Hassan Ayariga

Hassan Ayariga

human

Ein sex anaa gender	male
Ein country of citizenship	Ghana
Name wey dem give am	Hassan
Ein date of birth	4 September 1971
Place dem born am	Bawku
Languages edey speak, rep anaa sign	English
Ein occupation	accountant, entrepreneur, politician
Educate for	Ghana Senior High School
Political party ein member	People's National Convention
Dema official website	http://www.hassanayariga.com/

Hassan Ayariga (born 4 September 1972) be Ghanaian accountant plus unsuccessful 2016 Ghanaian presidential aspirant. He be de founder of de All People's Congress (APC) den be de presidential candidate for de People's National Convention (PNC) insyd de December 2012 presidential election.

Early life den education

Ayariga spend ein childhood for Accra den Bawku, but he move go Nigeria plus ein parents after dem overthrow de Limann administration. He attend Ghana Secondary School for Tamale, den later go Barewa College for Zaria, Nigeria, but he no obtain any degree from Barewa. Later, he study accounting for London School of Accountancy, but likewise, he no pursue anaa obtain any degree from der.

Ayariga later attend Atlantic International University, wey be unaccredited university den often describe as degree mill. Dis no be ein only questionable American educational credential — he sanso receive honorary degree from Reagan National University, another institution wey widely report say be fraudulent. Plus, de accrediting body for Reagan National University, de Accrediting Council for Independent Colleges and Schools, itself lose recognition for United States due to lax standards.

Even though Ayariga dey call himself “Dr.,” he never actually earn any degree from any educational institution wey currently get accreditation from recognized authority for de country where e dey base. Dis no be de same for ein wifey, Anitta, anaa ein broo, Mahama — dem be graduates of Kwame Nkrumah University of Science and Technology (KNUST) den Harvard Law School respectively.

Politics

Insyd de presidential primaries of de People’s National Convention (PNC) ahead of de 2016 general election, Ayariga lose to Edward Mahama — de same person he beat to become de presidential candidate insyd 2012. After de loss, he allege say electoral misconduct happen, so he lef de PNC to form ein own party, de All People’s Congress (APC), insyd 2016. De Electoral Commission of Ghana give de APC provisional certificate after Ayariga meet all de necessary requirements, den later dem grant am final certificate.

However, secof reported errors wey dey ein nomination paperwork, Ayariga get disqualified from appearing on de ballot for de 2016 Ghanaian general election. In reaction, he launch fresh claims of electoral misconduct, similar to de ones he first talk against de People’s National Convention.

Personal life

Ein poppie, Frank Abdulai Ayariga, be Member of Parliament for Bawku Constituency during de Third Republic under de Hilla Limann administration. Ein mommie, Anatu Ayariga, be business woman.

Ein younger brother, Mahama Ayariga, be Ghana ein former Minister for Youth and Sports from 2013 to 2015, den currently he be de Member of Parliament for Bawku Central Constituency.

Hassan Ayariga live plus work for Germany for plenty years, wey he get business interests both for Ghana den Germany. He marry wey he get five kiddies.