Jennifer Lufau

Jennifer Lufau

human

Ein sex anaa gender	female
Ein country of citizenship	France, Benin
Name wey dem give am	Jennifer
Ein date of birth	1993
Place dem born am	Togo
Languages edey speak, rep anaa sign	French, English
Ein occupation	online streamer, entrepreneur, lecturer
Educate for	Q20971863
Academic degree	Master of Business Administration
Dema official website	https://jenniferlufau.com/, https://www.callmejanebond.com/, https://www.twitch.tv/invincible_jane
Web feed URL	https://invinciblejane700058867.wordpress.com/feed/

Jennifer Lufau (dem born am insyd Togo) be gamer, den expert insyd digital marketing, wey dey base insyd Paris, France.

She be de founder den president of de Afrogameuses, sam association wey dey fight against racism den sexism (see: misogynoir) insyd de field of video games wey dey try say ego promote better representation of black women. Active den involved insyd de field of video games, she sana be de author of de blog "Call me Jane Bond".

Insyd November 2020, Vanity Fair elect Jennifer Lufau as one of de "fifty French women who made 2020".

Life

Dem born Jennifer Lufau insyd Togo insyd 1993. She grow up insyd Benin, wey she move go France around de age of seven. She play chao of video games for ein childhood tym.

She work as Social Media den Content Manager for Ubisoft for two years. She be expert insyd digital marketing, wey she now dey work as consultant insyd diversity den inclusion (D&I) den sensitivity reader insyd de field of video games. Insyd 2016, she defend ein thesis on video games at Sorbonne for ein master's insyd international project management. She sana be de author of professional thesis entitled “How Big Data is already transforming marketing? », wey dem publish insyd July 2017.

As kiddie, she frequent sam cybercafé every day after school so say she go play Prince of Persia. Later she play League of Legends, Mortal Kombat den Tekken. Around am, na no shoddie dey wey go share ein passion, wey na eno be subject wey ein classmates dey address. As she arrive insyd France, she remain without computer for long tym, wey na ebe only around de age of seventeen wey she start dey play regularly again. Once again, she find say na she be one of de few young shoddies wey go play. As adult, another question arise give am: “ Where dey de black shoddies for video games insyd? (Where are the black women in video games?). She realise say as player, she see einbody as kind of anomaly: female den black. She meet extraordinary menners on multi-player game platforms, wey she appreciate de socializing aspect wey allow am make chao friends. However, “dis no be de world of Care Bears, far fron am - (this is not the world of Care Bears, far from it)”.

For Jennifer Lufau, being black shoddies geek, insyd de racist den sexist world of gaming, na she be militant gesture. She suffer through de regular receipt of hateful comments. "Playing black characters be real “insult magnet”. So say dem go avoid dis situation, chao racialized shoddies evolve insyd dis environment under male-sounding nicknames. Too often sam witness, but sana be victim, of discriminatory behavior, she report being often de victim of racism insyd de world of streaming den deplore de fact say de only possible action wey dem go take counter insults be say dem go ban, report den block menners. However, dese menners dey retain “the possibility of endlessly reproducing these same insults". For am, ebe up to de platforms say dem go take demma responsibilities; for example, she dey cite Twitch. In fact, de players develop chao avoidance strategies so say dem go dodge dis harassment. For example, by say dem modify demma nicknames, by say dem go deactivate demma microphones anaa by say dem go play male characters, secof dese be “reputed to be stronger, more virile”, dem dey consider female characters as weak characters.