Kow Nkensen Arkaah

Kow Nkensen Arkaah

human

Ein sex anaa gender	male
Ein country of citizenship	Ghana
Ein date of birth	14 July 1927
Date wey edie	25 April 2001
Place wey edie	Atlanta
Languages edey speak, rep anaa sign	English
Ein occupation	politician, consultant, minister
Position ehold	Vice-President of Ghana, Member of the 1st Parliament of the 3rd Republic of Ghana
Educate for	Harvard Business School, Harvard University, Achimota School, Tufts University, Mfantsipim School
Political party ein member	National Convention Party
Religion anaa worldview	Christian

Kow Nkensen Arkaah (14 July 1927 – 25 April 2001) be Ghanaian politician wey serve as Vice-President of Ghana from 1993 go 1997. He too be chief for Senya Beraku.

Early life

Dem born Kow Arkaah on 14 July 1927 for Senya Beraku insyd Central Region of de Gold Coast (wey now be Ghana). He attend Mfantsipim School between 1941 den 1946, den later go Achimota College. After dat, he move go United States of America, wey he get ein first degree for Tufts College, den later attend Harvard University for ein MBA between 1952 den 1954.

Career

Arkaah be Assistant Sales Manager for Secony Oil Corporation for New York City. Later, he return come ein homeland. From 1954 go 1957, Arkaah work as Marketing Executive for Mobil Oil Ghana Limited. For de next 10 years till 1968, Arkaah work inside de civil service, wey he rise to become Principal Secretary between 1966 den 1968. He be head of Ghana National Trading Corporation (GNTC), wey be big national trading franchise by dat time, Ghana Airways airline, den Ghana National Procurement Agency. For 1965 inside, he be Chief Commercial Officer for foreign trade. He too work as consultant for Gambia, Sierra Leone, Yugoslavia den Ethiopia.

Politics

Arkaah turn leader of National Convention Party (NCP) before de 1992 presidential elections. Ein party form alliance plus National Democratic Congress (NDC) of Jerry Rawlings, den Every Ghanaian Living Everywhere (EGLE). As part of de agreement, Arkaah turn vice-presidential candidate under Rawlings ein ticket. Rawlings den Arkaah no get smooth working relationship throughout demma four-year term. De peak of de tension be alleged punch-up between dem for cabinet meeting on 28 December 1995. Rawlings talk say e be some kind misunderstanding. After dat incident, Arkaah start dey call ein self "stubborn cat".

Arkaah turn leader of Convention People's Party wey dem form through merger between National Convention Party (NCP) den People's Convention Party. Dem announce de merger on 29 January 1996. Arkaah, wey still be vice-president of Ghana, stand as candidate for 1996 presidential elections but he lose. For Rawlings ein government inside, dem replace am plus Professor John Atta Mills, wey be law lecturer, as Rawlings ein deputy.

Death

Arkaah get involved for road traffic accident for Cantonments, Accra. He die from de injuries for Atlanta, United States, on 25 April 2001.