Kofi Baako

Kofi Baako

human

Ein sex anaa gender	male
Ein country of citizenship	Ghana
Name wey dem give am	Kofi
Ein date of birth	1926, April 1926
Date wey edie	1984
Kiddie	Kweku Baako Jnr
Languages edey speak, rep anaa sign	English
Ein occupation	journalist, politician, teacher, surveyor, minister
Position ehold	Minister for Defence, Member of the 1st Parliament of the Gold Coast, Member of the 1st Parliament of the 1st Republic of Ghana, Member of the 2nd Parliament of the 1st Republic of Ghana, Member of the 2nd Parliament of the Gold Coast
Educate for	St. Augustine's College, St. Augustine's College
Political party ein member	Convention People's Party
Religion anaa worldview	Christian, Christianity

Kofi Baako (1926–1984) be Ghanaian sportsman, teacher den politician. He serve as Minister for Defence under Nkrumah ein government during de First Republic of Ghana till dem overthrow am for 1966. He sana hold various other ministries throughout de time wey Convention People's Party (CPP) dey power.

Early life den education

Kofi Baako ein poppie be teacher. He make Kofi Baako start school when he be only three years old. After he finish ein elementary school education for Roman Catholic School for ein hometown Saltpond, he continue ein secondary school education for St. Augustine's College, Cape Coast.

Work den politics

Baako become teacher den later civil servant. He get inspiration from Kwame Nkrumah ein speeches wey dey advocate for Ghana ein independence. Dis inspiration make he write article titled "My Hatred of Imperialism," wey lead to him getting sacked from ein job. Later, he meet Nkrumah, wey make am editor-in-chief of de Cape Coast Daily Mail when he still be only twenty years old. Anoda article wey he write later for de Daily Mail be "We Call for Freedom." Dis one make de colonial government imprison am. Nkrumah plus some other leaders of de Convention People's Party (CPP) join am for prison. Later, when Nkrumah win elections den form government, some of de men wey dem jail together with am become ministers for Nkrumah ein government.

Kofi Baako get elected as Member of Parliament for Saltpond inside Central Region of Ghana. Kwame Nkrumah appoint am as Minister of State insyd ein colonial government before independence. He continue serve in different roles throughout Nkrumah ein government. For de earlier years of de government, he first be Minister without portfolio before dem appoint am as Minister for Information and Broadcasting for August 1957. Dis make am de youngest minister not only for Ghana but for de whole British Commonwealth of Nations. He enter office when he be only 29 years old.

Baako serve as Minister for Defence between September 1961 den 24 February 1966.

Oda activities

Dem know say Baako be good for sports; he dey active inside soccer, cricket, den he be national table-tennis champion. Ein hobbies be reading den photography.

Family

Baako get four kiddies. One of dem, Kweku Baako Jnr, be journalist den editor of The New Crusading Guide newspaper.