Gora Ebrahim

Gora Ebrahim

human

Ein sex anaa gender	male
Ein country of citizenship	South Africa
Name wey dem give am	Ahmed
Family name	Ebrahim
Ein date of birth	29 May 1936
Date wey edie	25 November 1999
Ein occupation	politician

Ahmed Gora Ebrahim (wey dem born 29 May 1936 – die 25 November 1999) be South African politician plus former anti-apartheid activist. During de apartheid time, e be foreign secretary for Pan Africanist Congress (PAC), wey e represent de party for National Assembly from 1994 till 1999. Just small time after e lose ein parliamentary seat insyd June 1999, plus shortly before e die insyd November dat same year, e comot PAC join African National Congress (ANC).

Early life den anti-apartheid activism

Dem born Ebrahim on 29 May 1936 insyd Durban wey dey former Natal province. Him and ein younger brother, Ebrahim Ismail, both take part for politics from demma youth time; Ebrahim himself take part insyd Trotskyite circles insyd Natal University plus University of the Witwatersrand. But while ein brother go join ANC, Ebrahim join PAC insyd 1957, wey e go exile for 1963 after dem ban de party.

Over de next three decades, Ebrahim be top representative for PAC abroad; different times e serve as de party ein main rep insyd Egypt, Iraq, China, Zimbabwe, plus insyd de United Nations for New York. Insyd 1969, as e dey based for Dar es Salaam inside Tanzania, dem appoint am as PAC ein secretary for foreign affairs. E be part of de people wey start de South African Non Racial Olympic Committee, plus e act as president when dem detain Dennis Brutus. During de five years wey e spend for Iraq, e be editor for de Baghdad Observer. E come return go South Africa for 1990 after apartheid government unban de PAC, plus e follow serve for PAC ein delegation for de negotiations wey end apartheid.

Post-apartheid political career

Insyd South Africa ein first post-apartheid elections for 1994, Ebrahim get elected to represent PAC for de National Assembly. After just one term for de assembly, e lose ein seat for de 1999 general election as PAC no perform well. After de election, media reports talk say Ebrahim dey almost leave PAC go join ANC, wey dem say offer am diplomat post; e come defect shortly after.

Personal life den death

Ebrahim meet ein French wife, Xaviere, for China, where she dey work as translator. Dem get two children—one boy plus one girl—wey dem born during exile time for Tanzania.

Few months after e join ANC, Ebrahim die on 25 November 1999 for ein house for Berea, Johannesburg, after heart attack catch am.