Françoise Foning

Françoise Foning

human

Ein sex anaa gender	female
Ein country of citizenship	Cameroon
Name wey dem give am	Françoise
Ein date of birth	1949
Place dem born am	Bafou
Date wey edie	23 January 2015
Place wey edie	Yaoundé
Cause of death	car collision
Ein occupation	politician, businessperson
Position ehold	Member of the National Assembly of Cameroon, mayor, Member of the National Assembly of Cameroon

Françoise Foning (1949 – 23 January 2015) be Cameroonian businesswoman den politician give de Cameroon People's Democratic Movement (CPDM). She start ein business career from age 12, wer she open restaurant before she enter sectors like tourism, transportation, food, medical, den education. Foning cam be president of CPDM women’s division for 1992, wey five years later dem appoint am as party leader for Douala wey she sanso be member of de national committee. For 2002, dem elect am as deputy mayor of Douala II den at de same time she start serve for de National Assembly. Foning lead de African Network of Cameroonian Businesswomen wey she work plus organizations like World Bank den African Development Bank, togeda plus oda international agencies. She be founding president of de Association of Cameroonian Businesswomen den de NGO World Female Company Managers.

Dem name one street for Douala after am in ein memory.

Biography

Dem born Foning insyd 1949 to one modest Bamileke family for de Menoua area of Cameroon. She no get strong educational background wey she no go university, buh she learn English den French. After ein family encourage am to work, she enter tourism work from age 12 for Douala, one port city for southern Cameroon. For 1966, Foning start ein business career wen she open one restaurant wey dem call New Style to make extra money. Later, she enter transportation business by buying two taxis from Toyota, den by 2005 de taxis increase reach about 150. Foning sanso expand ein business by adding gravel company Les Graviers Unis, plus Socamac food company, Ovicam export-import company, den Anflo furniture company, wey dem dey export goods go Europe den de United States.