Kafui Danku

Kafui Danku

human

Ein sex anaa gender	female
Ein country of citizenship	Ghana
Name in native language	Kafui Danku
Name wey dem give am	Kafui
Family name	Danku
Ein date of birth	16 August 1982
Place dem born am	Ho
Languages edey speak, rep anaa sign	English, Ewe
Ein occupation	actor, writer
Educate for	University of Cape Coast, OLA Girls Senior High School
Work period (start)	2009
Notable work	4 Play, I Do, Alvina, Thunder and Lightning
Award e receive	City People Entertainment Awards

Kafui Danku (born on August 16,1982) be a Ghanaian actress den movie producer, dem mostly know am for ein role insyd movies such as Any Other Monday, Alvina: Thunder and Lightning, I Do, den 4Play. She sanso be de author of de book Silence Is Not Golden.

Early life den education

Na Kafui grow up insyd Ho buh ein hometown be Tanyigbe-Etoe, a town insyd de Volta Region of Ghana. She get ein basic education for de Mawuli Primary and JSS. She further attend Ola Girls School insyd de Volta Region of Ghana, wey she continue ein education for de University of Cape Coast insyd de Central Region of Ghana. wer na she study a Bachelor of Arts insyd English.

Career

Kafui begin ein professional acting career for de United Nations before she enter de Ghana Movie Industry insyd 2009. She sanso be an advocate, a Vlogger den former beauty queen. Na she participate insyd Miss Ghana 2004, wer she cam turn a finalist, den insyd Miss Greater Accra 2004 wer na she win de pageant. She be de co-owner of ABC Limited (ABC Pictures GH), a film production company insyd Ghana. Ein first movie insyd de Ghana movie industry be Agony of the Christ, plus casts like Majid Michel den Nadia Buari.

Breakthru role den recognition

Kafui Danku ein personal life, particularly ein marriage to a Canadian man, na e be de subject of much public interest. Despite she face public scrutiny, particularly wey dey concern ein interracial marriage, na Kafui remain graceful den poised. Na she openly discuss de challenges of balancing ein career den family life, particularly as a mommie of two. Ein ability make she navigate dese challenges while she dey maintain a successful career further endear am to de public wey e strengthen ein image as a role model.

Contributions to Ghanaian cinema as a producer

Insyd addition to ein acting career, Kafui Danku make significant strides as a producer. Thru ein production company, Danku Productions, she dey produce chaw successful films wey no only entertain buh san dey address important social issues. Ein work as a producer be instrumental for elevating de standard of Ghanaian cinema den dey promote am on international level. Kafui cam earn chaw awards den recognition within de industry.