Ihram

Ihram

Islamic clothing

Ihram (Arabic: إِحْرَام, romanized: iḥrām, from de Semitic root Ḥ-R-M) be a sacred state wich a Muslim for enter to perform de Ḥajj (major pilgrimage) anaa 'Umrah (minor pilgrimage) insyd Islam. A pilgrim for enter into dis state before crossing de pilgrimage boundary dem know as de Miqat by performing de cleansing rituals den dey wear de prescribed Ihram clothing.

Restrictions

Wearing

A man insyd de state of ihram for no tie knots anaa wear stitched items. Sandals den flip-flops fi be stitched, buh dem for allow de ankle den back of de foot to be exposed (sam od schools of thought sanso agree say de front of de foot for be shown as well).

Insyd de state of ihram, men no be allowed to cover dema heads anaa parts of am plus a cloth anaa headwear.

Insyd de state of ihram, women den men be prohibited from wearing gloves.

Scents

While insyd de state of ihram, a Muslim for no use any scents on de body anaa de robes. If de robe be fouled by najas (نَجَس, dirty) material anaa e be wiped, rubbed anaa touched by scented liquids (intentionally), then a new iḥrām clothing for be worn, anaa de Umrah anaa Hajj go be invalid.

Self-grooming

Aside from e for be as clean (purified) as dem be for prayer, male Muslims be expected to cut dema nails, den trim dema hair den moustache. Dem sanso for wear deodorant. Dem for wear ihram clothing, wich be a white, seamless garment. Chaw sanso shave dema head as dis be considered hygienic. Chaw go wait to shave dema heads til after dem fini Umrah anaa Hajj, as dis be a requirement to leave de state of ihram. Female Muslims sanso be expected to be clean. During de pilgrimage, sexual activity, smoking, den swearing sanso be forbidden.

Environment

An Ihram belt dem use during a Hajj for carrying valuables, 19th century

E be forbidden for every pilgrim of Hajj den Umrah wen insyd ihram to uproot, cut, break, anaa grind de branches of living trees insyd de Haramayn, de Two Sacred Places. Dese be Mecca den Medina (now insyd Saudi Arabia, den dey include de Masjid al-Haram, Mount Arafat, Muzdalifah, den Mina) den al-Aqsa (de region on top of de Temple Mount insyd Jerusalem). Dis be secof de trees wey thrive insyd de Haramayn be blessed.

E be forbidden for every person insyd ihram to hunt, shoot, kill, sacrifice, capture, confine, destroy anaa abuse any animal. Dis prohibition dey apply to all land animals, birds, den insects oda dan marine animals.

If a person accidentally step on anaa kill small animals anaa insects, such as small black ants, grasshoppers, etc., he no be considered guilty, buh he for pay a fine according to de value of de insects dem kill.

A person fi kill animals den insects wey fi harm dem anaa oda pilgrims, such as mosquitoes, snakes, scorpions, den spiders. However, driving away de insect anaa animal first be preferable if possible.

External links

• The Five Pillars of Islam, Hajj (Pilgrimage), The Fifth Pillar of Islam, Holy Sites/Mistakes of Pilgrims - An article on the many different beliefs surrounding the wearing of ihram by Sheikh Dr. Ghanim Saleh Al-Sadlan, professor of Higher Islamic Studies at the Imam Muhammad bin Saud Islamic University.
• Ihram Encyclopædia Britannica online