Haseki Sultan Complex

Haseki Sultan Mosque

külliye

Year dem found am	1538
Dem name after	Hürrem Sultan
Country	Turkey
Edey de administrative territorial entity insyd	Fatih, Istanbul
Coordinate location	41°0′31″N 28°56′30″E
Commissioned by	Hürrem Sultan
Architect	Mimar Sinan
Architectural style	Ottoman architecture

Elevations den plans Cornelius Gurlitt publish insyd 1912

De Haseki Sultan Complex (sanso be Hürrem Sultan Complex) (Turkish: Haseki Hürrem Sultan Külliyesi) be a 16th-century Ottoman imperial mosque complex insyd de Fatih district of Istanbul, Turkey. Na ebe de first royal project designed by de chief imperial architect Mimar Sinan.

History

Na Haseki Hürrem Sultan, de wifey of de Ottoman Sultan Suleiman de Magnificent commission de mosque complex. Na she marry de sultan around 1534 wey she probably use ein dowry make she finance de project. Na de architect Mimar Sinan design de buildings. Na ebe ein first imperial project wey ebe possible say na sam elements be planned by ein predecessor.

De complex contain a Friday mosque, a soup-kitchen (imaret), a madrasa, an elementary school (mektep) den a hospital (darüssifa). Na dem build de large complex for chaw stages insyd for either side of a narrow street. Na dem plete de mosque insyd 1538–39 (AH 945), na dem plete de madrasa a year later insyd 1539–40 (AH 946) den de soup-kitchen insyd 1540–41 (AH 947). Na dem no plete de hospital til 1550–51 (AH 957).

Description

Dem construct de simple mosque plus alternating courses of stone den brick wey get a single-galleried minaret. De portico get five arches plus five small domes wey six thin marble columns dey support. Originally na de prayer-hall be covered by a single dome plus a diameter of 11.3 meters. Insyd 1612–13, during de reign of Ahmed I, na dem enlarge de mosque make e accommodate an increased congregation. Na dem add a second dome wey dem double de prayer hall for size insyd. De painted decorations for de dome top no be original. Unlike de madrasa den de soup-kitchen, de mosque dey lack any cuerda seca tile-work.

De hospital get octagonal courtyard wey ebe de building per insyd de complex plus an ashlar construction. De carved stone inscription over de entrance from de street be a chronogram insyd Turkish wey dey give de date of construction. De madrasa be U-shaped around a central courtyard plus 16 small cells den a lecture hall. Dem sanso arrange de soup-kitchen around a courtyard. De cooking area for de northern end four octagonal chimneys. A account book wey survive dey show say na der be originally tiled lunette panels above six of de windows.

Na dem restore de complex insyd 2010–2012.

Gallery

• 
  Haseki mosque from street
• 
  Haseki mosque general view
• 
  Haseki mosque original part
• 
  Haseki mosque part dem add plus hünkar mahfili
• 
  Haseki mosque, de first den second domes
• 
  Haseki complex entrance to sam buildings
• 
  Haseki complex west side
• 
  Haseki complex kitchens of imaret

Sources

• Alioğlu, E. Füsun; Olcay, Aydemir; Sünnetçi, Ebru (2012). "Haseki Hürrem Sultan Külliyesi 2010-2012 Yılları Restorasyonu" (PDF). Vakıf Restorasyon Yıllığı (in Turkish). 4. Istanbul: Turkish Government, Istanbul Region: 17–29. ISSN 2146-3166. Archived from the original (PDF) on 2016-03-04. Retrieved 2015-02-25.
• Goodwin, Godfrey (1971). A History of Ottoman Architecture. London: Thames and Hudson. ISBN 0-500-27429-0.
• Necipoğlu, Gülru (2005). The Age of Sinan: Architectural Culture in the Ottoman Empire. London: Reaktion Books. ISBN 978-1-86189-253-9.

External links

• Haseki Hürrem Sultan Külliyesi, Archnet
• Photographs of the mosque by Dick Osseman
• A Historical Look to Educational Buildings: Istanbul Haseki Kulliye Madrasah - Mitademo at the Wayback Machine (archived 25 October 2015)