Friday prayer
Friday prayer, anaa congregational prayer[1] (Arabic: صلاة الجمعة, romanized: ṣalāt al-jumuʿa), be de meeting togeda of Muslims for communal prayer den a service at midday every Friday.[2] Insyd Islam, de day einself be called Yawm al-Jum'ah (dem shorten to Jum'ah), wich translate from Arabic dey mean "Day of Meeting", "Day of Assembly" anaa "Day of Congregation".[3]
On dis day, all Muslim men be expected to meet den participate at de designated place of meeting den prostration (mosque),[4] plus certain exceptions secof distance den situation.[5] Women den kiddies sanso fi participate, buh no dey fall under de same obligation wey men do.[6]
Insyd chaw Muslim countries, de weekend dey include Fridays, den insyd odas, Fridays be half-days give schools den sam workplaces. E be one of de most exalted Islamic rituals den one of ein confirmed obligatory acts.
History of de practice
[edit | edit source]According to de history of Islam den de report from Abdullah bn 'Abbas narrate from de Prophet dey say dat: na dem give de permission to perform de Friday prayer by Allah before hijrah, buh na de people be unable to congregate den perform am. De Prophet wrep a note to Mus'ab ibn Umayr, wey represent de Prophet insyd Madinah to pray two raka'at insyd congregation on Friday (dat be, Jumu'ah). Then, after de migration of de Prophet to Medina, he hold de Jumu'ah.[7]
For Shiites, historically, dema clergy discourage Shiites from attending Friday prayers.[8][9] According to dem, na communal Friday prayers plus a sermon be wrong wey e lapse (along plus several oda religious practices) til de return of dema 12th Imam, Muhammad al-Mahdi.[9] However, among odas, Shiite modernist Muhammad ibn Muhammad Mahdi al-Khalisi (1890–1963) demand say Shiites for more carefully observe Friday prayers insyd a step to bridge de gap plus Sunnis.[10] Later, na dem develop de practice of communal Friday prayers, wey e cam be standard der-afterwards, by Ruhollah Khomeini insyd Iran den later by Mohammad Mohammad Sadeq al-Sadr insyd Iraq. Dem justify de practice under de newly promoted Guardianship of the Islamic Jurists doctrine. Wen al-Sadr install Friday prayer imams insyd Shia-majority areas—a practice no be traditional insyd Iraqi Shiism wey dem consider "revolutionary, if no be heretical"—e put am at odds plus de Shia religious establishment insyd Najaf.[11] Under both Khomeini den al-Sadr, political sermons go be heard.
References
[edit | edit source]- ↑ "Congregational Prayer". Learn Islam (in American English). Retrieved 2024-04-06.
- ↑ Fahd Salem Bahammam. The Muslim's Prayer. Modern Guide. ISBN 978-1909322950. Retrieved 29 January 2018.
- ↑ "Jum'ah: The Friday Prayer". pluralism.org (in English). Retrieved 2025-03-02.
- ↑ "The Mosque". The Metropolitan Museum of Art. Retrieved 2025-05-19.
- ↑ Al-Tusi, M. H. "A concise description of Islamic law and legal opinions." 2008
- ↑ "Islam – Prayer, Salat, Rituals". www.britannica.com (in English). Retrieved 2024-04-06.
- ↑ Rafat, Amari (2004). Islam: In Light of History. Religion Research Institute.
- ↑ Gilles Kepel (2004). The War for Muslim Minds: Islam and the West (illustrated ed.). Harvard University Press. p. 226. ISBN 978-0674015753.
- 1 2 Jonathan Steele (2008). Defeat: Why They Lost Iraq. I.B. Tauris. p. 96. ISBN 978-0857712004.
- ↑ Brunner, Rainer; Ende, Werner, eds. (2001). The Twelver Shia in Modern Times: Religious Culture and Political History (illustrated ed.). Brill. p. 178. ISBN 978-9004118034.
- ↑ Joel Rayburn (2014). Iraq after America: Strongmen, Sectarians, Resistance. Hoover Institution Press. p. 173. ISBN 978-0817916947.
External links
[edit | edit source]
