John Arthur (Ghanaian politician)
| Ein sex anaa gender | male  |
|---|---|
| Name wey dem give am | John |
| Ein date of birth | 4 February 1915 |
| Place dem born am | Anomabu |
| Languages edey speak, rep anaa sign | English |
| Ein occupation | politician, clerk |
| Position ehold | member of parliament, Regional minister, Member of the 2nd Parliament of the 1st Republic of Ghana, Member of the 2nd Parliament of the Gold Coast, Member of the 1st Parliament of the 1st Republic of Ghana |
| Political party ein member | Convention People's Party |
| Religion anaa worldview | Christianity, Christian |
John Arthur (wey dem born am 4 February 1915, date of death unknown) be Ghanaian politician. He serve as minister of state den member of parliament during de first republic. He be regional commissioner (Regional Minister) for Western Region[1] den member of parliament for Sekondi electoral district.
Early life den education
[edit | edit source]Arthur dey born on 4 February 1915 for Anomabo insyd Central Region of Ghana (wey by den be Gold Coast). He go school for Anomabo Wesleyan School wey he get ein Standard 7 Certificate.[2][3]
Career den politics
[edit | edit source]Arthur start ein career as worker for Union Trading Company as clerk insyd 1934. He work dey for some few years den move go Central Wassaw Gold Mines, where he still work as clerk. For 1937, he lef there go join Gold Coast Machinery and Trading Company for Sekondi. He work dey till 1944, dem come transfer am go United Africa Company Limited. For 1950, he take active part inside general strike wey make dem sack am dat same year.
Arthur go enter private business afterwards, wey he acquire one quarry insyd from de chief of Essipong plus anoda lumber business. Arthur get elect as member of parliament on 15 June 1954. After he ein election insyd parliament, he hand over demma businesses to ein cousins; he hand over de lumber business to ein cousin, de late W. B. Hayford, plus de quarry business to ein cousin one Mr. Isaac Hayford. He serve as member of parliament for Sekondi electoral district till June 1956, wey parliament dissolve.
During de 1956 elections, Arthur get re-elect plus he return insyd parliament. He remain as member of parliament for Sekondi from dat time till February 1966 wey dem overthrow de Nkrumah government. Insyd 1956, dem appoint am as Parliamentary Secretary (ministerial secretary or deputy minister), plus insyd dat role he serve for different ministries till 1960 wey dem appoint am as Regional Commissioner for de Western Region.[4][5] He hold dat position from 1960 till 1965 wey dem move am go Cocoa Products Corporation as chairman.
Ein life matter
[edit | edit source]Arthur marry Madam Ekua Mensimah insyd 1936. De two of dem get three kiddies. Arthur marry anoda wife; Grace Moses plus ein too, he get three kiddies plus am.[2]
References
[edit | edit source]- ↑ "Ghana News, Volumes 8". Ghana. Ministry of Information and Broadcasting. 1964: 126.
- 1 2 Sowah, E. N. P (1968). Report of the Sowah Commission : appointed under the Commission of Enquiry Act, 1964 (Act 250) and N.L.C. Investigation and Forfeiture of Assets Decree, 1966 N.L.C.D. 72 to enquire into the assets of specified persons. p. 41.
- ↑ "Ghana Year Book". Graphic Corporation. 1957: 162.
- ↑ "West African directory". T. Skinner, London. 1964: 81.
- ↑ "Parliamentary Debates; National Assembly Official Report". Accra, Government printing department. 1962.