Jump to content

Jeannot Ahoussou-Kouadio

From Wikipedia
Jeannot Ahoussou-Kouadio
human
Ein sex anaa gendermale Edit
Ein country of citizenshipIvory Coast Edit
Name wey dem give amJeannot Edit
Ein date of birth6 March 1951 Edit
Place dem born amRaviart Edit
Languages edey speak, rep anaa signFrench Edit
Ein occupationpolitician, minister Edit
Position eholdPrime Minister of Ivory Coast, National People's Congress deputy Edit
Educate forFélix Houphouët Boigny University Edit
Political party ein memberDemocratic Party of Côte d'Ivoire – African Democratic Rally Edit

Jeannot Ahoussou-Kouadio (born 6 March 1951[1]) be Ivorian politician wey serve as Prime Minister of Ivory Coast from March 2012 to November 2012. For April 2018, dem appoint am as President of de Senate of Ivory Coast, den e serve till October 2023.[2] Before dat, he be Minister of Industry from 2002 to 2005 den Minister of Justice from 2010 to 2012.

Ahoussou-Kouadio be member for Democratic Party of Ivory Coast – African Democratic Rally (PDCI–RDA), wey former president Henri Konan Bédié dey lead.[3] From when he komot as prime minister, he dey serve as president for de Regional Council of Bélier Region[4] plus Minister of State for de Presidency wey dey handle Political Dialogue plus Relations with de Institutions. When dem create de new position of Senate president for 2018, dem appoint Ahoussou-Kouadio put for dat role.

Career

[edit | edit source]

Dem born Ahoussou-Kouadio insyd Raviart, wey dey insyd Tie-N'Diekro subprefecture. As ein work, he be business lawyer, den he be long-time member of PDCI-RDA wey don hold different party positions. For 1999, dem appoint am as member of de Economic and Social Council of Ivory Coast, den for December 2000 parliamentary election, he win seat for National Assembly of Ivory Coast wey he represent Didievi den Tie-N'Diekro. For PDCI-RDA ein 11th congress for 2002, dem make am Deputy Secretary-General for Legal Affairs.[1]

Under President Laurent Gbagbo, Ahoussou-Kouadio get appointment as Minister for Industry plus Promotion of de Private Sector on top 5 August 2002 as part of de national unity government. He stay for dat position till December 2005. Insyd de October–November 2010 presidential election, he serve as campaign director for Bédié during de first round; but after Bédié come third and support Alassane Ouattara, Ahoussou-Kouadio come be deputy campaign director for Ouattara for de second round. Even though both Gbagbo plus Ouattara claim say dem win de second round, Ouattara declare himself president and on 5 December 2010, he appoint Ahoussou-Kouadio as Minister of State for Justice plus Human Rights.[1]

Ahoussou-Kouadio get appointment as prime minister from President Ouattara on 13 March 2012, to fulfil Ouattara ein promise say he go choose person from Bédié ein party as prime minister. As prime minister, he still hold de justice portfolio. But he no stay long for de position; on 21 November 2012, President Ouattara appoint Foreign Minister Daniel Kablan Duncan, wey be PDCI member too, to take over from Ahoussou-Kouadio. After that, on 9 January 2013, dem appoint Ahoussou-Kouadio as Minister of State insyd de Presidency.[5]

Ahoussou-Kouadio dey serve as president of de Regional Council of Bélier since 2013. For de government wey dem appoint on 12 January 2016, he hold de position of Minister of State insyd de Presidency for Political Dialogue plus Relations plus de Institutions. On 10 April 2018, he become de first president of de Senate.[6]

He travel go Europe on 3 July 2020 for routine health check-up, den on 12 July 2020, he test positive for COVID-19 for Germany.[7]

But for de Senate elections wey happen insyd September 2023, he no win ein seat again.[8]

References

[edit | edit source]
  1. 1 2 3 "Wayback Machine" (PDF). www.gouv.ci. Archived from the original (PDF) on 2023-10-14. Retrieved 2025-08-30.
  2. ↑ "Côte d'Ivoire - Senate". IPU.
  3. ↑ "Jeannot Ahoussou-Kouadio nommé Premier ministre en Côte d'Ivoire". RFI (in French). 2012-03-13. Retrieved 2025-08-30.
  4. ↑ "Conseil Regional du belier:.Le president". crbelier-ci.org. Archived from the original on 2016-10-22. Retrieved 2025-08-30.
  5. ↑ "Retour d'Ahoussou au Gouvernement : Les dessous d'une nomination - Sa nouvelle mission". Abidjan.net. Archived from the original on 2020-09-29. Retrieved 2025-08-30.
  6. ↑ "Côte d'Ivoire: L'ancien Premier ministre Jeannot Ahoussou affirme avoir "l'expérience" pour occuper la présidence du sénat" (in French). Abidjan.net. 26 March 2018.
  7. ↑ "Two senior officials test positive for COVID-19 in Cote d'Ivoire". Xinhua. 13 July 2020.
  8. ↑ "Former Ivorian Foreign Minister Kandia Camara elected President of Senate". WADR. 13 October 2023.
[edit | edit source]
Dem retrieve am from "https://gpe.wikipedia.org/w/index.php?title=Jeannot_Ahoussou-Kouadio&oldid=76678"