Ivor Greenstreet

Ivor Greenstreet

human

Ein sex anaa gender	male
Ein country of citizenship	Ghana
Name wey dem give am	Ivor
Ein date of birth	31 May 1966
Place dem born am	Accra
Languages edey speak, rep anaa sign	English
Ein occupation	politician, lawyer
Political party ein member	Convention People's Party
Candidacy in election	2016 Ghanaian presidential election

Ivor Kobina Greenstreet (born 31 May 1966) be a Ghanaian politician den lawyer. Na he be de Presidential candidate give de Convention People's Party (CPP) insyd de 2020 Ghanaian general election.

Early life den education

Ivor be de third of four siblings dem born on 31 May 1966 insyd Accra at de Korle-Bu Teaching Hospital to Prof. Dennis Greenstreet den Miranda Greenstreet, formerly a professor at de University of Ghana den co-chair of de Coalition of Domestic Election Observers (CODEO).

He marry de daughter of de late former Vice President Kow Arkaah. She be lawyer too, plus dem get three kiddies—one boy den two girls.

He come from Ga-Mashie insyd Accra. He do ein early school for Ghana, plus he be passionate Scuba diver. He be de first African wey take part for international parachuting event, den he be member of Ghana National Rifle Association. He later lef go United Kingdom go read law. After he finish, dem call am to de Middle Temple bar plus Ghana Bar respectively. For 1997, he get accident for Tema Motorway, wey make he dey use wheelchair till today.

Early career

Ivor be a lawyer by profession den a publisher.

Dem call am to de Ghana Bar den de English Bar (Inner Temple).

Politics

He be political militant wey get vision to increase de rights, freedom plus opportunities for de youth, women, den de less privileged. He dey respect self-determination, Pan-Africanism plus social justice high.

Convention People's Party

He be active member of de People's Convention Party (PCP) before de party merge plus NCP take form CPP for 1996. He continue play different roles insyd CPP. For 2004, de party select am as parliamentary candidate for Ayawaso West Wuogon constituency make he contest for de 2004 Ghanaian general election, but he lose give Akosua Frema Osei-Opare of de NPP. He be de first General Secretary wey dem re-elect two times for CPP—for 2007 den again for 2011. He be enthusiastic Scuba diver, de first African wey participate for international parachuting event, plus he be member of de Ghana National Rifle Association (GNRA).

2016 Presidential Bid

Insyd January 2016, he contest for de Presidential Nomination to represent de CPP, den he win with total vote of 1,288, wey represent 64.2% of de valid votes wey dem cast. Ein closest contender, Samia Nkrumah, wey be daughter of Ghana ein first President Kwame Nkrumah, get only 579 votes. Dis victory make am de first physically challenged person wey contest for Presidential election for Ghana. He be de flagbearer for de CPP insyd de 2016 Ghanaian general election. For de end of de election, he lose with 25,552 votes, wey represent 0.24%, as Nana Akufo-Addo come win.

2020 Presidential Bid

Dem re-elect am as flagbearer for de Convention People's Party (CPP) for de 2020 general elections. For October 2020, he choose Professor Emmanuel Bobobe as ein running mate.

Sanso see

• Miranda Greenstreet
• Yvonne Greenstreet