taxation of one-fifth (20%) of de gains wey na a year pass on widout using. Dem dey bia Khums to de Imams; indirectly to poor den needy people.
5. Hajj: Pilgrimage to Mecca
6. Jihad: dey strive for de cause of God
7. Dey enjoin good
8. Dey forbid wrong
9. Tawalla: dey express love towards good.
10. Tabarra: dey express disassociation den hatred towards evil.

Ismailis

Isma'ilis get dema own pillars, wich be as follows:

• Walayah "Guardianship" dey denote love den devotion to God, de prophets, den de Ismaili Imams den dema representatives
• Tawhid, "Oneness of God".
• Salah: Unlike Sunni den Twelver Muslims, Nizari Ismailis dey reason say ebe up to de current imām make he designate de style den form of prayer.
• Zakat: plus de exception of de Druze, all Ismaili madhhabs get practices wey dey resemble dat of Sunni den Twelvers, plus de addition of de characteristic Shia khums.
• Sawm: Nizaris den Musta'lis dey believe insyd both a metaphorical den literal meaning of fasting.
• Hajj: For Ismailis, dis dey mean visiting de imām anaa ein representative den dat dis be de greatest den most spiritual of all pilgrimages. De Mustaali sanso maintain de practice of going to Mecca. De Druze dey interpret dis completely metaphorically as "fleeing from devils den oppressors" den rarely go to Mecca.
• Jihad "Struggle": "de Greater Struggle" den "de Lesser Struggle".

History of de Pillars

One of de greatest assumptions about Islamic history be say na dem already set de Five Pillars den in place for de time of Muhammad ein death insyd 632 CE. However, chaw changes to dese Islamic rituals cam from small differences among minority Muslim groups. Na de major beliefs of de Pillars dey already in place, wey dey take de shape of de life den beliefs of Muhammad. De Five Pillars be alluded to insyd de Quran, wey na dem even specifically state sam insyd de Quran, like de Hajj to Mecca. However, de difference insyd practice of dese traditions be accepted insyd Islam of de Five Pillars, buh dis no dey mean na dem all exist since de life of Muhammad. De evidence of differences dey show na pillars always no be consistent to wat dem be today, so na e take chaw years for de Pillars make dem get to dema current den classic form.

Bibliography

Books den journals

• Brockopp, Jonathan; Tamara Sonn; Jacob Neusner (2000). Judaism and Islam in Practice: A Sourcebook. Routledge. ISBN 0-415-21673-7.
• Farah, Caesar (1994). Islam: Beliefs and Observances (5th ed.). Barron's Educational Series. ISBN 978-0-8120-1853-0.
• Muhammad Hedayetullah (2006). Dynamics of Islam: An Exposition. Trafford Publishing. ISBN 978-1-55369-842-5.
• Khan, Arshad (2006). Islam 101: Principles and Practice. Khan Consulting and Publishing, LLC. ISBN 0-9772838-3-6.
• Kobeisy, Ahmed Nezar (2004). Counseling American Muslims: Understanding the Faith and Helping the People. Praeger Publishers. ISBN 978-0-313-32472-7.
• Momen, Moojan (1987). An Introduction to Shi'i Islam: The History and Doctrines of Twelver Shi'ism. Yale University Press. ISBN 978-0-300-03531-5.
• Levy, Reuben (1957). The Social Structure of Islam. UK: Cambridge University Press. ISBN 978-0-521-09182-4.
• Muhammad Husayn Tabatabaei (2002). Islamic teachings: An Overview and a Glance at the Life of the Holy Prophet of Islam. R. Campbell (translator). Green Gold. ISBN 0-922817-00-6.
• Arthur Goldschmidt Jr. & Lawrence Davidson (2005). A Concise History of the Middle East (8th ed.). Westview Press. ISBN 978-0-8133-4275-7.
• Hoiberg, Dale; Indu Ramchandani (2000). Students' Britannica India. Encyclopædia Britannica (UK) Ltd. ISBN 978-0-85229-760-5.
• Ridgeon, Lloyd (2003). Major World Religions (1st ed.). RoutledgeCurzon. ISBN 978-0-415-29796-7.

Encyclopedias

• P.J. Bearman; Th. Bianquis; C.E. Bosworth; E. van Donzel; W.P. Heinrichs (eds.). Encyclopaedia of Islam Online. Brill Academic Publishers. ISSN 1573-3912.

• Salamone, Frank A (2004). "Encyclopedia of Religious Rites, Rituals, and Festivals". In Salamone Frank (ed.). Encyclopedia of Religious Rites, Rituals, and Festivals (1st ed.). Routledge. ISBN 978-0-415-94180-8.

External links

• Tenets of Islam
• Pillars of Islam in Oxford Islamic Studies Online
• Pillars of Islam. A brief description of the Five Pillars of Islam.