Jump to content

Jeanne Martin Cissé

From Wikipedia
Jeanne Martin Cissé
human
Ein sex anaa genderfemale Edit
Ein country of citizenshipGuinea Edit
Name wey dem give amJeanne, Martin Edit
Family nameCissé Edit
Ein date of birth6 April 1926 Edit
Place dem born amKankan Edit
Date wey edie21 February 2017 Edit
Place wey edieConakry Edit
Languages edey speak, rep anaa signFrench Edit
Ein occupationpolitician, diplomat, teacher, minister Edit
Position eholdambassador, Minister of Social Affairs of Guinea Edit
Educate forÉcole normale de Rufisque Edit
Political party ein memberDemocratic Party of Guinea – African Democratic Rally Edit

Jeanne Martin Cissé (6 April 1926 – 21 February 2017) be Guinean teacher plus nationalist politician wey serve as ambassador go United Nations, den for 1972, she be di first woman wey serve as President of di United Nations Security Council. She serve inside Guinea ein government as Minister of Social Affairs from 1976 until de 1984 military coup.

Early life den education

[edit | edit source]

Martin Cissé born for Kankan, Guinea, on 6 April 1926, wey she be de eldest of seven kiddies.[1] Na ein poppie (Darricau Martin Cissé), wey work for P.T.T. under de French colonial administration, be Malinke wey get Soninke origins from ein paternal grandmother side. Her mommie (Damaye Soumah) be midwife, den she be Soussou.[2] She go École Normale de Rufisque for Dakar, Senegal, wer she train to become teacher.[3][4]

Career

[edit | edit source]

Martin Cissé be one of de first female teachers for Guinea, den for 1944 dem assign her to de girls' school for Kankan. She join Union Madingue for 1946. Na there she meet de future president Ahmed Sékou Touré, wey be PTT trade unionist by then, den she join Rassemblement Démocratique Africain for December 1947. She live for Senegal plus her husband during di 1950s, den represent Senegalese Democratic Union for Congress of the International Federation of Women for France for October 1954. After Guinea ein 1958 referendum, she return to Guinea, where her husband become chief of staff to di Minister of Health for di new Republic of Guinea.

Insyd 1959 insyd, Martin Cissé be delegate go di congress of di West African Women's Union for Bamako, wey aim to keep pan-African women ein movement strong. From 1962 till 1972, she serve as Secretary General of di Pan African Women's Organization. Dem elect her go parliament for 1968, den she join di Central Committee after her husband die for 1971. She be di first woman wey serve as Vice-President of di National Assembly of Guinea. She serve as Secretary General of di African Women's Conference till 1974, plus she be delegate go di United Nations Commission on the Status of Women for Geneva, den also go di United Nations Commission on Human Rights.

Insyd 1972 insyd, Martin Cissé get appointment as Guinea ein Permanent Representative to di United Nations. As Guinea be non-permanent member of di UN Security Council, she become di first woman wey chair di council. She too get elect to chair di United Nations Special Committee against Apartheid.

Martin Cissé return go Guinea for 1976 as President Touré call am back, den appoint her as Minister of Social Affairs plus member of di Democratic Party of Guinea ein Politburo. After Touré die for 1984, dem arrest her plus plenty oda political leaders, den dem detain her for 13 months before dem release her wey no be based on any charge. After Diarra Traoré ein failed coup attempt for July 1985, she lef Guinea, move go Senegal first, den later go United States. For 1988 insyd, she join di International Committee of Solidarity for Women and Children for Southern Africa. For 2004, she join as member of di International Association of Francophone Women. For 2006, U.S. President George W. Bush send message of congratulations for Martin Cissé ein 80th birthday, acknowledge say she get "courage plus serious work".

Martin Cissé ein biography, Daughter of the Milo, come out for 2008. For 2014 insyd, South African President Jacob Zuma give Martin Cissé di Oliver Tambo Order to take acknowledge her role as leader plus role model for di fight wey concern women demma rights for Africa. But some people criticize her say she dey make Touré ein crimes look small, even though under ein regime like 50,000 people die.

Awards den honors

[edit | edit source]
  • Kuumba award for "significant contributions to African people", 1974[5]
  • Lenin Peace Prize, 1975[6]
  • Order of de Companions of O. R. Tambo, 2014, dem give am to Martin Cissé for her "excellent contribution wey she make to condemn apartheid for di world stage of di United Nations plus her strong stand against all di injustices wey happen for South Africa during apartheid."[7][8]

Personal life den death

[edit | edit source]

Insyd 1946, Martin Cissé marry Mohamed Camara, wey be police inspector but she no know am before. Later dat same year, when she get three months belle, ein husband die for car accident. For 1948 insyd, she marry Ansoumane Touré, one of de people wey start di Guinea Democratic Party. Ansoumane die for Camp Boiro prison for 1971 after dem arrest am sake of wetin happen afta Operation Mar Verde. Martin Cissé get six kiddies. She live for Baltimore, Maryland, United States.

Martin Cissé die on 21 February 2017.[9][10]

Publications

[edit | edit source]
  • "Woman, the first teacher". Prospects – Quarterly Review of Education. 5 (3). 1975.
  • International Solidarity with the Struggle for Liberation in South Africa. 1976.
  • "Family Problems in Africa". Guild Prac. 37: 23. 1980.
  • La fille du Milo (in French). Présence Africaine. 2010. ISBN 9782708708020.

References

[edit | edit source]
  1. ↑ Chiri, Ruwa (1972). "Madam Cisse: A sister at the UN" (PDF). Afrika Must Unite. Vol. 2, no. 14. Archived from the original (PDF) on 4 February 2017. Retrieved 4 February 2017.
  2. ↑ Barthélémy, Pascale (2010). Africaines et Diplômées à l'époque coloniale (1918–1957). Presses universitaires de Rennes. p. 14.
  3. ↑ Camara, Mohamed Saliou; O'Toole, Thomas; Baker, Janice E. (2013). Historical Dictionary of Guinea. Scarecrow Press. pp. 79–80. ISBN 9780810879690.
  4. ↑ Serbin, Sylvia; Rasoanaivo-Randriamamonjy, Ravaomalala (2015). African Women, Pan-Africanism and African Renaissance. UNESCO Publishing. p. 65. ISBN 9789231001307.
  5. ↑ Black World/Negro Digest. Vol. 26. Johnson Publishing Company. April 1975. pp. 29–30.
  6. ↑ Sheldon, Kathleen (2016). Historical Dictionary of Women in Sub-Saharan Africa. Rowman & Littlefield. pp. 175–176. ISBN 9781442262935.
  7. ↑ Camara, Amara Moro (23 April 2014). "Militante anti-apartheid : Jeanne Martin Cissé sera décorée le 27 avril par Jacob Zuma". Guinee News (in French). Archived from the original on 4 February 2017. Retrieved 4 February 2017.
  8. ↑ "La militante anti-apartheid guinéenne Jeanne Martin Cissé décorée dimanche à Pretoria". Le Jour. 23 April 2014. Retrieved 4 February 2017.
  9. ↑ Freland, François-Xavier (22 February 2017). "La Guinée endeuillée par la disparition de Jeanne Martin Cissé, figure de l'indépendance et des droits des femmes". Jeune Afrique. Retrieved 22 February 2017.
  10. ↑ "Guinée : décès de Jeanne Martin Cissé (Présidence de la République)". Guinée Matin. 21 February 2017.
[edit | edit source]
Wikimedia Commons get media wey relate to Jeanne Martin Cissé.
Dem retrieve am from "https://gpe.wikipedia.org/w/index.php?title=Jeanne_Martin_Cissé&oldid=76666"