Iman Xin Chemjong

 

Iman Xin Chemjong

human

Ein sex anaa gender	male
Ein country of citizenship	Nepal
Name wey dem give am	Iman
Ein date of birth	1 January 1904
Place dem born am	Darjeeling
Date wey edie	1975
Languages edey speak, rep anaa sign	Nepali
Writing language	Nepali
Ein occupation	philosopher, historian
Educate for	University of Calcutta

Iman Singh Chemjong Limbu; na he be Limbu historian, writer, linguist, lexicographer, folklorist, den philosopher of Nepal. Chemjong devote ein entire life dey study den document various facets of Kirat Limbu tradition den culture for de tym wey na Nepalese ruling elite dey frown upon den even punish such activities as say ebe subversive den"anti-national". Chemjong ein research den publication of Kirant history den culture challeng perceptions of de Nepalese official doctrine wey showcase Nepal as Hindu cultural monolith devoid of alternative narratives.

Ein Education

Chemjong receive ein education for St. Xavier's College, Kolkata, wey na ebe under de University of Calcutta. Insyd 1928, he plete ein certificate level wey na he dey cam enroll for sam Bachelor degree, wey ein poppy, Megbar Singh Chemjong, die. As cam so, na Chemjong junior for put ein academic aspirations on hold.

Ein Early influences

Traditionally, Limbus dey observe religion wey dem dey bell am Mundhum wey be centred for animistic rituals den practices top. However, secof assimilation of Limbus go de Hindu mainstream insyd, chao Limbus adopt Hindu names wey dem start dey participate insyd Hindu worships den festivals.

Limbus never really severe demma ties plus demma rich religion den culture wey stretch back go ancient tyms. Alongsyd Hindu goddesses Durga den Laxmi, Limbus continue dey worship dema own supreme god Ningmaphuma.

Sam turning point insyd Chemjong ein life cam insyd 1925, wey de legendary Limbu activist Lalshore Sendang visit Kalimpong insyd Darjeeling district wey he meet plus Limbu elders den activists. Na Chemjong be one of de chao Limbu youths wey mow de Limbu Sirijonga script from Sendang wey he attend ein talks for Limbu religion den culture top.

Ein Works

Chemjong research Limbu language den culture insyd Limbuwan, i.e. East Nepal, de neighbouring hill areas of Darjeeling den Sikkim (then sam independent Himalayan kingdom) den Assam. For ein own lifetime insyd, he publish de following works:

• Kirat Itihas (1948)
• Kirat Sahityako Itihas (1955)
• Kirat Folklore (1961)
• Kirat Mundhum (1961)
• Limboo-Nepali-English Dictionary (1961)
• Kirat Mundhum Khahun (1965)
• Kirat History den Culture (1967)
• Kirat Darshanko Saransh (1969)
• Lepcha-Nepali-English Dictionary (1969)
• Bijayapurko Itihas (1974)

Ein Middle name

Although sam dey talk say dem spell ein middle name Xin as Singh secof mainstream Nepalese anaa Indian influence, others say Singh be correct secof for ein book Kiratakalina Vijayapurako Sankshipta Itihasa insyd, Chemjong rep ein name insyd Nepali as Iman Singh Chemjong.

Ein Recognition

For sam gesture insyd wey go against de grain of prevailing state ideology, King Mahendra invite Chemjong say make he join Nepal ein Tribhuvan University insyd de capacity of "Limbu expert" insyd 1961. For years till ein death, Chemjong head sam one-man Limbu research team at then Nepal ein only university. Insyd de 1950s den 60s, na Iman Singh Chemjong be name wey dey resonate plus respect den admiration.

External links

• http://www.limbulibrary.com.np/pdf/Kirat%20Dantya%20Katha-Imansing.pdf