Great Kei River
| Mouth of the watercourse | Indian Ocean  |
|---|---|
| Tributary | Black Kei River, White Kei River, Thomas River, Kubusi River, Tsomo River |
| Country | South Africa |
| Edey de administrative territorial entity insyd | Eastern Cape |
| Coordinate location | 32°40′44″S 28°23′9″E, 32°13′46″S 27°30′32″E, 32°40′44″S 28°23′9″E |
De Great Kei River be a river insyd de Eastern Cape province of South Africa. E be formed by de confluence of de Black Kei River den White Kei River, northeast of Cathcart. E dey flow for 320 km (199 mi)[1] den dey end insyd de Great Kei Estuary at de Indian Ocean plus de small town Kei Mouth on de west bank. Historically de Great Kei River form de southwestern border of de Transkei region as na e be formerly known as de Nciba River.
Course
[edit | edit source]
De Great Kei River be a meandering river course wey e be formed by de convergence of de Black Kei River den de White Kei River insyd Enoch Mgijima Local Municipality, north-east of Cathcart den southeast of Queenstown. De Great Kei river dey flow from de junction of de Black den White Kei rivers for approximately 225 kilometers (140 miles) southeastwards along winding courses to de Indian Ocean. E dey terminate at de Great Kei estuary by Kei Mouth, a coastal resort town. Ein longest tributary be de Tsomo insyd de north. De name get ein origins as far back as 1752 wey be based on a Khoisan word for de river wey dey mean 'sand'.
De Great Kei previously form de southwestern border of de Transkei region wich fi be accessed via de 'Pont', one of only two car-transporting river ferries insyd South Africa.[2] De pont be currently operational den motorists be frequently ferried from de southwestern bank to de northeastern bank into de Wild Coast.
Climate
[edit | edit source]De estuaries from de Great Kei river to southern Mozambique be classified as subtropical. Dese systems be characterized by warm waters of more dan 16 degrees Celsius. De climate be warm den humid almost year-round as a result. Minimum winter temperatures dey range from 12 – 14 degrees Celsius den de area dey receive rainfall thru out de year.[3]
Dams insyd de Great Kei basin
[edit | edit source]- Xonxa Dam insyd de White Kei River (Wit-Kei River).
- Wriggleswade Dam on de Kubusi River
- Bongolo Dam, insyd de Komani River, a tributary of de Klaas Smits River, einself a tributary of de Black Kei River
Great Kei Pass
[edit | edit source]De N2 road dey pass thru Komga den Butterworth insyd an area be known as de Great Kei Pass anaa Kei Cuttings. E be a known for ein high prevalence of accidents secof mist den wandering cattle. Dis section of de N2 dey pass across de Great Kei River. De Kei Cuttings dey lie inland from de Kei Mouth, Morgans Bay den Chintsa West.[4]
References
[edit | edit source]- ↑ SA Estuarine Land-cover: Great Kei Catchment Archived 2004-12-27 at the Wayback Machine
- ↑ "The Great Kei River". www.keimouth.co.za. Archived from the original on 15 February 2018. Retrieved 16 January 2018.
- ↑ Harrison, T. D. (2002-04-09). "Preliminary assessment of the biogeography of fishes in South African estuaries". Marine and Freshwater Research (in English). 53 (2): 479–490. doi:10.1071/MF01121. ISSN 1323-1650.
- ↑ "Kei Cuttings in Butterworth, Eastern Cape". www.sa-venues.com. Retrieved 16 January 2018.
External links
[edit | edit source]
