Grace d'Almeida
| Ein sex anaa gender | female  |
|---|---|
| Ein country of citizenship | Benin |
| Name wey dem give am | Grace |
| Family name | d'Almeida |
| Ein date of birth | 21 March 1951 |
| Place dem born am | Dakar |
| Date wey edie | 12 May 2005 |
| Place wey edie | Paris |
| Languages edey speak, rep anaa sign | French |
| Ein occupation | lawyer, politician, human rights defender, university teacher, minister |
| Employer | University of Abomey-Calavi |
| Position ehold | justice minister |
| Educate for | University of Paris 1 Pantheon-Sorbonne, Panthéon-Assas University Paris |
| Participant insyd | Fourth World Conference on Women |
| Member of | Independent International Commission on Kosovo |
Grâce d'Almeida Adamon (1951–2005) be Beninese lawyer, feminist, plus human rights activist. Dem put am insyd 1,000 women from everywhere wey dem nominate dem together for 2005 Nobel Peace Prize.
Biography
[edit | edit source]Grace Antonia Almeida Benoite Adamon born for 21 March 1951 for Dakar, Senegal. She go primary school for Sisters of Porto-Novo, wey na ein family move go Dahomey (now Benin) where she continue secondary school. She enroll for College of Our Lady of de Apostles for Cotonou, den for 1972 she take baccalaureate series A for Guebwiller, France. She get ein diploma plus master’s degree from Panthéon-Assas University for Paris. She study law for Pantheon-Sorbonne University, focus on maritime law den civil plus commercial rights for workers. After she fini ein postgraduate DEA, she come back go Pantheon-Assas, where she collect ein CAPA law degree.[1]
D'Almeida Adamon start dey practice as lawyer for Paris since 1977. De next year, she come back Cotonou. She be law professor for National University of Benin, she sabi well how to defend women's rights.[1]
For 1990, D'Almeida Adamon be one of de thirteen person wey dem choose to help build new, democratic constitution for Benin as part of de National Conference. She be de only woman wey dey there. Dat year, she sanso start de Association of Jurists of Benin (AFJB). De human rights organization dey fight for women make dem fi access legal services plus dem dey defend children's den women's rights. She still co-found de African Institute of Human Rights plus Democracy Promotion. D'Almeida Adamon work for United Nations (UN) programs plus NGOs. She shine for de UN program wey dey run Burkina Faso's Democratic Center for Domestic Governance for de 90s. Na she sanso take part for de Independent International Commission on Kosovo.[1]
D'Almeida Adamon be co-founder den president of Association des Femmes Juristes du Bénin (Women Lawyers Association for Bénin). She start am, plus dem create 114-page booklet wey dem call Guide juridique de la femme béninoise. De French guide wey show women legal rights don translate to Fon plus Batonou.[2] She talk say, "De Association of Women Lawyers wey take de step to make judicial guide dey for women, dem aim be to fi give women for Benin some basic legal procedures from de law wey dey guide de country, make dem fi improve dema lives through de law way wey dey work."[1] Na D'Almeida Adamon attend de Fourth World Conference on Women for 1995.[3]
From 22 November 1995 to 9 April 1996, she be Keeper of Seals and Minister of Justice Legislation for Benin government. Na ein hustle help open Women in Law plus Development wey dey happen for Africa side, Benin section insyd June 1999. Na she be Chief Technical Advisor for United Nations Development Programme plus she lead UN Justice Project for Haiti from 2000 to 2003. Na she serve for plenty international human rights committees during ein life. She be member of International Planned Parenthood Federation plus she help run Institute for de League of Human Rights for Benin. She be international consultant wey know democracy, electoral assistance, human rights, good governance, plus justice. From October 2004, she be vice-president for Network of Women Ministers and Parliamentarians of Benin.[1]
For 2005, she be one of only two people wey come from Benin (plus Grace Aboh) wey dem nominate as part of 1,000 women from all over de world for de Nobel Peace Prize.[4]
D'Almeida Adamon die for 12 May 2005 insyd Paris.[1] Na she divorce, plus she get three kiddies.
References
[edit | edit source]- ↑ 1.0 1.1 1.2 1.3 1.4 1.5 Gleason, Tiffany (2 February 2012). "D'Almeida Adamon, Grace". In Gates, Henry Louis; Akyeampong, Emmanuel Kwaku (eds.). Dictionary of African Biography (in English). OUP USA. pp. 160–161. ISBN 978-0-19-538207-5.
- ↑ D'Almeida, Irène Assiba (1994). Francophone African Women Writers: Destroying the Emptiness of Silence (in English) (2nd ed.). Gainesville, Florida: University Press of Florida. pp. 183–184. ISBN 978-0-8130-1302-2.
- ↑ Shiner, Cindy (October 5, 1995). "Benin's Ex-Amazons Hold Purse Strings". Christian Science Monitor.
- ↑ "PeaceWomen Across the Globe". PeaceWomen Across the Globe (in English). Retrieved 2025-01-27.
External links
[edit | edit source]
- CS1 English-language sources (en)
- 1951 births
- 2005 deaths
- Human
- Beninese people
- Beninese lawyers
- Beninese women writers
- Government ministers of Benin
- People wey komot Dakar
- Beninese officials of de United Nations
- 20th-century Beninese women politicians
- 20th-century Beninese politicians
- Women government ministers of Benin
- 20th-century lawyers
- Women's rights insyd Benin
- Paris 1 Panthéon-Sorbonne University alumni
- University of Abomey-Calavi