Harimia Ahmed

Harimia Ahmed

human

Ein sex anaa gender	female
Ein country of citizenship	Comoros
Family name	Ahmed
Ein date of birth	20. century
Spouse	Idi Nadhoim
Ein occupation	politician, lawyer, Second Spouse
Position ehold	minister
Start of work period	1994

Harimia Ahmed be Comorian lawyer wey people know am as de first female lawyer for de country ein history. She serve as de Minister of Justice den sanso as de president of de bar council.

For ein career insyd, Harimia Ahmed work as defense counsel for chaw high-profile clients for de islands demma courts. Ein work make am one of de most important legal figures for de Comoros.

Ein career

Harimia Ahmed be de wifey of Idi Nadhoim, wey be de Vice-President of de Comoros from 2006 go reach 2011. She start dey practice law since at least 1994, wey she be de first female lawyer wey work for de Comoros insyd. For April 2003, Harimia represent Comoros for de fourth Indian Ocean Law Faculty Competition wey happen for Moroni. She join one "fictitious" public trial plus other lawyers wey commot from French-speaking countries like Madagascar, Mauritius, den Réunion.

Harimia Ahmed serve three terms as de president of de Comoros bar council. She talk say for ein time, de council grow from only two members for 1968 go reach more than 40 people when she finish ein term. She get big dreams say she go make de council work well, make transparency dey, den make everyone get equal service. For de time she be bar council president, she also work as legal adviser give de Comoros government, wey for 2007 she come turn de Minister of Justice. By 2010, she be de vice-president for de Comoros chapter of de Africa Center for Strategic Studies, wey for 2012 dem appoint am as honorary consul for Senegal for Comoros.

For de year 2000, Harimia work as defense lawyer for Cheikh Ali Bacar Kassim, wey be former member of de Comoros Assembly. Kassim be big opponent to de military-coup leader den president Assoumani Azzali. He talk plenty about money issues for de top government levels wey he ask say make dem overthrow de government. Dat time, dem refuse make Harimia meet Kassim, so Kassim start "hunger strike" (he shun dey eat) to protest.

For 2011, Harimia represent Brigadier-General Salimou Mogamed Amiri, wey be former chief of staff for de Comoros Army. Dem charge am say he kill Lieutenant-Colonel Combo Ayouba den say he join rebellion. Dem also charge fourteen of Amiri ein bodyguards for rebellion becos dem fight back when police come arrest demma general. For de end, de court talk say Amiri den almost all ein bodyguards no do de rebellion, but dem still keep de general for house arrest becos of de murder charge.