Isaac Abraham Amihere

Isaac Abraham Amihere

human

Ein sex anaa gender	male
Name wey dem give am	Isaac
Ein date of birth	30 March 1915
Place dem born am	Axim
Ein occupation	politician
Position ehold	Member of the 2nd Parliament of the 1st Republic of Ghana
Political party ein member	Convention People's Party
Religion anaa worldview	Christianity

Isaac Abraham Amihere na he be a Ghanaian politician. He be de member of parliament for de Axim constituency from 1965 to 1966. Before he enter politics, Amihere be de general manager for de Guinea Press.

Early life den education

Dem born Amihere on 30 March 1915 to Theophilus Amihere plus Ama Suamhwe for Axim insyd de Western Region of Ghana (wey den call am Gold Coast by den times). He start ein early school for Half Assini Methodist School, den he go continue ein middle school education for Saltpond English Church School wey he complete am for 1933. Later, he do private studies for shorthand, typing, bookkeeping plus English.

Career

Amihere start work for Messrs. U.A.C. insyd 1937. He dey serve de company till July 1953. For August 1953, he turn manager for de Cocoa Purchasing Company. Dem appoint am acting manager on 4 December 1956, den he serve for dat position till dem terminate ein service after de company enter liquidation. He then join Nadeco Ltd as managing director till 1958 wey he become Administrative Manager for de Guinea Press. For March 1958, dem promote am to Deputy Manager, den later he rise to General Manager level.

Politics

Insyd 1965, Amihere turn de member of parliament wey represent de Axim constituency. Before 1965, dem dey call de constituency Eastern Nzema Axim constituency. He remain member of parliament for Axim constituency till February 1966 wey dem overthrow de Nkrumah government.

Personal life

Amihere marry Madam Adwoa for 1954 but dem dissolve de marriage for 1956. Dat same year, he marry Victoria Baddoo but dem dissolve de marriage two years later. Later on, he marry Madames Yawson plus Margaret Asare.