Herbert Bankole-Bright

Herbert Bankole-Bright

human

Ein sex anaa gender	male
Ein country of citizenship	Nigeria
Name wey dem give am	Herbert
Ein date of birth	23 August 1883
Place dem born am	Okrika
Date wey edie	14 December 1958
Place wey edie	Freetown
Languages edey speak, rep anaa sign	English, Nigerian Pidgin
Ein occupation	politician, physician
Educate for	University of Edinburgh
Political party ein member	National Council of Sierra Leone

Herbert Christian Bankole-Bright (23 August 1883 – 14 December 1958) be a well-known political activist insyd Sierra Leone.

Early life

Dem born Herbert Bankole-Bright insyd Okrika, for area wey de British turn to Oil Rivers Protectorate de next year, on 23 August 1883. He be kiddie of Jacob Galba Bright plus ein wife Letitia (née Williams), dem be Creole people wey come from Sierra Leone Liberated Africans. Bright ein poppie ein poppie, John Bright, be ex-slave wey dem free from slave ship plus ein mommie insyd 1823.

Bright go school for Wesleyan Boys' High School insyd Freetown from 1898 go 1904, then he go study medicine for Edinburgh University from 1905 go 1910, before he start ein practice for Freetown. For Edinburgh, he turn politically awake plus join plenty student activist talks den policy debates. For November 1911, he marry Addah Maude, wey be daughter of T. Colenso Bishop wey be old legislative council member, plus dem born four pikin dem later.

Political activist career

Insyd 1918, Bright start Aurora newspaper, wey he edit till 1925. For 1920, he be founding member of de National Congress of British West Africa, plus dem elect am insyd de Legislative Council for 1924. For 1925, he inspire Ladipo Solanke make he form de West African Students' Union, plus he join as founding member. Together plus Ernest Beoku-Betts, Bright campaign for more voting rights den fight racism, but e no get success.

Insyd1939, after wahala between him plus Isaac Wallace-Johnson, Bright support government plans wey go limit de work of Johnson ein Youth Leagues. Dis move make plenty of Bright ein supporters vex, so he step down from politics small time.

Insyd de 1940s, Bright start de National Council of Sierra Leone, wey turn de main opposition party for de 1951 Sierra Leone general election. But after six years wey dem try block all government moves, de National Council lose all ein seats for de 1957 election.

Legacy

Professor Akintola J. G. Wyse write a biography of H. C. Bankole-Bright dat be dedicated to de author ein family den ein late sister, Lerina Taylor-Bright.

External links

• Hakim Adi, West Africans in Britain: 1900-1960