Jump to content

Kgotso Morapela

From Wikipedia
Kgotso Morapela
human
Ein sex anaa gendermale Edit
Ein occupationpolitician Edit
Position eholdmember of the National Assembly of South Africa, Member of the Free State Legislature Edit
Political party ein memberEconomic Freedom Fighters Edit
Described at URLhttps://www.pa.org.za/person/kgotso-zachariah-morapela/ Edit

Kgotso Zachariah Morapela be South African politician for de Economic Freedom Fighters. E serve as de party ein provincial chairman insyd de Free State till 2018. E represent de party both for de National Assembly den insyd de Free State Provincial Legislature.

Political career

[edit | edit source]

Morapela serve as de provincial chairperson for African National Congress Youth League (ANCYL) for Free State. Insyd February 2014, e resign from de ANC to join Julius Malema ein new political party, Economic Freedom Fighters (EFF),[1] after dem expel Malema from de ANC. Morapela then contest as candidate for EFF inside de national den provincial elections wey happen for May dat same year, den e win seat for de National Assembly.[2] As e enter parliament, dem appoint am to de Portfolio Committee on Public Enterprises for June 2014.[3] Still for June, one EFF Provincial Command Team (PCT) member talk say dem remove de party ein convenor to make way give Morapela take de position, because of ein past link plus de ANC Youth League.[4] Later, dem elect Morapela as de provincial chairperson of de party.

Morapela resign from de National Assembly on 31 October 2015, sake of say de party deploy am go de Free State Provincial Legislature. Thembinkosi Rawula come take ein seat for de National Assembly.[5] For November 2015, dem swear Morapela in as member of de Provincial Legislature, den assign am go de committees insyd Economic Development, Governance, Budget and Oversight, plus Public Accounts den Finance. Morapela and Mandisa Makesini disrupt Premier Ace Magashule ein 2016 State of the Province Address.[6]

At de EFF ein provincial conference wey happen for September 2018, ein fellow MPL Mandisa Makesini win de position of provincial chairperson, as she beat Morapela by only three votes.[7] Morapela continue serve as Member of de Free State Provincial Legislature until de 2019 general elections. Dem no add ein name to de party ein provincial candidate list, and for de National Assembly ein candidate list, dem place am for position wey e no fit win.[3]

Ein life matter

[edit | edit source]

Insyd de 2015 Register of Members' Interest, Morapela disclose dat he own a house insyd Bloemfontein den an empty stand insyd Smithfield.[8]

References

[edit | edit source]
  1. ↑ Mekoa, Refilwe (2014-02-11). "EFF expect more ANC members to join". Bloemfontein Courant (in American English). Retrieved 2023-07-19.
  2. ↑ "2014 elections: List of EFF MPs elected to the National Assembly - DOCUMENTS | Politicsweb". www.politicsweb.co.za (in English). Retrieved 2023-07-19.
  3. ↑ 3.0 3.1 "Kgotso Zachariah Morapela". People's Assembly (in English). Retrieved 2023-07-19.
  4. ↑ "Malema dumps new friends for old lions". The Mail & Guardian (in English). 2014-06-12. Retrieved 2023-07-19.
  5. ↑ "EFF welcomes new MP - POLITICS | Politicsweb". www.politicsweb.co.za (in English). Retrieved 2023-07-19.
  6. ↑ Chabalala, Jeanette (2016). "EFF disrupt State of Free State address". News24 (in American English). Retrieved 2023-07-19.
  7. ↑ "Newly elected F State chairperson Makhesini vows to unite EFF". SABC News (in American English). 2018-09-09. Retrieved 2023-07-19.
  8. ↑ Evans, Jenni. "Land-owning EFF MPs sitting on thorny issue". News24 (in American English). Retrieved 2023-07-19.
Dem retrieve am from "https://gpe.wikipedia.org/w/index.php?title=Kgotso_Morapela&oldid=80298"