Hasan Ali (activist)
| Ein sex anaa gender | male  |
|---|---|
| Ein date of birth | 7 December 1933 |
| Date wey edie | 14 June 2010 |
Hasan Ali (dem born am 7 December 1933 – he die 14 June 2010) na he be Indonesian artist den language activist from Banyuwangi Regency, East Java. He be best known for ein promotion of de Osing language, wey be separate language from Javanese wey he advocate for ein adoption insyd Banyuwangi. He publish sam dictionary give de language insyd 2002.
Ein Early life
[edit | edit source]Dem born Hasan Ali for 7 December 1933 insyd de village of Mangir, wey today be Rogojampir district of Banyuwangi Regency. Na he be mixed of Madurese–Osing–Pakistani descent. He plete ein highschool insyd 1956 for Malang, wey he study law for Brawijaya University. Secof lack of funds, he no fi plete ein law degree.[1]
Ein Career
[edit | edit source]For age 15, na Ali form sam performing arts group wey perform de story of Damar Wulan.[2] Dem appoint go municipal council (DPRD) of de regency as artists' dema representative within de Indonesian National Party, wey he serve between 1955 den 1966.[2]
Ali start work for Osing–Indonesian dictionary top insyd 1978, wey na he initially dey collect vocabulary from day-to-day conversations insyd Banyuwangi den migrant Osing communities wey be near.[2] At de time, na dem commonly dey identify de language as dialect of Javanese instead of say ego be ein own language.[3]
After Ali ein participation insyd de Javanese Language Congresses insyd 1991 den 1996, wer he advocate Osing language education, de Ministry of Education den Culture approve de inclusion of Osing for Banyuwangi dema school curriculums insyd.[4]
Ein Family den death
[edit | edit source]Na Ali get four kiddies den ten grandkiddies from ein marriage plus Anna Susiani. Dema eldest daughter, Nur Indah Cintra Sukma Munsyi (alias Emilia Contessa), cam turn nationally famous singer, actress, den senator.[2][5] Ali die for 14 June 2010 for Fatimah Islamic Hospital insyd Banyuwangi secof diabetes den hypertension.[2]
References
[edit | edit source]- ↑ "Hasan Ali". Balai Bahasa Jawa Timur (in Indonesian). Ministry of Education and Culture. 10 February 2021. Retrieved 12 October 2024.
- 1 2 3 4 5 "Bapak Bahasa Using itu Telah Berpulang". Tempo (in Indonesian). 15 June 2010. Archived from the original on 20 April 2021. Retrieved 12 October 2024.
- ↑ Arps, Bernard (30 April 2009). "Osing Kids and the banners of Blambangan; Ethnolinguistic identity and the regional past as ambient themes in an East Javanese town". Wacana, Journal of the Humanities of Indonesia. 11 (1): 3. doi:10.17510/wjhi.v11i1.142. hdl:1887/15219. ISSN 2407-6899. Retrieved 12 October 2024.
- ↑ Wittke 2019, pp. 67–68.
- ↑ Erilia, Erika (30 August 2022). "Daftar Lagu Populer Emilia Contessa dan Riwayat Kariernya di Musik". tirto.id (in Indonesian). Retrieved 12 October 2024.