Floyd Shivambu

Floyd Shivambu

human

Ein sex anaa gender	male
Ein country of citizenship	South Africa
Name wey dem give am	Floyd
Ein date of birth	1 January 1983
Place dem born am	Malamulele
Languages edey speak, rep anaa sign	English
Ein occupation	politician
Position ehold	member of the National Assembly of South Africa, member of the National Assembly of South Africa
Educate for	University of the Witwatersrand
Political party ein member	African National Congress, Economic Freedom Fighters
Described at URL	https://www.parliament.gov.za/person-details/1672, https://www.pa.org.za/person/nyiko-floyd-shivambu/

Nyiko Floyd Shivambu (wey dem born on 1 January 1983) be South African politician wey serve as member for National Assembly for de Economic Freedom Fighters (EFF) till 15 August 2024, wen e join Jacob Zuma ein uMkhonto weSizwe Party (MKP). From November 2024, e serve as de MKP ein secretary-general till dem sack am for June 2025. After dem decide to remove am, Shivambu announce one splinter group wey e call Mayibuye Consultation.

E be de Deputy President plus lieutenant commander-in-chief for de Economic Freedom Fighters, de Parliamentary Chief Whip for de party insyd South African Parliament, den e serve too for de Trade and Industry Portfolio Committee plus de Standing Committee on Finance. Shivambu be member of de Pan African Parliament, wey e serve for de Rural Economy, Agriculture, Natural Resources plus Environment Committee.

Early life den education

Dem born Shivambu insyd Mahonisi, one rural village near Malamulele town insyd Limpopo province insyd South Africa. E be one of seven pikin. E grow for house wey no get running water or electricity. Ein parents dey do informal trading—dem dey sell hand-made duvets plus pillowcases for towns close by. Shivambu graduate from Mphambo High School for Malamulele insyd 2001. Shivambu go study for University of de Witwatersrand for Johannesburg, wey e first plan say e go turn technician. But later e change ein mind take study Political Studies plus International Relations, wey e take get bachelor's degree and honours degree. Shivambu come graduate for 2014 plus distinction for master's degree insyd political studies. Insyd ein third year for University of de Witwatersrand, dem elect am president for de Student Representative Body, den e join de African National Congress Youth League.

On 6 February 2018, e announce say Wits School of Governance accept am make e pursue doctoral degree wey e thesis go focus on South Africa ein transformation policies, legislation plus practices: ownership plus control of JSE-listed companies.

Political career

Floyd Shivambu ein political career start from student leadership time wey e serve as de Student Representative Council president for University of de Witwatersrand from 2004 go 2005. After dat, e turn Students Representative for de Joint Initiative for Priority Skills Acquisition from 2006 go 2007 den e be National Executive member insyd South African Students Congress. From 2008 go 2012, e hold two positions: Board Member for de National Student Financial Aid Scheme plus Spokesperson for de African National Congress Youth League (ANCYL). During ein time insyd ANCYL, e build strong political alliance plus Julius Malema.

Wey dem suspend dem from de ANC, Shivambu plus Malema co-found de Economic Freedom Fighters (EFF) for 2013 den e serve as de party ein Deputy President till 2024, wey e dey in charge of Policy, Research, plus International Relations. For 2014, dem elect am Member of Parliament for de EFF, wey e hold till 2024, plus e serve as Member for de Pan-African Parliament from 2014 go 2018. Dat same year, e co-edit The Coming Revolution: Julius Malema and the Fight for Economic Freedom.

In the 2024 South African general election, Malema stated that a potential EFF-ANC coalition would depend on Shivambu being appointed Minister of Finance. On 18 August 2024 Julius Malema announced Sinawo Tambo as Floyd's replacement in parliament. However, following the election, he instead joined the uMkhonto weSizwe Party, becoming its Secretary General and a Member of Parliament. On 18 August 2024, Malema announced that Sinawo Tambo would replace Shivambu in Parliament.

Shivambu was dismissed as MK's Secretary General in June 2025.

Controversies

Insyd 2011, ANC disciplinary hearing comot Shivambu from ein position as spokesperson for de ANC Youth League after e insult one journalist plus talk say e go help bring regime change insyd Botswana.

Then insyd 17 August 2018, dem arrest Shivambu for overspeed. Dem catch am dey drive 182 km/h for one zone wey dem mark 120 km/h, den later dem release am on bail.

Assault of journalist

Insyd 20 March 2018, dem video Shivambu as e dey attack one journalist outside Parliament. Dem schedule ein assault trial for February 2021, but later dem postpone am go September 2021.

Paternity scandal

Then insyd 2015, Shivambu enta one paternity scandal wey get plenty public attention. At first, e deny say e born pikin plus ein former girlfriend, Andile Masuku, but after dem do paternity test, e accept say de pikin be ein son. For November 2015, e talk say e no fit pay de R5000 monthly maintenance.

Racism accusations

People criticize Shivambu say why e go ask why Treasury official Ismail Momoniat — wey be South African Indian — dey always come present for parliament instead of black Treasury official. Shivambu talk say Momoniat ein presence dey "undermine African leadership". Dis talk bring plenty backlash from politicians den people for social media, wey say e dey show racial prejudice den e dey question Momoniat ein role for anti-apartheid struggle.

Four months later, Daily Maverick talk say e fit be say de reason why Shivambu talk dat thing be say Momoniat be part of de Treasury officials wey dey investigate how VBS Mutual Bank collapse — case wey dem allege say Shivambu plus ein brother Brian Shivambu dey involved inside.

VBS Bank

One report wey South African Reserve Bank release for October 2018 talk say Floyd Shivambu ein brother, Brian Shivambu, collect R16,148,569 (US$1.09 million) from de collapsed VBS Mutual Bank through irregular payments. Investigative journalist Pauli Van Wyk come report — plus plenty evidence — say from dat money, about R1.3 million go to EFF, den R10 million enter Floyd Shivambu ein side directly. Shivambu later challenge say anybody wey get proof say e chop money from VBS make dem show am.

Around dat same time, Mail & Guardian publish one article wey base on WhatsApp messages from whistleblower, wey allege say Brian Shivambu ein company be channel wey dem use pass money go Floyd ein side illegally.

As forensic financial investigations still dey go on, dem find say at least R1.84 million wey come from VBS pass through two front companies enter Shivambu ein personal account. South African Parliament ein joint ethics committee find say for 2017, Shivambu receive at least R180,000 — in three different payments — from Brian ein company, Sgameka Projects Pty Ltd.

Shepherd Bushiri

Insyd April 2025, Floyd Shivambu travel go Malawi wey e visit one church wey Prophet Shepherd Bushiri dey run. Bushiri be man wey South Africa dey find sake of fraud plus corruption, den e jump bail run commot for 2020. Then for June 2025, Jacob Zuma wey be president for MK party sack Shivambu from ein position as Secretary General. Zuma talk say de visit no get party approval den e violate de party demma constitution.